ابلات الخبرة ضروري ساعدوني

السلام عليكم حبايبي
بغيت من ابلاتي الحلوين مساعدة وهذا في مجال خبرتكم وتعاملكم مع البنات
انا ابلة يديدة وعندي مشكلة مع الصف الرابع الابتدائي
مو عارفة شلون اتعامل معاهم اول مرة دخلت عليهم ماعطيتهم ويه يعني نظام ابلة عصبية وبعدها بكم يوم صرت اضحك وارخي معاهم شوي
وبعدها صاروا يطيحون الميانة والي تنكت بالحصة وتستخف دمها معاي
وكذا مرة ادش معصبة امسك الصف اول شي بعدين يفتلتون
ما اطول عليكم بغيت طريقة تخليهم يحبون المادة ويحترموني وينطرون مادة الرياضيات
علماً بأني طبقت كذا مسابقة معاهم وجوائز وما كنت على طول اييب هدايا عشان مايسير الشي عادي عندهم وبس يالحلوين

انتي شدي و ارخي حسب نظرتج للظروف

واحس انج صح و تعاملج حلو

بس اغلب الوقت اظبطي الصف و النكت كلش ممنوعه

الوسائل المبدعه و الالعاب التربويه و اوراق العمل المرتبه تجبر الطالبه انها تحب الماده

وارد اكرر ضبط الصف اهم من التدريس نفسه لانه بدونه ماراح تتم العمليه التربويه

اذا دخلتي من باجر خلج رسميه و اكتفي بابتسامه مو طول الوقت …

واذا صار خروج على الانظباط طبقى على طالبه واعطيها جم كلمه عشان الكل يعتبر

يعني لازم يشوفونج ماخذه التدريس جد!!

والله يوفقج

قولي لهم تبون نضحك ونستانس بعد ما نخلص درسنا

قبل لا نخلص الدرس ما في سوالف وما في ضحك

7

7

حاولي تخلين تعليمج لهم عن طريق اللعب

فيه أفكار وااايد عن التعلم باللعب

صدقيني هالطريقة بتحببهم بالمادة

وعن تجربة لأني آنا أدرس رابعة

وبعد الدرس نفس ما قلت لج عطيهم فرصة يسولفون ويعبرون عن إللي في داخلهم

وبجذي راح يحبون مادتج

موفقة يالغالية

الله يعينج عليهم …. انا درست رابعة مرتين , اول سنة كنت مثلج ما اعرف شلون اضبط الصف .. حاولت معاهم اكثر من طريقة بعدين قدرت عليهم ,, في البداية كنت وايد شديدة وحازمة وبعدين بديت العب معاهم واضحك بعدين ما قامو يهتمون بالمادة , بس اكتشفت بعدين انهم يحاولون يدرسون شخصيتج في البداية ويدورون وين التغرة اللي ممكن يستغلونج فيها ,, فلا تبينين انج ضعيفة جدامهم ولا تساحلينهم وايد خلج قوية وهدديهم بالدرجات ترى وايد يخافون .. عطيهم واجبات يوميا وكل يوم اول ما تدشين الحصة مري عليهم وحدة وحدة وشوفي اذا حلت الواجب ولا لأ وبيدج دفتر الدرجات طبعا ..
ضحكي معاهم شوي وشدي عليهم اكثر و الله يوفقج

طريقتج صح وازيد عليها الاتي:رابعه روعه يفهمونج…انتي قولي انا احبكم واضحك معاكم بس ديروا بالكم موتسوون لي نفس سوالف اولى ابتدائي تخففين دمج على طول ترى اقلب على اللي تتصرف نفس اليهال لانها بجذي تزعج كل الصف وانا ما ارضى احد يزعج الثاني وبين فترة وفترة ينسون وعيدي الاسطوانه الى ان يضبطون