احر من الجمر

بنات ابي اسألكم سؤال محيرني
ابي اعرف الوحده اذا ما طلعت من الاربعين -والد- وحضرت عرس عادي
يعني اقصد من ناحية العروس ما تنجبس على قولة الحريم الكباراو حتى الوالد في ضرر عليها بليز بنات ساعدوني ابي اعرف بسرعه الله يخليكم سألو امهاتكم او جداتكم وردولي خبر انا ناطرتكم على احر من الجمر

يقولون مو زين الي بالنفاس تجبس ع العروس

والله مادري اول مرة اسمع جذي

خرافات حبيبتي وبعدين شكو تروحين عرس وانتي توج والدة لاحقة عالعروس لايصكونج عين

قعدي ببيتكم احسن

لأ راح يصيرلي تقريبا شهر قاعده بالبيت وهذا عرس خالي الوحيد ومتشفقه احضر عرسه وله شرايج؟

حبيبتي من وبن سامعه بليز قوليلي انتي متأكده حتى لو صارلها شهر من واهي والد

اي تصير على العروس جبسه

انا وايد اسمع جذي
بس اعتقد خرابيط

سمعت جذي

مادري اذا صح هالكلام ولا لأ

خرااااااااااااااابيط وخرافااااااات روحي واستانسي

والله انه سمعت بعد انه مو زين يمنع العروس من الحمل

لا حبيبتي عاادي انا اول مااتزوجت

زرت وحده بالنفااس والنااس يقولون لا رااح تنجبسين

ومااتحملينه ومادري شنوو

كااني مافيني شي وحاامل الحمدالله

والله خرافات
انا اعرف رفيجتي تزوجت واختها توها والده من اسبوع واختها احضرت بس تمت بعباتها
وارفيجتي احملت عقبها بشهرين وربت والحين ما فيها شي

حبيبتي روحي واسانسي بس لا تتحركين وايد عشان ما يصكوج بعين ترى العين حق

بصراحه انا كنت عروس واختي والده يقولون مو زين الحرمه الوالده تدخل عليها العروس

يعني اذا عروس تجي حق وحده والده مو زين تنجبس العروس واما اذا الحرمه الوالده تدخل العروس عليها تنجبس الحرمه الوالده

لهذاا اقطعي الشر يا قلبي ههههههههه وانا بصراحه قعدت 8 سنين ما حملت واختي الوالده حملت وراي ب2 لانه انا الي دخلت عليها

احسن لج لا تروحين والله تسمعين حجي من الحريم بعدين يغث واذا ما حملت العروس قالوا كله منج

او فيه طريقه تسوينها

تطبخين شي من بيتج او تجيبين لها خبزه المهم من بيتج وتعطينها للعروس تاكلها انا جذي سوت مرت حماي حق مرت اخوي

والله اعلم

لايبا كله خرافات انا رفيجتي بعرسها كانت اختها توها والده صارلها اسبوعين وقالولها لاتروحين عرس اختج تجبسين عليها وعادي راحت واختها حملت ويابت يهال ومافيه الا العافيه فحجي وخرابيط اللي ينقال