|
|
بسم الله الرحمن الرحيم
انا ياجماعه الخير اكتب لكم قصتي لاني خانقتني العبره وضااااااايق صدري ولا عندي احد افضفض له الا انتو
تكفون لاتنسوني من الدعاااء
الحمدلله ماشاء الله تبارك الله انا حامل ومن بدايه الحمل وانا تعبانه ولا كنت اقدر اكل شي حتى الماء ما اتقبله ولا كنت ادري اني حامل الين بعدين حللت والحمدلله ماشاء الله طلعت حامل
طبعا انا في منطقه واهلي واهل زوجي في منطقه ثانيه تبعد 13 ساعه
يعني اعتبر في غربه لاني ماعرف احد ولا لي احد كل اهلنا وجماعتنا بمنطقه اهلي
طبعا طول فتره الحمل وانا تعبانه والحمدلله الله يكتب لنا الاجر كنت ممنوعه اتحرك وكنت اجوع واشتهي اشياء ولا احد عندي يسوي لي
هذا غير حقوق زوجي من تنظيف وطبخ وغير البيت اللي يبي له شغل وكنت ما امشي الا بكرسي متحرك
لاني معاي هبوط وكنت اتعب اتعب بس محد حاس زوجي مسكين محتاس ومشغول بدوامه وانا كل يوم ادوخ واصحى ولا احد داري عني
لدرجه اني كنت احط لي بسكوت تحت المخده عشان لو دخت اكله
كنت اكلم اهلي اقول تعالوا لي .gif "Eh S(16)")
عذر اقبح من ذنب يعني رزقنا والعبد يتبع رزقه
مهوب بكيفي وظيفه زوجي والحرمه مع زوجها وبصراحه كانت امي كل ما اكلمها وتدري اني تعبانه واقولها تعالي لي او ارسلي احد من خواتي تقولي محد قالك تروحين بعيد كانت عيوني تتغارق بالدموع واقول في نفسي الله لايحوجني لحد
وعدت الايام والشهور ولما وصلت السادس رحت للدكتوره فسألتني اذا حولد عندها
قلت لها لا انا حولد عند اهلي
وهينا الصدمه
قالت لو حتسافري لهم لازم تروحي الايام هذي لانو انتي من الشهر السابع ممنوعه من السفر
انصدمت وتلخبطت اموري وجلسست اعيد حساباتي
اتصلت على امي وقلت لها انا ممنوعه من السفر يعني لازم تجيني لاني ماقدر انا اجي
وصدمتني بكلمتها المعتاده
والله انا ماقدر اجي ولا ابغى اطلع من بيتي ومحد قالك تروحين بعيد
طبعا ضاقت بي الدنيا وحز بخاطري وقلت كيف كيذا كيف يجي لها قلب تخليني لحالي وانا بكر وتعبانه من بيقوم فيني من بيهتم فيني من بيسوي لي اكل
خاصتن اني حولد ان شاء الله في رمضان يعني لامطاعم تفتح ولا شي وغير كيذا زوجي يحرام من بيسوي له فطور ويقوم فيه وانا من بيقوم بي وبيقوم بالنونو
والادهى والأمر زوجي كل شويه يقولي انا اول مره اشوف اهل يتركون بنتهم
انا اول مره اشوف وحده ماتجي لبنتها ووووووووو
ويزيد الطين بله ويضيق صدري بكلامه بس انا ما ابين له ضيقتي واقول اصلا انا مابغى احد يجيني
انا يابنات تسود الدنيا في عيني لين شفت كل وحده معها امها واختها وام زوجها واقول الله يهنيهم ويسعدهم
كل مارحت موعدي اشوف حريم وبكريات وسبق لهم الولاده وكل وحده معها مرافق وانا لحالي
ماعندي احد يواسيني ويدعي لي
تعرفون لحظه الولاده الوحده تحتاج احد معها وانا اشوف الحريم اللي جايبه 3 و8 و6 كلهم معهم امهاتهم وانا بكريه ولحالي
اللحين انا مقررين لي عمليه قيصريه ان شاء الله وفي رمضان وتخيلوا الموقف
قيصريه وبكريه ووحيده وبرمضان افكر في الالم وافكر بزوجي مسكين من بيقوم فيه وافكر في النونو وافكر في اكلي من بيقوم فيني ؟؟
وكل ماكلمت امي قالت لي نفس الكلام ببرود 00000محد قالك تروحين بعيد
طيب وش تبغيني اسوي يعني ؟ كيف يجي لها قلب تخليني ؟ مافكرت في وضعي ؟
مافكرت في ضناي ؟ مافكرت تاخذ اجر في زوجي المسكين ؟
الناس في رمضان يفطرون الهنود بالشارع
وانا امي مافكرت حتى تواسيني بكلمه ؟
ليش القسوه والانانيه ؟ وش بيضرها لو جت عندي اسبوع ؟
انا لوني والده من قبل بقول معليش جربت الولاده واعرف اقوم بنفسي
لكني بكر ماعرف وش اسوي
زوجي جاني قبل كم يوم وقالي كلمي اهلك يجونك وفعلا كلمتهم وكسرت خاطر نفسي
اقول يمه انتي من جدك منتي جايتني ؟ انا ماهمني نفسي انا همي النونو ابي بس احد يهتم فيه لاني بولد قيصري ولا بقدر اشيله
تعالي لي يمه ولا ارسلي احد من خواتي تراكم في اجازه يعني تقدرون تجون
قالت بقلب بااااااااااااااااااارد لاو الله محنا جايينك تبين تجين انتي ولا بسلامتك
وقتها يابنات كن احد غرس في قلبي سكين
قلت طيب مع السلامه
ورحت لزوجي والدموع بعيوني قلت له اسمع لو تشوفني بين الحياه والموت لاعاد تقولي كلمي احد يجيك
الله لايحوجني لحد الله لا يحوجني لحد وان شاء الله ربي معي وتوكلت عليه سبحانه ماخاب من توكل عليه
انا من جد قلبي يعورني كل ماتذكرت كيف كيذا يخلوني كيف جالهم قلب
والله والله انها حاااااااااازه بخاطري ولاني مسامحتهم ولا عمري بنسى الحركه هذي
وانا متوكله على ربي والله مابيضيعني ان شاء الله والله لايحوجني لحد قولوا مين
وادعوا لي تكفون ان الله يسهل علي ولا يحوجني لحد ويقومني انا وطفلي بالسلامه
ماعندك غير حلين يا تجيبين خدامه تساعدك
او تروحين اهلك ترا ثلاث شهور بسرعه تروح ومو لازم تقعدين فترة النفاس كلها عند اهلك اذا حسيتي نفسك اوكي ردي لزوجك وهذا الحل الانسب لوضعك
وحاولي تتصلين على ابوج يمكن يحن عليج اكثر ويجيب وحده من خواتج
لدرررجه هذي في ناااس جذيه
ربي يعينج ويقومج بالسلامه
وجيبي لج شغاله تقوم عليج وعلي زوجج
وتكووووووون شاطره اهم شي بالطبااااااااااخ
وانتي جهزي للحين من كل شي
من اغراض البيبي
وربج معااااااااج ومراح ينسااااااااج
وتوكلي علي تعالي
ويارب يقومج بالسلامه ويهدي سرك
اتيي عندج ماعليه مهما كانت هذي امج,, مافكرتي تييبين لج خدامه عالاقل تطبخ تنظف لازم احديساعدج دامج بروحج
الله يقومج بالسلامه ياارب ويرزقج البيبي المتعافي ويقر عينج بشوفته ..
زين وين ام زوجج قولي لزوجج يكلمها تجيج اول الايام ع الاقل
واحسن شي لج ان تجيــــبين خدامه لمدة شهر تساعدج لان
الخدم المؤقتــــه يعرفون يطبخون
وخلي فراشج بصاله عشان تقدرين تحركين وتكون عينج ع الخدامه
والله يسر امرج يارب ويقومج بالسلامه
بس مشكه الخدم برمضان مانلقاهم بسهوله واغلبهم مايطبخون
الله يعين ويساعد
والله يعيني ويسهل علي لاتنسوني من الدعاء
امي ماعندها شي يمنعها من الجيه حتى الطياره ببلاش تركبها وعندي بدل الاخت 5 ماشاء الله بس ماتبغى تجي
الله لايحوجني لحد
الله لايحوجنا لحد ياوخيتي
اقدر اسالج عن خدامه موقته برمضان ان بغيتي
يارب يهون عليج ويسر اموووووووووورج
وطمنينا عنج لولدتي
الله يعييننا ويسهل علينا