|
|
السلام عليكم
بدش بالموضوع على طول
بس حبيت اعرف …اللي مشاركه قبل بمعرض
1-..شلون عرفت عنه ..عن موعده ..؟
2-وشلون تجهزت له ؟
3-يعني تكونين مسويه شغلات وايد وراكنتها …؟
4-وكم سعر الطاولات ..
5-زين المردود المادي يستاهل التعب والوقفه ..؟
خاصة لهاويات الكروشيه والخرز
اتمنى تعطوني اجابات شافيه لان وايد بنات يقولولي شاركي بمعارض
لكن اخاف ادفع وبعدين …ما يكون مردود مادي يبيض الوجه
عطوني كل افكاركم عن المعارض
وشنوهي العوائق
والاشياء اللي ابتعد عنها (الاشغال اليدويه اللي مالها قبول )
لو سمحتم
ابي تفاعل لاني شغلي حلو
وودي اشارك
*****
سوو للاسئله نسخ
وكتبوا اجاباتكم
يعطيكم العافيه والله يجزاها كل خير اللي ترد وترفع الموضوع
لأني اول مرة اشارك في معرض
و على فكره اختي ارض المعارض و تقريبا كل المعارض يحطون اعلانات قبل المعرض للي بيشاركون
1-..شلون عرفت عنه ..عن موعده ..؟
طالعي قسم المول دائما يعرضون مواعيدهم وبعد ممكن بالجرايد والجرايد الاعلانيه مثل 808080 او الوسيط
2-وشلون تجهزت له ؟
اما تكونين مزهبه شغلج من قبل او اذا حجزتي بمعرض لمنسبه معينه تبدين تجهزين من فترة وافضل لو تحجزين مبجر
مثال : انا عندي حاليا انظم معرض لللعيد الوطني واذا بغيتي تحجزين لازم تزهبين حق هالمناسبه .
3-يعني تكونين مسويه شغلات وايد وراكنتها …؟
الفضل تسوين بعض الشغلات وتكون زاهبه عندج وتنفع لكل وقت بس مووايد وممكن تيج طلبات بنفس وقت المعرض .
4-وكم سعر الطاولات ..
الطاولات اذا كان المعرض في بيت من 10 الى 15 ددينار لليوم اما اذا كان بصاله او فندق فيكون اغلى ممكن يوصل 300
بس احنا معرضنا رخيص ابتدا من 75 للمدة كلها 4 ايام .
5-زين المردود المادي يستاهل التعب والوقفه ..؟
حسب شغلج وشطاترج وممكن تحجزين الطاوله مع وحده وتعرضون شغلكم وتقسمون سعر الطاوله عليكم .
والله يوفقج اختي لاي استفسار انا حاظرة
وممكن تشوفين معرضي بتوقيعي بس تضغطين على الرابط .
تحياتي لج والله يوفقج
:
ذهبيه
:
بواسم ……….
مشكورين على الردود
ويعطيج العافيه اختي بواسم ما قصرتي .على ردج الاكثر من وافي …….
:
:
لأني اول مرة ودي اشارك في معرض
وحياكم الله
اخت الغالي الغايب
وريد رووز
**********اللي عندها تجربه او اضافه تحب تطرحها …….
ياليت تفيدنا مثل ما فادتنا الاخت بواسم
انا عن نفسي عندي معارفي منظمين معارض يبلغوني
2-وشلون تجهزت له ؟
3-يعني تكونين مسويه شغلات وايد وراكنتها …؟
مشاركاتي قليله لأن شغلي هاند ميد و ياخذ وقت , فـ احجز حق المعرض قبل بشهر و ابلش أجهز
وساعات يروحون كلهم مايظل شي,وساعات ينباع شي و باقي الكولكشن انزله مع الكولكشن الي وراه بالمعرض الياي
وطبعاً أهم شي يكون مكان العرض راهي و زين مو ضيج
لأني أعبتر أعمالي تحف فنيه وأحب انها تاخذ حقها من العرض
4-وكم سعر الطاولات ..
عن نفسي , فلوسي فدوة الفن الي أقدمه ماهمني المبلغ
لكن .. حسبي حساب المنطقه الي فيها المعرض , الاداره المنظمه ,الاعلانات المنتشره , إسم المعرض
والأسعار الي مرت علي 30 وفوق
5-زين المردود المادي يستاهل التعب والوقفه ..؟
حسب طموحج , إذا تبي تكبرين وتنشترين بالمجال
لازم تتحملين واحياناً تتعمدين الخساره مبدئياً
وفي النهايه , هذا رزق و نصيب
ولاحظي ان الهاند ميد نازل قوي المواسم هذي بالسوق ويتم تقديره أكثر من شغل المصانع
وأيييييييي شي تحتاجينه حبيبتي
واذا تبين معرض تشاركين فيه
أو أي نصيحه احتجتيها في المجال
راسليني بـ أي وقت
شكرا افروديت عالرد الحلو الوافي …
بس بعرف شنز المجال اللي تشتغلين فيه
يعني اول ما بديتي سيده حطيتي شغلج بالمعارض
بالنسبه لي المردود المادي اذا كان تمام راح يشجعني على الدخول بمعارض (على الاقل يشجع زوجي انه اشتري المواد الاوليه لعمل اي شغله يدويه )
انا اشتغل بالكروشيه والخرز توني باديه فيه
مع انه مكلف ما احد يقدر شغل الايد صراحه من اللي حولي …
:
اب اب اب اب اب اب اب ا ب
من زمان مو داشة المنتدى
-..شلون عرفت عنه ..عن موعده ..؟
المعرض في بيت خالتي بس صار بسرعة بسرعة و بلغتني قبلها ب 5 ايام
2-وشلون تجهزت له ؟
نزلت كل اشيائي اللي كنت مسوية عليها و اي شي كان ناقص كملته بسرعة ب 3 ايام
و الحمدلله اشياء وايد انباعت
3-يعني تكونين مسويه شغلات وايد وراكنتها …؟
الصراحة اي .. بس ما كنت حاطة بحسابي اني اشترك بمعرض .. يعني على اساس تكون استعمال شخصي و ما استعملتهم
4-وكم سعر الطاولات ..
خالتي ما خذت مني شي امانة .. قالت كل واحد و مدة ايده
5-زين المردود المادي يستاهل التعب والوقفه ..؟
الصراحة .. اي .. الناس صايرين يحبون الشي المميز و المشغول يدويا
بس يعتمد على القطعة المعروضة
يعني عندي نفنوف بيبي الكل يشوفه يقولون حلو بس محد خذاه
خاصة لهاويات الكروشيه والخرز
اتمنى تعطوني اجابات شافيه لان وايد بنات يقولولي شاركي بمعارض
لكن اخاف ادفع وبعدين …ما يكون مردود مادي يبيض الوجه
عطوني كل افكاركم عن المعارض
وشنوهي العوائق
والاشياء اللي ابتعد عنها (الاشغال اليدويه اللي مالها قبول )
مكان المعرض و ووقته و الاعلان عنه وايد يأثر على الزباين
اختاري عدل
و الله يوفقج
على نقل تجربتج …….
وان شاء الله موفقه دوم