|
|
السلام عليكم .. شلونكم بنات
ماراح اطول عليكم ببدا بالموضوع على طول
اولا
احنا نعرف الاندونيسيات اجسامهم حلوة ومفصله تفصيل ماعندهم كرش انا اقولكم سر من اسرارهم
اولا يلبسون مشد دايم لاحظوهم تحت القميص قالت لي وحده اندنوسيه عشان ما يطلع لنا كرش وجسمنا ما يصير ملخبط كل ما كنتى فاضيه البسيه
بعد شرب الكركم قالت اشربي كوب كركم اغليه او انقعيه بماء حار واشربيه وهذي المعلومة انا تاكدت منها في قوقل وجدت انها تكسر الدهون الثلاثيه في الجسم وتصغر البطن وهم يسوونه بعد في النفاس و ينظف الكبد يعني 3 في 1
اما النفاس تشرب قرفه وكمون وزنجبيل كل يوم الين 35 يوم بعدين تشرب قشر رومان لمدة 5 ايام وعلى طول جذي
ويدهنون جسمهم كل يوم بزيت انا ما عرفت شنو هالزيت بس لازم تجربين اي زيت هي تقول عشان يروح الخطوط اللي بالجسم وما يصير مترهل
وبعد لازم تحط تحت المشد كركم على بطنها او بن مطحون وتحط المشد فوقه لانه يبيض البطن على قولتها
وبشرة الاندونيسيات ما فيها شعر واجسامهم ماهي مشعره لان المولود اول ما يولد يمسحون جسمه بالترمس مطحون على طول او دم ارنب اول ما ينولد على طول 0
وشعورهم تطول بسرعه من الصبار اي صبار تاخذها وتقسمه نصين وتفرك فيه فروة راسها وتخليه ساعتين وتلفه بكيس 0
المساج يا حبهم للمساج يحركون دورتهم الدمويه عشان جذي عجايزهم ما يطيحون مبجر 0
وبعد السكر كثرة اكله تسبب زيادة افرازات للمره واذا عندها التهاب ماراح يروح الا لما تخفف السكر مع استخدام الدواء 0
هذي ممنوعه طول حياتك ( ما ياكلون ملوخيه ولاالباميه ولا موزولا منجا ولا خيار ولا بطيخ يقولون ابعدي عن الاشياء اللزجه مو زينه للمره يخليها من داخل كلها ماي مع احترامى بس لا حياء في الدين وعدم اكل الملفوف وقت الدورة لانه يسبب غازات او يسمى بالهوا في منطقه المهبل0
( والحوامض من طماطم وليمون وبرتقال بس بعد الدورة كليهم بالعافيه )بس وقت الدورة ممنوعه 0
وبعد الحامل عندهم قبل الولادة بشهر كل اسبوع تشرب فنجان صغير زيت اي زيت في كل صلاة الجمعه لمدة 4 مرات في الشهر ولادة ميسرة باذن الله ولقيتها بالصدفه في كتاب اسرار الحريم مكتوب كل 4 ايام و الاندونيسيه تقول كل اسبوع المهم الكلام صحيح وتشابه على صحته
وبعد معلومه من عندي هذي من دكتور: مسح المهبل بقطنه بها زيت سمسم لمده 3 ايام قبل الولادة لتسهيلها
وعدم تشقق المهبل الذي يسبب الشروخ التي يشعرها بتوسع المنطقه الذي لا يعالجه حتى الغرز لانها داخليه وغرز المستشفيات خارجية ولا يمكن اكتشافها الا بشكوى الزوج
في معلومه ابي اكتب كل شيء للامانه قشر الرومان ممنووووووووووع استخدامه وقت الدورة للبنااااااات اللي ماتزوجوا انتبهووووووووووووووا يابنات
بس يشربون القرفه والزنجبيل والكمون كل يوم وممكن قشرالبن مع قهوتك وهذي معلومه من وحده يمنيه والله ينضفج تنظيف
الا اليوم الاخير بس من الدورة اخر ليله فهمتوا وبعد الدورة اشربي كل يوم عااااااااااادي
للمتزوجات ايام الدورة نفس الشيء اللي بالنفاس قرفه وزنجيل وكمون واليوم الاخير في اخر ليله من الدورة اشربي قشر رمان ممكن اضافه قليل من( وفلفل اسود وقرنفل)والله ان قشر الرمان مفييييييييييييييد
عدم شرب الماء البارد لانه يرخي العضلات لاحظوا الاندويسيات يخلونه برا الين يصير دافيء ويشربونه 0
والله الاندونيسيات يعلمون بناتهم عن الاشياء الممنوعه وعمر بناتهم 2 سنه من هم صغار يالله كل وحده تعلم بنتها عشان تكبر وتنقل الشيء هذا بعد للاجيال القادمه 0
ولا تمشين على الارض وقت الدوره عشان البرودة ما تدخلج وتسبب الالتهابات والهوا للرحم وآلام الله يعلم وشلون مؤلمه وهذي بعد للنفاس لانهم كلهم نفس الشي 0
اخيرا وليس آخرا هالكلام منقوووووووول وحبيت افيدكم
لاتنسون ادعولي بالتوفيق