استفسار عن الميك اب والعطور – تم تعديل العنوان بواسطه الاشراف

السلام عليكم .. شلونكم كويتيات ..
ياحلوات انا الحين قاعده اجهز والعرس ان شاء الله اول شهر 10 تنصحوني اشتري العطور الفرنسيه والمكياج الحين ولا بعدين؟ انا اخاف اشتريها الحين ويخربون من الحر والرطوبه ..:وشرايكم؟

وســؤاال ثاااني ..
وشنو تنصحوني فـيه من العطور الفرنسيه ؟ وكم عطر اشتري .؟ ومن وين اشتري بالضبط شنو احسن المراكز ؟ ياليت اللي تعرف ماتبخل علي وعلى خواتي اللي بيستفيدون .. وشكرا

الصراحه رأس موضوعج خرعني

ههههههههههههههه

وعليكم السلام .. بخير الله يسلمج وانتى
اولا مبرووك…والله يتمم عليج ويوفقج .. حبيبتي شووفي تو الناس ع المكياج والعطور انطري قبل العرس بشهر جذي ابدي اشتري احسن لج …

وبالنسه لسوالج الثاني…يا قلبي لا تكثرين عطوورات والله حرام .. اختى كثرت والحين قاعدين يجبدها ودها تغيرهم بس الدنيا اللى عندها شتسوي فيهم اشتري بس لا تكثرين انصحج ..
والعطــور اللى انا انصحج فيهم …

((عطري المفضل ))^^^

وان شاء الله يعجبووونج ..

واي طلب ثاااني من عيووني فديتج ..

ههههههههههههه حسيت الموضوع فيه هوشه من عنوانه

شوفي حبي انا نفسج من عرايس 10 المكياج نطري عليه احسن قبل العرس بشهرين ~> اهم شي شهر 10 خليج مرتااااحه لاتطلعين من البيت الا لجلسات الصالون بسسسس
اما العطور اذا بتاخذين من الكويت فخلصيهم ع راحتج كل مانزل عطر جديد واعجبج اشتريه واذا الجدد مو عاجبينج وعندج عطر تحبينه اخذيه بس اتوقع 6 عطور بيكفونج لانج بتملين منهم حييييييييييييل وتذكري السوق والعطور موطايرين ويتجددون ع طول وغير جذي انتي للحين ماتعرفين ذوق السي سيد خليج لين تعرفين ذوقه بعدين تشترين وانتي مرتاحه الحين لو كثرتي واكتشفتي انه مايحب عطوراتج ويميل لنوع ثاني بتتحسرين اخذي 6 او 5 يكفونج

الانواع ماعندي شي محدد اللي يعجبني اخذه ~ روحي دبنهامز وشمشمي <~ حلوه شمشمي خخخخ

والله يوفقج ويسهل امورج

ضباح الخير اختي ناعمه بملامحها ..
انا كنت من عرايس شهر عشره اللي طاف واتمنى افيديج وافيد غيرج ..
شوووفي العطور ماراح تخرب من الحر او من الضوء اذا حافظتي عليها تدرين شلون انا حطيتهم بجنطه وسكرت عليهم وفتحت فتحه صغيره وحطيتهم فوق الكبت والحمدلله ماخربوا..

انصحج بهالعطووور ..
سلفر رين
الين
نارسيسو الاسود
ميكاليف الوردي
هذووول لازم يكونون عند كل عرووس بنظري
واشتريهم من دبنهامز
وموفقييييييييييييين ان شاء الله

ههههههههههههههههاااااااي
هلا وغلا والله .. ارحبي يالغاليه .. انا بخيير فديتج ..
والله يباارك فييج و يجزاج خيير على هالدعوة ..

شورج وهداية الله .. انا كنت محتاره صج والله يوسع لج من حيث لاتحتسبين يالغلا ..

ومشكووره عالمرور العسل على قلبي .. وكل العطور اللي حطيتيها سجلتها عندي ..

وتسلم عيوونج

ربي يسلمج يــالــ غ ـــلا ..

ولو ماسووويت شـي فديتج …

وااااب لعيووووووووووووونج

هههههههه وان شاء الله تحمستي للهووشه خخخخ … وفزعتيلي خخخخ

أول شي مبروووك يالغاااليه والله يتمم لج على خيير ..

ومثل ماقلتي ماراح اشتري الحين .. وعلى قولتج بروح لدبنهامز وبشمشم خخخخ

وشكووره ياعسل عالنصايح والمروور فديتج

نفس اسألتج..واب لعيونج

صبااح العسل ياعسسل
مشكوووره عالنصايح وماقصرتي والله يجزااج خيير

اوله لا تشترين الحين ريييض
والعطورات انصحج بمحل التجميل جمعيه الروضه اكبر شي
والعطورات بعدين بدش وبكتبهم لج كلهم الفرنسيه والعربيه
ببس نصيحه لا تشترين اغراض وايد وعطورات جنه السوق بيخلص ترى تنزل اشياء يديده
والي عندج بيضلون لانه العطور اطول واعتدلي بأي شي انا قبل ضيعت فلوسي على اشياء تافه عقب العرس وزعتها

ارحبي يالغلاا .. وان شاء الله بتستفيدين .. وفديتج عيونج

لوووووووووووووووول واالله عبالي بتتهاوشين
الف مبروك حبيبتي و انصحج خلى المكياج واالعطورات اخر شي يعني لما تخلصين تجهيز على راحتج
والعطور

britney spears curious – dekny – chanel coco- nina ricci
marc jacob lola – miss dior
اما هالعطر مو صج ( marc jacob daisy) هديه من عمو كان وحتى معاه هدايا خاتم وبوك صغير كيوت انصحج فيه

هلا وغلا .. الله لايهينج حبووبه وماقصرتي عالنصايح .. ومشكووره عالمروور العسسسل

خخخخخخخ

الله يباارك فيج يالغاليه .. ومشكووره على النصيحه .. وكل العطور اللي كتبتيها سجلتها عندي ..

وشكرااا عالمروور

الله يوفقك ان شاءالله
ياحلوك بس يعني اذا جيتي بتشترينه بيعطونكياه جديد توه مصنوع الا مخزن في المستودعات
اشتريه الحين وارتاحي وانتي بتحفظينه داخل علبه وفي شنطه مو في الشمس عشان يخرب