اخواتي مين اصدق والله قمة الاحراج

السلام اخواتي انا في 28 2 رحت حق د سوفييت وسوت سونار قالت البيبي في الاسبوع 15 وحتمال ولد في نسبه 80 وكان زوجي معاي وستانس لكن في تاريخ 253 تعبت شوي رحت ولقيت د ايفا وسوت سونار قالت عمر البيبي 20اسبوع وشي وقالت بنت احتمال كبير قلت ممكن تتاكدي فقالت اقول بنت قلت اكيد قالت مافيه بالسونار اكيدبعدين قالت بالاسبوع30نتاكد اكثر عاد انا متفشله حدي من زوجي مدري شقول له ومين اصدق منهن

حبيبتي عادي تصير اخطاء واضمن شي بالاسبوع 18 ….. ليش مفتشله من ريلج ؟؟؟؟

نعمه بنت وولد غيرج يدور الضنى دواره قولي الحمد لله ….
وليش متفشله من ريلج ؟؟

كل شي نعمه من الله سبحان و تعالى لا تتذمرين من نعمه ربج علييج

اللي حملت بالبنت تحمل بالولد مو معجزه الولد بس انتي استغفري ربج وو بعدي عنج الوسواس

و اهم شي تتاكدين شنو فيج عشان تعرفين تجهزين على راحتج

و الله يعطيج على نياتج و يتمم علييهم يارب

كل شي من الله حلو والله يهون عليج

مو مهم ولد و لا بنت
المهم الطفل المعافى و الذرية الصالحة

و مو انتي المسؤولة اذا الطقل طلع بنت

و لا هذا اختيارج
هذا اختيار ربنا

و احمدوا ربكم ان الله رزقكم بالحمل و الطفل
غيركم سنين و سنين يعالج

و الله يرزقكم الذرية الصالحة من الاولاد و البنات

والله يا اخواتي انا راضيه بقسمت الله ومو هنيه اعتراضي بس زوجي مو صغير عمره 38 ودري حبيبي راح يرضى بما كتب الله بس كل ما تذكرت فرحته يحز بخاطري كان فرحان حتى قال سميه على كيفج وبعدين هو الحين مسافر برا ويبي يرد بعد كم شهر وكلمته وماقدرت اقول له والله لو مادرى من البدايه احسن وش تنصحوني فيه اصبر او اقول له هلحين وهل فيه احتمال ان السونار الاخير يكون غلط

اتوقع بالاسبووع العشرين واضح مادري

و الصبي يبين غير سبحان الله

انتي قوليله عادي اذا راح يتقبل الموضووع احسن ما يتفائل بالولد و اخاف يشتري ملابس ولادي دام مساافر مادري مو عدله تخشين عنه

و الله يرزقج بالولد السليم الصالح بالقريب العاجل

عادي يمكن يكون ولد بس مسكر رجولة و مو مبين
ويمكن تكون بنت بس الحبل السري مغطي عليها وتظن انها ولد عاااااااااااااااااااااااااااااااااااااادي

انا قالو لي بالاول ولد وردو قالو بنت والحين بين عدل قالو ولد انتي قولي حق زوجج قبل لايجي يمكن يشتري شي من سفرته حق البيبي الجديد ولادي

واهو ولده ولا بنته وبيحبهم ولا فشيله ولا شي

الله يجزاجن خير خواتي والله ردودجن ريحتني بس هو ما دري اني سويت سونار تالي بس ماودي استعيل وقول له بعدين فيه فرق واضح بعدد الاسابيع يعني معقوله خلال 25 يوم زاد عمر البيبي 5 اسابيع وشى صراحه فرق بس والله مدري عن اكثرهم خبره مع ان السونار نفس الجهاز افكر انطر كم اسبوع واسوي عند دكتوره ثانيه او اسوى الحين واتاكد والله حيرانه تعبت من التفكير وانا متاكده انه راح يحبهم سواء ولد او بنت بس اخاف اقول له وينكسر خاطره وبعدين يطلع ولد وكون ضيعت فرحته الاولى والله حيرانه

اللي ايي من الله حياه الله

وكلهم نعمة وخير اهم شي الصحه وتمام الخلقه

مشكورين خواتي بس عندي سؤال ام زاكي ممكن تذكري عدد الاسابيع الي سوتي فيهم السونارات وهل لما قالوا لج بنت كانوا متاكدين او قالوا احتمال ووين سويتي السونار والله يبارك لج في ما رزقج

خخخخخخخخخخخخ صارلي نفسج تقريبا

كنت بروحي قالتلي احتمال كبير ولد وقلت لريلي وخذيته معاي عشان يسمع بنفسه لموعد السونار اللي بعده

جان تقول الدكتوره فيج بنت
قال هاه

قالت بنت بنت بنت في بنت 100%بنت واتحوس بالسونار واتقول بنت

قال ريلي خلاص بس درينا لي باجر بتمين تقولين بنت ؟

خخخخخخخخخخخخخخخخ حسيت روحي جذابه جدامه يعني اهي مو مسألة بنت ولا ولد مسألة صدق

موفقه خير

سوي سونار رباعي بمكان ثاني والله يرزقج ما تتمنين