أحسن دوره icdl

مرحبا
بنات حبيت اسأل شنو احسن معهد يعطي دوره i c d l
لأنها صارت شرط أساسي بالتوظيف بوزارة التربيه ومعد بقى الا شهرين ونص على الدراسه وانا للحين ماخذيتها كل مااسال يقولون مافي اقل من 7 اسابيع وانا ابي معهد يعطيها بفتره اقل من جذي ياليت تفيدوني الله يعافيكم

حبيبتي روحي معهد النطاقات التكنولوجيه (مادري اذا صح اسمه ) ببلازا اللي بحولي انا الدوام ودوني هالدوره هناك روووووووعه المهم خلال فترة الدورة شفت بنت عمتي هناك وكانت يايه تاخذ هالدوره بس مكثفه لمدة شهر

المعهد الاثري بالبلازا والله معهد ممتاز اختي كانت ماخذه فيه دوره سكرتاريه وألحين ودها تدخل دورة اي سي دي ال …عندي سؤال …..
إذا وحده ماخذه دوره ومصدقتها والحين تبي تدخل دوره مره ثانيه مثل اي سي دي ال تروح تصدقها بالتطبيقي وتمتحن مره ثانيه؟؟؟

مشكورات خواتي الغاليات كمووووشه ودلول على ردودكم ماقصرتوا بس انا ابي معهد يعطيني هاذي الدوره خلال شهر واحد لان ماعندي وقت

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!

انا خذيتها في جمعية المعلمين
حبيبتي تقدرين تقدمين الامتحان بدون دورة
يعني الدورات البسيطة لا تاخذين دورة
بس قدمي الامتحان واطلعي
وبجذي تخلصين باقل من 7 اسابيع
انشاءالله قدرت افيدج

انا مو موظفه انا مقدمه على الديوان على شهادة المتوسطه مع دورة سكرتاريه وناطره الوظيفه ((بس حبيت ادخل دوره الاي سي دي ال …والدوره هذى إذا خلصتها اصدقها بالتطبيقي وامتحن وأقدمها للديوان هذي الشهادة….؟؟؟؟)) وشاكره للكل

والله انا ماخذتها الحين اب جمعية المعلمين اللي بالدسمة في دورة مدتها ساعة ونص اب 7 اسابيع وفي دورة مكثفه 4ساعات باليوم لمدة 3 اسابيع …

وحتى اللي يدرسون والله خوش مدرسين ويفيدونج …

وهذا رقمهم اذا بغيتي تستفسرين عن شئ 2521937

مشكورة وماقصرتي

بس ماقلتيلنا بجم دورتهم ؟؟

إذا انتي غشيمه بالكمبيوتر..لازم تاخذينها ب 7 اسابيع راح تنفعج انشالله..
أما إذا زينه وتمشين عدل بس ملزومه تاخذين هالشهادة ومجبرة عليها..
أنصحج تاخذينها في معهد نطاق التكنولوجيا..إذا أنتي في محافظة الأحمدي المعهد يكون في المنقف..وبكل صراحة أنا خذيتها وباجر إنشالله وبعون الله راح أقدم آخر امتحان وأخلص منها..الدورة خذيتها ب5 أسابيع من السبت إلى الأربعاء بمعدل 5 ساعات من الساعة 8 ونص ليما الساعه 1 ونص..عند الاستاذ فراس..صراحه شرحه حلو وتقديمه أحلى .. وخوش واحد مرح وأخلاق عاليه واياخذ ويعطي بالاسئلة حتى لو تبين تسألينه عن شغله خارج الدرس تتعلق بالكمبيوتر يرد عليج.. بصدر رحب..والدورة ماتحضرين كل 5 الأسابيع بالعكس ويا الأستاذ فراس يكون تاخذون أوقات راحه..إذا تم الشرح وتسهل..ودفعت لهم 125د.ك فقط لاغير..وهم 7 مواد..لكل مادة امتحان..إذا قدمتي على الامتحان ونجحتي زين وبركة..ولا سمح الله قدمتي على امتحان وسقطتي يحق لج تعيدينه بس تدفعين 5 د.ك..وانشالله ما تسقطين في ولا مادة..وحتى إذا كنتي غير مهيأ نفسيا أنج تتمتحنين مع مجموعتج يحق لج تاجيل الامتحان..بس نصيحتي لج أمتحني مع المجموعة ولا تخلين الامتحانات تتراكم عليج..وتختلط معاج الدورس والمفاهيم..
وهذا رقم المعهد: 3719440
والله يوفقج ويوفقني انشالله
وأتمنى أكووووووووووووون فدتج

خواتي انا شهادتي متوسطه + دبلوم سكرتاريه ومقدمه على ديوان الخدمه وانطر وظيفتي

بس بعد ما سمعت عن شهادة الاي سي دي ال ورغبة الوزارات بهذى الشهادة حبيت اقدم عليها

وعندي استفسار

شهادة الاي سي دي ال تصدق بالتطبيقي وامتحن عندهم مره ثانيه واوديها لديوان الخدمه مره ثانيه واضيفها لملفي عندهم

وشكرا

بس دلول انا عندي دورة سكرتاريه تنفيذيه 9 شهور وامتحنت 3 مرات وكل يسقطوني يقولون لي يبي واسطه وزين تنجحين ورابع مره قلت بشد حيلي ورسبت مع الاسف وطريت اني انسا هالدوره لان خلاص مراح يعطوني مجال لان اربع مرات ا متحنت وراح اسجل بشهادة المتوسطه بعد شسوي واذا خذيت دوره ثانيه اكيد بيقعدون يسقطونا لان انتو ماتدرون ان الديوان بقولهم نبي بس 8 او 10 بنات بالكثير تنجحونهم والباجي سقطونهم عشان مايصير ضغط على الديوان من البنات اللي ماخذين متوسطه ودوره لانهم وايد بالديوان وشوفي حالتي اربع مرات يرسبون فيني وكل ماقلتلهم ابي اورقت امتحاني مايعطوني اياها والله كريم ان شاءالله ومادري شسوي …

بنات أنا مدرسه قالولي هالدوره ضروريه بس ماني عارفه شني أهيا وشتفيدني فيه؟؟

بليز نوروني؟؟؟؟؟؟؟؟؟؟؟؟؟؟؟؟؟؟

celen بدونها ماكو ترقيات ولا شي … ضروري تااخذينها ..

حبيبتي قطوه أنا عندي دوره سكرتاريه بس الحمد لله نجحت من اول شئ تدرين بس اللي نجح معاي خمسه وأنا السادسه وبدون واسطه …
يمكن التطبيقي ينجح على حسب حاجة الديوان للموظفين والتطبيقي ينجح اعلى نسبه واحسن حل بالامتحان عندهم..