|
|
سلامن عليكم بنوتات
اول شي اسم الله عليكم من المشاكل والهواشات والصراعات الزوجيه وان شالله
كلكم تعيشون باستقرار ويكون عشكم هادي دايما.
بس فرضا يعني لسمح الله وصارت مشكله او خلاف مع زوجج وكانت هالمشكله
كبيره شوي هل تقعدين بالبيت وماتحاجين ريلج؟ او تروحين بيت اهلج وتطلبين منهم
الحل؟ 
المشكله بتكبر زياده بالعكس اقعد على
قلبه واقهره زياده لان ذاك الوقت
<<وقت الزعل >>
يدور الزله عليج عشان جذيه مااخليه
يستانس واحاول بشتى الطرق
اني اكون جدامه بالرايحه والراده
وعلى سنقة عشره يعني متكشخه
والعطر يهفهف شرط بالكثير اسبوعين
ايج ويقولج ممكن نتناقش بالموضوع
اكبر غلطه تسويها المره انها تطلع من
بيتهاااا او تشرك احد ثاني بمشاكلهاا
الي تبي تحافظ على بيتهاااا لااااااااااا
تطلع اي مشكله برى ولو لامهااا كلش لان
معروف الاهل بينحازون لبنتهم وبتكبر القضيه
حيل وبس هذا رااي
ومشكوره على الموضوع الحلووو
مشكوره عالرد الحلو
اكبر غلطه الروحه بيت الاهل
ميخالف اذا انتي كلش تعبانه وتبين تعفضفضي لأحد كلمي امج وطبعا اذا كانت الام عاقه ومتزنه وتشوفلج حل
اما اذا امج حاره ممكن تشبلج بيتج نار احسن لج لا تعطينها خبر
من ساب دارة قل مقدارة
اولا
وثانيا
زعلتوا مازعلتوا الشرع يقول ان لج الحق بمسكن انتي وعيالج واذا مو عاجبه اهو خل يطلع ويزعل لكن انتي تطلعين وتبهذلين اليهال لا غلط
والشي لي صار بين الاثنين ينحل بسهالة بس لي طلع لا يتعومس خلاص
وحلو الواحد يصبر على مشاكلة ويحتسب وينطر فرج ربه
ترى الله مو ناسي احد
كل شي نقعد في الا الكراااامه ماقدر انا عن نفسي عالكرامه ما اتحمل
المره وريلها مافي بينهم كرامه اسمحيلي ..بدليل انه وايد احيانا المره تراضي ريلها وتتلزق فيه مع انها تدري انها مو غلطانه وهو الغلطان بس عشان المركب يمشي وما يتهدم بيتها على اشياء تافهه …
من رايي ..
اكبرغلط ان المره تهد بيت ريلها على مشاكل تافهه .. وحتى لو كانت المشكله كبيره مو المفروض تهد بيتها الا في حاله وحده بس ..
ان المشكله تكون متكرره ووصلت لحد ماهي قادره تسوي تجاهها شي او حلها طلع من ايدها ويحتاج لشخص يتدخل ..
اما مشكله اول مره تصير سيييييييده راحت لبيت اهلها غلط طبعا…
قعدي معاه تفاهمي وياه بعهدوء بينيله ان هالشي مو عاجبج شيميه وتفخيه بالحجي السنع عن الرجوله وعن الريال السنع ( واكيد باسلوب حواري حلو خصوصا اذا سويتيله قعده مفاجئه ولبستي لبس سنع وسويتيله جو وحركات عجيبه وقلتي الي بقلبج كله على هداوه وضحك وبدون شي يعكر القعده) بذمتكم بهاللحظه ما راح يتقبل منج الحجي ..
من امه بيتقبل ان شاء الله ..
لاكن اسلوب الصراخ وفرض الراي هذا خلاص قطوه بزباله .. ساحلي ريلج مثل ما تساحلين الياهل لابغيتي منه شي وان شاء الله بيطخ ويلين وتحلون مشكلتكم بدون تدخل احد وبدون فضايح …
لاحظوا ان المشكله اذا وصلت لبيت الاهل .. بتكبر غير ان الفجوه بين الزوجين تتوسع وحتى لو ارجعو مع بعض بيظ في اثر سيء بنفس الاثنين غير ان الحجي يكثر وممكن يوصل للزوج شي المره ما قالته والعكس صحيح ويزيد الحقد بينهم ..
لاكن لما يحتوون المشكله وتقعد المره عقب الهوشه جم يوم ما تكلم ريلها ليما يطخ وهي تهدى شوي ( ولا تهملين نفسج واناقتج بهالفتره باعكس زيديها ) خليه يوله عليج شوي بعدين فاجئيه بالجو السحري ووزعي عيالج وتحجي بهدوء مثل ما قلت لج ..
وحتى لو انتي تدرين انه غلطان والغلط مو منج والمفروض هو يراضيج .. صدقيني لاشافج بادرتي راح يعترفلج بغلطه ويتسامح منج وراح تكبرين بعينه انج ما خليتيه يتنزل لج ( عشتو الرياييل ما يحبون هالحركه انتي تتنزلين ميخالف هو لا ) وبالتالي تحصلين على الي تبينه ..
اعتذار وتفاهم ونهايه شسعيده لمشكلتج ..
اسال الله انه يوفقكم ويوفقنا وياكم ويعوضنا بالزوج الصالح ..
اولا الكرامه موجوده بين الزوجين شنو مافي كرامه ؟ اشلون يحترمج لو ماعندج كرامه كزوجه هالكلام غلط واهو اللي كبر راسهم علينا بزياده
اسلوب الصراخ مرفوض وادارة الحوار بذكاء والتساامح مطلوب
بس مسألة ان اهو يغلط فيني وآنا اعتذر لا مستحيل يصير هالشي
واللي بتعوده على جذي بتخسر وايد
قولي لو اتسامح مني ما اكبر الموضوع واتقبل اعتذاره عشان يعرف ان قلبي كبير واحبه لكن ان بغلط علي وانا اتسامح منه !!
هذا لايمكن ومنتهى الغلط لان ماراح يقدرج لو ابتسم هذا لانج ارضيتي غروره لكن لايمكن يعجب في زوجه مايحس بوجودها ولا حتى انها تاخذ على خاطرها
ليش مو انسانه مالها كيان ووجود؟؟؟؟
نصائح حلوه منج لكن الاعتذار له اسس بنظري وكل شي له اساس اهو الصح .. ومتى الريال يحس بغلطه لآنا اعتذرت عن غلطته بالنيابه عنه !
اممم وفي نقطه بعد (فصيحة ماشالله علي ام النقط ) اظن الاخت حواء الكون اللي قالت مايصير المره تعتذر اذا كان الريال غلطان …
انا عندي وجهة نظر اعتذر ونص يعني الدنيا ماتسوى واذا الريال له مواقف معاي ماتسوى انقضيها نكد علشان غلطة تافهة يبا انا اعتذر او اهوه يعتذر مو مشكلة اشصار يعني الوحدة تشتري راحتها وتفك روحها من عوار الراس
|
المشاركة الأصلية كتبت بواسطة حواء الكون
الغشيمه كل اللي قلتي عليه اوافقج في ماعدا شغله
اولا الكرامه موجوده بين الزوجين شنو مافي كرامه ؟ اشلون يحترمج لو ماعندج كرامه كزوجه هالكلام غلط واهو اللي كبر راسهم علينا بزياده اسلوب الصراخ مرفوض وادارة الحوار بذكاء والتساامح مطلوب بس مسألة ان اهو يغلط فيني وآنا اعتذر لا مستحيل يصير هالشي واللي بتعوده على جذي بتخسر وايد قولي لو اتسامح مني ما اكبر الموضوع واتقبل اعتذاره عشان يعرف ان قلبي كبير واحبه لكن ان بغلط علي وانا اتسامح منه !! هذا لايمكن ومنتهى الغلط لان ماراح يقدرج لو ابتسم هذا لانج ارضيتي غروره لكن لايمكن يعجب في زوجه مايحس بوجودها ولا حتى انها تاخذ على خاطرها ليش مو انسانه مالها كيان ووجود؟؟؟؟ نصائح حلوه منج لكن الاعتذار له اسس بنظري وكل شي له اساس اهو الصح .. ومتى الريال يحس بغلطه لآنا اعتذرت عن غلطته بالنيابه عنه ! |
كلامج 100% هذا اللي كنت بقوله حييييل تفاجأت مع احترامي للاخت الغشيمه لما قالت بين المره والريال ماكو كرامه جان اصير له مداس عشان جذي مرات ما الوم الرياييل لما يلعبون بالمره ان كان هذا تفكير بعض الحريم …
بس اللي فهمته ان الغشيمة قصدها شي ثاني
الكرامة ابشي جايد يعني يسبج او يغلط عليج او يمد ايده لا طبعا !!! يعني الاحترام موجود وضروووووري … انا ما أأيد ان الريال او حتى المره يهين الطرف الثاني حتى لو غشمرة …
بس زعل صغير او سالفة ان الريال مثلا تأخر بره البيت او نسى شغله انتي طالبتها منه اوكي اهوه غلطان بس ماتسوى اتسوينها سالفة كرامه اهوه الغلطان ولازم يعتذر وانا ما اكسر عمري وماعتذرله اشدعوا ….
في اشياء تتطوف ومالها علاقة بالكرامة بس احنا نتفلسف وايد كرامتي وكرامتي مع ان كرامتنا تكون محفوظة ومحد مسها …
انا ماقصد شخص معين بس في وايد بنات اعرفهم تكون المشكلة بينها وبين ريلها تافهه يعني اختلاف وجهات نظر او اختلاف اطباع وكلمن يعاند ومايبي يكسر عمره ويقول كرامتي !
خاصة في اول ايام الزواج … وايد بنات يكونون ماخذين فكرة غلط وتبي الريال بس يراضيها ويبوس ريلها وايدها ويساحل فيها وان ماراضاها ياويله يا سواد ليله واخر شي محد بيخسر غيرها …
وترى من تواضع لله رفعه مو كل شي تدخل الكرامه فيه …
والاختلاف بالرأي لا يفسد للود قضية مو باجر القاكم زعلانين ورافعين قضية علي