أنا خائفة ع ولدي عندة للحمية بالانف كيبرة الله يرزقكم بالحنة

صباح ألف خير

أنا خائفة ع ولدي عمره سنه وشهر إعالجة عند استشاري االانف

مستوطف خاص سي أم سي يقول اللحمية كبيرة جدا مسكرة غ الانف
يعني راح ينتفس مع الفم شلون مين صار معاها من جماعكم
الله لأيضركم.
ماعندي الا ولد واحد وبنتين. الله لا يحرمني منهم
الله يستر عليهم الله يرزقكم بالحنة

لاتحاتين حبيبتي إزالة اللحمية وايد عملية سهلة و يطلع من المستشفى بنفس اليوم
وراح اتخف الحنة عقب لأن الطفل إذا ما يقدر يتنفس عدل ماينام عدل
العملية يسوونها حتى حق بو 6 شهور

حبيبتي العمليه وايد سهله ومايستاهل الدكتور يخرعج
توكلي ع الله وسويها وراح يرتاح وايد
والله يبعد عنه كل شر

سهله حيل >>> الحين نص عيالنا فيهم لحميه

بس انطري لما يكمل عمره سنتين احسن

مايشوف شر ولدج
انا ولدي بسويله عمليه بعد اسبوعين وهو عمره ثلاث سنين ..انصدمت لما قال لي الدكتور حرام عليكم ليش ماسويتوا له عمليه من زمان لانه يتعذب وانا والله من كان بالنفاس وانا من دكتور لدكتور ولا واحد قال لي لي فيه لحمية .
ترى حرام لازم تسوينه له وماتدرددين لانه يتعذب خاصتا وهو نايم
ون شاء الله يقوم بالسلامه هو وولدي …

صباح الخير …

الله يسهل عليه يااارب حبيبتي توكلي على الله وسووله العملية دام انها كبيرة ومتضخمة حرام قاعدة تتعبه … انا ولدي عمره 4 سنوات ووااايد يتعب من لوزه والتهابات متكررة دايما … الدكتور قرر يسويله عملية الاربعا الياي ان شالله 9/3/2011 م حدي احاتي بس الكل قالي ان شالله راح تتحسن صحنه ان شالله وااايد ةالاكل عنده يتعدل لان وااايد ضعيف حبيبي ووزنه ثابت .. وماياكل

تونا مسوين له فحوصات راح يشيلون اللوز واللحمية وبسوون له عملية تيووب باذنه لان في ماي ورى الطبلة حبيبي وااايد كاسر خاطري يمرض مرتين بالشهر ان شالله راح يرتاح بعد العملية …

الللة يستر علينا وعليكم وان شاءالله يسهل العملية وينجح وماقصرتو

الله يحفظهم لج حبيبتي انزين انتي اكيد تسوين له العمليه وتشيلينها سهاله ان شاءالله

دكتور عبد الله العلي وبس

بنات بليز منو في دكتور استشاري انف واذن وحنجره للاطفال ؟؟
الله يوفقكم دزولي عالخاص لان مارجع للمواضيع والياهل مسكينه متأذيه من اللحميه

عادي حبوبه انا شهر ٣ اللي طاف سويتها حق ولدي تقريبا كان عمره سنه و٤ شهور تقريبا بس اتصدقين الحين شكلها ردتله انا سويتله لحميه ولوز