|
|
انا ولية امر وظيفتي الاساسية بالحياة اربي عيالي على القيم والاخلاق والسلوك الطيب
<<<<وهذا اللي ضيّعهم بالمدارس
ولدي بمدرسة ابتدائية جديده مافيها اخصائية
وشخصيته:-
((((مؤدب جدا خلوق لدرجة المصاخه مثالي حيل نظيف وصادق))))
جاني امس ووجهه مشموخ بعنف من اعلى الى ادنى
س اشفيك يا ولد؟؟؟؟
ج صبي اسمه احمد بصفي طقني
س ليش؟؟؟؟
ج طلب مني اشيل الورق من الارض ورفضت فطقني<<<هالحادثة صارت بالفرصة
س ليش ما دافعت عن نفسك ؟
ج ما اقدر
س ليش ما رحت للمديرة او اي ابله ؟؟؟؟
ج سكت
طبعا انا ما نمت بالليل
ومن الساعه 6 ونص قاعده بمكتب المديرة المساعده
قلت لها القصه كامله بالتفاصيل اللي قريتوها
قالت
شنو اسم ولدج ؟
شنو اسم الصبي اللي طقه ؟
جاوبت على اسئلتها وقلت لها
شنو الاجراءات الي رح تتخذينها..؟؟؟؟
قالت لما تزيد الشكاوي على نفس الولد (احمد) هني نتخذ الاجراءات 
طبعا قلت لها يمكن بعض الامهات ما يهمهم عيالهم ولا يدرون عن هوى دارهم يروح حق ولدي يعني ؟؟؟؟
قالت لا خلااااص يصير خير وحقرتني وراحت الغرفة الثانية
اخذي ولدج وروحي المنطقه التعليميه
حق مدير الشؤون التعليميه او المراقب خل يشوف بعينه شمسوين بولدج
وقوليله عن تصرف الوكيله ماتحترم اولياء الامور ومومتعاونه <<<< خل يلعنون خيرها
وقوليله انا بسوي تقرير طبي عن ولدي وبحطه بالجرايد
وقوليله عيالنا امانه عندهم مايحفظون على عيالنا اوديه البمدرسه صاحي
يردلي مشمخ ومزلق <<<<مايمشون الا بالعين الحمره
بعدين في مشرفات حق الصفوف ومناوبات الفرص وينهم يوم شلخو وي ولدج ؟؟؟
بحكم اني مدرسة بمدرسة صبيان فكليوم نشووووف بلاوي .. صبيان يتعافرون على قلم .. صبي عجبته وجبة فلان ناشبه عليها وتعافر معاه .. واحد سب امه ولا قاله كلام وصخ الثاني خذته الحميه على نفسه فتكافخو.. واحد غيران من شطارة زميله شقق كتبه فتكافخو .. عاااااااادي .. وظع طبيعي .. وظع صبيان ..الحين الاخوان بالبيت يتهاوشون فما بالج الي بالمدرسة ؟؟؟
واقع مؤلم انا ادري وما يظيع بالطوشه الا عيال المساكين ..الي مؤدبين عيالهم ومربينهم على السنع .. اما عيال الهيلق ( ما ودي اقول هالحجوه بس من حرتي ) اهم الي ماخذين حقهم ..
شرايج السنة الي طافت لقيت واحد برابعه ميت بجي .. اقوله شفيك يقول ابله فلان ( من قبيلة معروفة بشطانة عيالها لو الله يفكنا منهم جان احنا بخير) طقني .. طيب ليش طقك ابله مادري يه وطقني .. قلت له الحين تيي معاي تشتكي عليه عند الاخصائيه .. قام يصرخ لا ابله مابي .. قلت له ليييش ؟ انا معاك .. قال ابله يطلعولي بالهده هو وعيال عمه يطقوني قايليلي اذا اشتكيت بنطقك بره ..
شفتي الهنا الي احنا فيه .. اذا بعض الاوادم ما تربي عيالها عدل وعيال بعض الناس من وهو عمره شهور تربية السكه وما يتعلم من اهله الا الي يطقك طقه ومو اي طق لا فزعاااات ناس تنادي ناس من الصفوف بنطق فلان بالفرصه ويتفقون على واحد ويكفخونه ..
انتي تستغربين من وضع ولدج ؟؟؟؟
حبيبتي .. ولدج مع صبيان فلازم يحوشه شوي وتوقعي اكثر للاسف هذي المشكله مالها حل …
احنا بس مهنتنا نراقب و نشرف طول الوقت عشان نحاول نتفادى اي نوع من المشاكل ومع ذلك هم تشوفين ساعات صبيان يتعافرون ما جنه في ابله واقفه ..وعلى شنو هالهوشه على اسباب اتفه من التفاهه ..
الله يعين بس ..