ابي معجنات وورق عنب لاستقبالي،،،

السلام عليكم

بنات لاتقولولي مندرين ولا امبريس لان شغلهم مو حلوووو ومحزر ابي غيرهم

ميني اند ماني اهيا اللي موالحها لذيذه و والورق عنب مالها عجيب

اي يمدحونها واييد

ام ريان ورق عنبها وايد حلو يبناه بستقبال اختي

ميني اند ماني صراحه اسعارها نار…
موالح اخذي من ابتايزر بالسالميه
وورق عنب وملفوف للبيع يهبل ولايعلى عليه

صح كلامج اسعارها وااايد نااار

ياقلبي وين صاير ابتايزر بالسالمية ؟

اذا بتولدين برويال حياة اخذي الموالح من عندهم وايد وايد حلوين شكل و طعم و سعر

و عندج موالح واو و اوبيرا حلوين
و في محل عنده ورق عنب اسمه لي روا بحولي مقابل امبرس هم حلو شغله

لي روا خليه يولي فشلني بعرسي ياب كل شي محزرررر وخربان

لا والله ميني اند ماني سعرها زين
انا يبت منها ورق العنب 250 حبه نص دبس الرمان نص حامض اب 25 دك
كان وايد و زاد واايد بس نتفه عنوووونو بس اينن طعمه

حبيبتي تدلين سوق السالمية سيتي سنتر؟ أهو صوبه… شوفي دوار الجوازات اذا انتي يائه من البحر أخذي يمين راح يصير على يمينج سوق السالمية و بويهج أشاره.. الإشاره اخذتها يسار امشي شوي سيده يبكون المحل على يمينج…
دقي عليهم قبل وقولي لها بذوق موالح عشان تجهزلج جم نوع و تروحين تتوقين وأيد لذيذ والله وفرش وحلو
وعلى فكره حنا حلو القهوة لذيذ أنا أخذت من لازورد و أخذت منها شي فيه فواكه مجففة و شي توت وأيد وأيد لذيذ جربي وان شاء الله يعجبج
وورق العنب مال للبيع على صحني شال تقريبا 400 حبه منوع بين ملفوف احمر و ابيض وورق عنب طلع ب 22.500 او 23 ما اذكر بس وأيد لذيذ

ديليس ورق عنبهم لذييييييذ والله

و رخيص

ب4 دنانير جنه

اخذي اثنين لان كميته مو وايد

رخيص و لذيييذ

مشكورين يابنات فديتكم واللي تعرف بعد محلات تقولنا