|
|
السلام عليكم ورحمة الله وبركاته
ارجوا من جميع المدرسات انهم يفيدوني بطريقة تدريس اعيالي 0
انا عندي ولد 6سنوات والثاني 8سنوات
وللاسف مادرسوا السنه هذه المدرسه بسبب الظروف 0
يعني السنه الجايه واحد بيروح أولى ابتدائي والثاني بثالث ابتدائي
فودي ابدأ بتدريسهم من الحين ابيهم يستفيدون بدال قعدتهم في البيت :
شنو الاشياء المهمه اللي لازم يكون عارفها اللي بأولى قبل يدخل المدرسه وشلون ادرسه منهج اولى علشان يكون فاهم وياهم
وياليت تعطوني الطريقه الصحيحه في تدريسه المنهج الجديد0
واما اللي بيروح ثالث فهو للاسف ضعيف حيل بالعربي فودي ابدأ معاه من البدايه – ودي اركز عليه بالاساسيات علشان اذا دخل ثالثه يكون ماشي معاهم – فشنو الاشياء اللي لازم اركز عليها واخليه يتقنها 00 ماودي يرسب وتضيع عليه السنوات 0
تكفون ياخواتي ابيكم تساعدوني 000 واذا عندكم ارقام مدرسات يجون للبيت اكون شاكره
باختصار انصحج تودينهم معاهد تقوية مثل القاعدة الحلبية او رعاية المتعلمين
او القمة
والله يعينج على التدريس
الله يعطيج العافيه
