اجمل الأشكال بدون ما تكلفج شي ابي رايكم :]]

انا كل سنه في نص رمضان اوزع على امي وخواتي وصديقاتي دعاء مقدم بطريقه حلوه ومبتكره عشان يستفيدون ويكون لي اجر بإذن الله…..
وعشان يتذكروني بدعائهم واشجع الصغار إللي دايما قلبهم على اللعب والخرابيط

المهم هالسنه فكرت اعرض لكم شغلي بالطريقه وابي رايكم

بسم الله الرحمن الرحيم… اللهم صل على محمد وال محمد

تحتاجون الشمع بو قصدير إللي ينباع بسوق بو 100- اي شباصات او اكسسوارات قديمه عندج – صبغ أظافر شفاف
ترتر وخرز و شوارفسكي مو اصلي بو طقه – مسدس الشمع – اي ماده لاصقه (UHU مثلا)-جليتر

الطريقه

1-خلي الشمع يذوب كله

2- شيلي الفتله

3- بس يبرد شوي طلعي من القصدير وراح يصير سهل التشكيل

4-انا سويت اشكال وايد قلب الحب منصف من لونين شمع ابيض وازرق
سويت مكعب وسويت قلبين حب يم بعض مثل ما انتو شايفيين بالصوره الأخيره

5-انا يبت كشكش مال شباصه حمره ولزقت القلبين عليه مثل ما انتو شايفين ولزقت شرايط حمرا بمسدس الشمع على الجوانب

6- شوفو كل مربع والمربع إللي تحته اهو الشكل النهائي

انا زينت القلب الأخمر بالشوارفسكي (بو طقه) ولمعته بالصبغ الأظافر الشفاف
المكعب حطيت عليه ترجيه بلاستيك وسويته مثل النرد بس بالكرستال (مو مبين ) وحطيت عليه الصبغ الشفاف وجليتر
اما القلب المنصف زينته بالشوارفسكي (هم بو طقه) وزينته بالأطراف بالترتر و لمعته

شفتو كل التشكيله إللي سويتها

هذا الجزء الأهم:
7-زهبت اوراق الدعاء وقصيته على شكل شرايط

8-كل شكل لزقت وراه دائره من الجوخ عشان نخفي اللويه وعشان يصير سهل تثبيت الدعاء بالشمع

9-الصوره الأخير بعد ما ثبت الدعاء وطبقته على بعض وثبته بلزاق شفاف

شوفي يا حلات البوكس إللي راح اودي معاي يوم الخميس انشالله لما ازور بيت ابوي

الحين منو راح ينظف لي الطاوله؟؟؟؟؟؟

اتمنى يكون الشغل عجبكم وابي رايكم
وشكرا