|
|
السلام عليكم ورحمة الله وبركاته
خواتي الكريمات …. حبيت افيدكم بالنسبه لاسعار المراجعات عند اطباء النساء
بصراحه انا انصدمت من الدكاتره اللي بالجهرا والدكاتره الكويتيين
المراجعه 20 دينار ….. تسوين سونار 20 دينار
والمصيبه مرات دكاتره فاشلين وبعضهم مو استشاري
اللي خلاني اقول هالكلام اني تعبت وقالولي استشيري د محمد صلاح بمستشفى السلام لانه احسن استشاري بالكويت
انا قلت الحين اسعاره نار وتلاقينه طاير من غرفه لغرفه بين المراجعات مثل بعض الدكتورات اللي تتحسفين تدشين عليها كل همها الفلوس
المهم طلع الدكتور ياخذ سعر المراجعه مع السونار 20 دينار بس ويقعد ويسولف ويسأل ليما تخلصين كل اللي تبين
نصيحه خلوا الدكاتره التجاريين يولون وشوفوا ناس تخاف الله
خلتني ابلغ من هالادويه لين صرت هالمتن هو شاف سوناري قال هذي
هطول عمليه
وندفع هالفلوس وما نستفيد شي
فتح ملف ٣ دنانير
سونار ١٠
استشارة دينارين
شتقولين؟؟؟
كل مرة اطلع منها ١٢ دينار استشارة وسونار
هي بالفروانية بالعربيد بلازا فوق
جميلة العبدالسلام واختتها يسرا
اذا تبين رقمها. ارسلي لي بالخاص لاني انسى مواضيعي
ورحت عند محسن بالامومه فتح ملف دينارين مراجعه مع سونار 25 دك
عاليه الفضلي جنه 35 او 40 او 45 ناسيه والله جم بالضبط
هذول اللي راجعت عندهم بولاداتي وحمايلي كلها
انا رحت كذا مره وكل مره تقول بندور ملفج القديم وحددي موعد ما تقدرين تدخلين بدون موعد
وانا كنت تعبانه 
والخاص ما في الا السونار ولا علاجهم عادي وغالي يعني المواساة 33 استشارة وسونار وطيبه احسن د. منى 20 الاستشارة والسونار
الحمد لله اقط الفلوس وانا مرتاحه وتستاهل صراحه
بس شنسوي حاجتنا عندهم والله يكون بالعون مضطرين نراجع عندهم انا بالمراجعات اقط ٤٠ و ٥٠
عندنا هنديات حاشاكم ……….. ماتدري وين ربي حاشرها
وما ألوم الجهراويات اذا راجعوا خاص
بس الحرام انها تحدر لحولي والسالميه لدكاتره تجاريين
انا قلت اوصلكم هالمعلومه اللي حابه تراجع عند دكتور زين
والسلام فيه د محمد صلاح ومعاه دكاتره يهبلون
واللي تبي دكتوره زوجته معاه بالمستشفى ويمدحونها حيل المراجعات
والله يهون على كل حامل