|
|
اهلين حبيباتي
اخباركم
عندي طلب واعرف تو الناس عليه
بس تدرون هباب الوقت اني اسويه للفصل على السنة الجديدة
فصلي اسمه الفراشات
وعندي جميع الوح الا وحده
ماجايه اصيدها
بس يوم دخلت هني هالمنتدى الرائع
قلت اكيد بتفيدوني
ابغي اسوي لوحة حضور وغياب
وابغاها تصير عند الباب مباشره
بكرة اذا رحت الدوام اصور لكم الموقع اللي ابيها فيه واشوف الافكار النيرة
ومشكووورين مقدم
يعني صج انا جديدة عنكم بس معلمة اطفال في احد الروضات
ماعلينا خلونا بالمهم
مثل ماوعدتكم اني بجيب صورة الجدار..
وهذا وفيت به وجبت الصورة
المساحة مربعة الشكل تقريبا
العرض 1.5متر والارتفاع اكثر منه بربع المتر
وهذي الصورة
.jpg?w=1200&ssl=1)
اتمنى انكم تساعدوني
حيااج الله معانا …
وان شااللــــه نقدر نفيدج ..
شوفي بدسمان يسوون لج اللوحة على خشب وبشكل محدد الاطراف ..يعني مو مربعة ..
آنا بصفي مسويه على شكل سيارة …
تقدرين تسوين ولد او بنت وبايدهم شبكة لصيد الفراش…وصور الاطفال تثبتينها على فراش صغير…
او على شكل فراشة كبيرة ومحددة وفيها براويز صغيرة عليها صور الاطفال والحاضر تحطين تحت صورته فراشة…
او منظر حديقة وصور الاطفال تثبتينهم على العلب الخوص الصغيرة (عند بو اميه)..والحاضر تحطين بعلبته فراشة مثبته بعود خشب …شكلها راح
يصير مثل اقلام الرصاص..وبراسه فراشة…
……….
هذي اللي عندي الحين …
واذا طرى علي شي…ارد عليج …
وحاضرين للطيبين ..
اي كذا الكلام اللي يرد الروح
والله كنت احاتي حيل هذه القضيه
والصراحة الادارة حقتنا طلبت منه ان احنا نحط الافكار قبل مانبدى اجازة
وهذي الفكرة جدا حلوة
ومابعلم الزميلات عنها 
عشان مايسرقونها مني
تحياتي لك حبابة
تقدرين تقصين الخشبة على شكل فراشة وترسمين عليها فراشة بلون صفج وعيالج الحاضرين تعلقينهم على جناح الفراشة ..
تقدرين تجيب خشبة وتقصينها على شكل ولد لابس لبس الروضة ومعاه حبال وكل حبل في نهايتة فراشة وكل فراشة تعلقين عليها الحضورة والغياب
تقدررين تسوين لوحة فيهاا طبيعة وشمس مشرقة وقوس فزح وزهور وكل زهرة عليها فراشة وكل فراشة عليها صور الحضور والغياب
هذا اللي طرى ببالي اللحين
خخخخخخخخخخخخخخخخ
مشكورة اوركيدا الغالية
يعلني ماانحرم منك
ممكن تحطين صور من هل المسلسل وكل شخصيه فيه تلصقين صوره الطفل
تحياتي
اسفه على الصور الصغيره اتمنى حصلتي على فكره منها
وهذي الثانيه
بشوف الى نهاية الاسبوع وبعدين بقرر ويش بسوي
وصدقوني اذا نفذت الفكرة راح احطها
حق تشوفونها وتنبسطون
تحياتي لج
>>>>>>>> لكنتج مو كويتيه صح ؟؟؟؟؟؟؟؟؟
ومشكورة واجد حبيبتي على المساعدات اللي قدمتيها لي
انتظر
>>>>>>>>> احس انج سعوديه
انتظري خلال يومين
وراح اصور لج روضتي ان شاء الله معنها روضه مغبره خخخخخخخخخخخخخخخخخخخ
تحيااااتي لج
