|
|
السلام عليكم
صباح الخير …. مساء الخير للغاليات
بصراحه ما ادري والله اشلون ادخل بالموضوع … انا زوجي بعد اسبوع بيرجع من السفر ان شاء الله وهذي اول مره يسافر من بعد شهر العسل وابي فزعتكم بالافكار الحلوه لأستقباله مثل الحلو من وين أطلبه ؟؟ وطبعا الافكار الخاصه بشقتنا .تكفون حبايبي لا تبخلون علي بأي فكره متوهقه وماادري شسوي …
ولكم مني كل الحب.gif "Eh S(7)")
1-الصالون يعني شيره وحف
2-لبس فانتازيا غريب واتحصلينه بمحلات اللانجري انتي وذوقج
بعدين قبل لا يوصل بيوم حاولي اتغيرين بغرفة النوم مثلا مكان السرير والتسريحه ولاتنسين اشتري كفر حلو للسرير جديد وحاولي اتحطين شموع على الكمدينات او التسريحه وبخريها وسنعيها وخليها هذا بالنسبه لغرفة النوم
بالنسبه للحمام الله يعزج في الأقراص الزرقاء اللي يحطونها بالمرحاض الله يعزج عشان يغير لون الماي وحطي معطر اللاصق بالطوفه في وايد بالجمعيه اشكال وارناق اختاري الفانيلا عن تجربه حلو وحطي له عطر آفتر شيف بالحمام وغيري فيه يعني اذا ماكينة الحلاقه جذي محذوفه من غير علبه او شي اشتري مقلمه كبيره وشكلها حلو عند ابو 100فلس وحطي فيها امواس الحلاقه واللي يخص الحلاقه هذول المقلمات استفدت منهم … جيبي له فرشاة اسنان جديده وحاولي اتغيرين كل شي واتحركينه من مكان خل يحس ان في تغيير وبالنسبه لغرفة المعيشه او الصاله هم غيري بحركة الأثاث انت وذوقج غيري القنفات من مكانهم او اي شي المهم والزبده لا اتخلين شي على حطته خليه يدش البيت يحس ان في شي غير حتى لو مو جديد!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
باليوم اللي يوصل فيه روحي سوي شعرج بالصالون او انتي سويه بالبيت اذا لج القدره واخذي حلو الفواكه من محلات الكيك مثل الخباز او قيصر او لا باريس واخذي معجنات او اذا هو جاي على حزة عشا اطلبي مثلا مشويات ومع هذا في اكواب او (اقلاصات)مثل اللي يستخدمونهم الأجانب حق اعوذ بالله الخمر الله يبعدنا عنه تلاقينهم بالجمعيات قسم الاواني وفي بعد زجاجه غطاها فلين او تتسكر كبس اخذيها وحطي فيها الماي الغازي اللي يجي ملون وفيه طعم حلو وفي نكهات على فاكهة بابايا وعلى فواكه وعلى عنب وألوانهم اتشوق او عندج البيرا الباربيكان الملونه بس انا افضل الاول وحطيهم بشكل حلو فرغي الشراب بالزجاجه وبعدها حطي القلاصين وبينهم ورده جوري حمرا او شمعه وخليج قمه بالهدوء والنعومه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
جهزي نفسج عدل ما اظن في وحده ماتعرف اتعطر واتنظف واتلبس ولبسي تراجي وحطي مكياج ولبسي كل اللي تبينه واشتري كرت اصغير من المكتبهاتحصلين حلوين وايد وكتبي في (نورت المكان يا حبيبي) وثاني يوم من وصوله حطيه له في (بوكه يعني محفظته مالت الفلوس او حطيها له بمكان واضح واتكونين متأكده انه بيمر فيه اوبيوقف عنده) وبس يوصل خليج امجهزه بالونه واكتبي عليها (مشتاااااااااااااااقين)
المهم التركيز عليج انتي لازم تطلعين مميزه واذا فيج شده اتصيرين فيفي عبدو صيري هههههههههههههههه المهم خليه يستخف واي استفسار انا بالخدمه
حاضره للطيبات