|
|
بنات انا الصراحة طاقة براسي فكرة التدريس هالايام مادري شيايني
انا كنت مقدمة اوراقي على شركات لأن ماكنت ابي اشتغل بالحكومة
انا خريجة المعهد العالي للفنون المسرحية
ولما نتخرج لازم احنا نراكض بالديوان ونييب اوراق وعفسة
فخليت هالسالفة تولي وقدمت على شركات بس ماياني رد
الحين ودي اقدم على الديوان وعلى التربية خصوصا
ودي اصير ابلة رسم حق ابتدائي بنات
انا بطاقتي على الروضة
وين تتوقعون يعينوني باي مدرسة لو قدمت؟
شنو المناطق اللي تابعة للعاصمة؟
وسؤال ثاني بنات
انا قريت في كذا موضوع يمدحون ادارة مريم عبدالملك الصالح بالخالدية
لو اييب واسطة واتعين هناك
شرايكم فيها وبناظرتها ووكيلتها وبقسم الرسم ؟
فيها تحيز وقبلية وطائفية
يعني يفرقون بين الحضر والبدو والسنة والشيعة ومن هالكلام ؟
مالي خلق حزازات وسوالف ماتخلص
ومابي يقطوني اخر الدنيا الصليبيخات ولا العارضية ولا الجهرا ولا مادري وين
ابي مكان قريب يم بيتنا
كافي ان قعدة الصبح تلوع الجبد
بعد درب طويل وزحم ومداحر من صباح الله خير ؟ والله بزهق من اول اسبوع
ومشكورين وماقصرتوا
اتوقع يودونج الجهرا لان رفيجاتي توهم متوظفين واللي بالعاصمه ودوها اهناك بس اذا عندج واسطه ان شاء الله يقلونج المكان اللي تبينه
بس عن المدرسه الللي بالخالديه والله مادري عنها وان شاء الله البنات يفيدونج
الله يعينج لى قومة الصبح……
وتاكدنا من هلشي ان كل دفعتها صارلهم جذي