افضل معجون اسنان اومبيض

هاي بنات

فيدونا من خبراتكم

انا وايد اجرب معجونات ولاواحد احسه زين اكثر واحد ارتحتله ليلحين سنسوداين

بس الاكيد ان فاشل سيجنال تو اهو الي خرب علي

قولولنا شنو احسن شي للحفاظ على اسنانكم بيضه ونظيفه من معاجين الاسنان وغيره

انا بعد دايما اجرب بس بالاخير صفيت على اميل المعجون الاحمر الفرنسي القديم بس هم استخدم معاه معجون ثاني سنسوداين او اي نوع ثاني

بس معجون زين زين لي حد الحين ما شفت

الله يسلمج من السنع الزايد استخجم معجونين اول واحد ايميل ..عجييييب تحسين يبيض عاد مو 100% يبيض بس شويه ..وثاني معجون سيجنال او كرست على حسب

سنسوداين يسويلي حساسية بضروسي

استعمل ارم اند هارمر

انا استعمل سنسوداين حلووو ويهبل

ومرات استعمل المسواج

احبه اكثر شى يوم الجمعه لانه ورد فيه حديث الرسول صلي الله عليه وسلم عن المسواج….مطهره للفم ومرضاة للرب

اذا تبين معجون يبيض الاسنان عندج معجون بس ما اعرف اسمه علي صورة ريال لابس لبس محاربة الثيران سمعت ان يبيض بعد فتره من استعماله

هلا والله
اي دلوله انا بعد قالولي
عنه بس كل مابي اشتريه يصير شي لووووووووول

والمسواج ماعرف طريقته

تصدقين يالاسطوريه موضوعج جا بوقته
شوفى انا استعملت المعجون الاحمر الفرنسى اهو بصرااحه حلوو ويبيض
عاد ذالك اليوم وانا ادور بارفف بوتس لف نظرى هالمعجون وعلى طوول اخذته
جربته مادرى احس ضرووسى متفتحين عن قبل حتى اللى بالمحل كانت تمدح حييل فيه
اسمهsmile whitening
جربيه يالاسطووريه وقوليلى تجربتج انا عن نفسى بستمر عليه على طوول

اى صح نسيت لاقولج ترى رحت حق امل بصالون مس ون وصبغتلى رووعه
مشكووووره ياعمرى على نصيحتج صج مو مكانه هالكلام مفروض بقسم الشعر
بس ما عليه المهم وصلتلج الشكر يا قلبى

أنا كل شهرين لي معجون شكل .. بس صارلي فترة أستخدم معجووون إسمه (email diamant أحس إنه بيض أسناني بنسبه 30% …مواصفاته مثل اللي قالت عنه دلوله…

انا مابقي معجون ماجربته واخيرا لقيت الحل الاكثر من رائع جربوه يابنات وبتحسون بالفرق وبتدعولي ولا ب500 فلس تدرون من وين دايسوا يابنات واسمه المعجون عندهم وايت للامانه يابنات صج روعه وصج يبيض جربوه وانشالله بيعجبكم

انا استعمل سنسوداين وفى ناس وايد يمدحون ايميلا بروح اشريه واجربه

ايميل يبيض لكن ماينظف يبيلج واحد ثاني معاه وانصحج بكرست

السلام عليكم ورحمة اللة وبركاته اخواتى كنت استعمل معجون الاسنان هذا وفجأة لم اجد هذا المعجون فى جميع الجمعيات التعاونيه جميع جمعيات الكويت والصيدليات لم اجده من تعرف اين اجده ترشدنى اليه تعبت وانا ادوره الله لا يحرمنى منكم ودمتم فى خير اختكم ام نوير

احس مافي معجون ينظف جربت كل انواع المعاجين الغريبه والمعتاده ولا تغير شي !
يمكن لاني اشرب كولا

اقصد يبيض *