استفسار لخبيرات القطط

حبيباتي خبيرات القطاوه
عندي قطوتي كبيره بالعمر بس ولا مره ماحملت ولا ولدت
ماادري شفيها
عمرها من اشتريتها شهرين والحين سبع سنين
الخبيرات وينكم .. شنو السبب تهقوون
في قطاوه عقيمه بعد؟؟
كل مااوديها للبيطري مايجاوبني جواب مقنع
ماادري يقول عادي وطبيعي
انا مو مقتنعه بهالجواب
بالنسبه للتطعيمات . طعمتها واهي نظيفه واكلها دايما معلبات ومرات اكل بيت
بس الغالب اكلها معلبات
والحلو فيها انها حنونه ومو شرسه وتحب القطاوه الصغيره وتعطف عليهم مع انها ماحملت ولا ولدت ولا مره
ومره اشتريت قطو ذكر صغير واهى والله كانت تحن عليه ولما كانت تاكل ويجي يبي ياكل معاها توخر عنه لما يخلص تاكل من وراه
كاسره خاطري عندها شعور امومه هههههه

مسكينه اشك انه عقم
مدام قل واحد يقولج كلمه

مشكورين حبيباتي
اتمنى القى حل لها مسكينه

مشاء الله ؟!
٧ سنين مو شويا القطوة الطبيعيه عادة تطلب تزاوج من سنه واذا مو سنه توصل سنه ونص
اذا وايد ف انتي قطوتج غريبه والاعتقاد المحتمل انها عقيمة؟! الله لايقوله
سمعي انا راح اعطيج معلومة او نصيحه مجربتها ك تغريبي بالموضوع ..
انتي يبيلها ذكر منتج وخليهم مع بعاض لايكون معاهم قطاوة صغار يلهونهم عن بعاض
و خليها معاه جدامج مو اقل من سبوع .. يمكن قطوتج باردة حيل لدرجه انها ما تطلب
للتزاوج بروخها؟! يمكن ف انتي جربي هالاحتمال و ان شاء الله يكون في فايدة بس
اهم شي ذكر((((( منتج من قبل))) عشان يعرف شغله يهياءها .. شوفي وقوليلنا شصار
معااااج خيتوو والله يوفقج يارب ..

ماادري اشلون اشرحلج بس يمكن في مشكله بهرموناتها ؟!
او يمكن فيها فايروس اللوكيما ؟
او التهابات ببطانة الرحم ؟
وديها البيطري عشان يأكدلج السبب
بس مافي أي قطوه عقيمه
يمكن يكون فيها ضعف في الرحم مو عقم

مشكورين حبيباتي ماقصرتوا على هالنصايح انا اول شي بوديها للمره الاخيره لبيطري ومن بعدها بجيب لها مثل ماقالت الاخت ذكر منتج بشوف وبقولكم شيصير معاي

لوووول بطبط يعرف شغله وياها ضحكتيني
حياتي وديها رويال صج غالي بس يمكن يسوولها سونار حق رحمها تطمني عليها ويبيلها ذكر يعرف شغله على قولة بطبط ههههه انشالله تحمل

والله سالفه سالفتها
اخر شي طلعت احتمال تكون بارده ههههه
بوديها انشاءالله وبشوف لها صرفه وبسوي حفله اذا حملت ههههههه