|
السلام عليكم ورحمة الله وبركاته
انا إن شاءالله أدش شهري أول شهر 5 والله يسهل علي وعلى كل حامل الولادة…
ولا عليكم أمر خواتي منو تعرف طريقة الحسو وياريت المقادير بالضبط أتوقع اللي بالنفاس تاكله قبل الريوق لأن أمي ماعندها خبرة بهالسوالف وأدوية النفاس إن شاءالله باخذها من خبيرة الأعشاب الأخت أم خالد الله يجزيها خير…
وجزاكم الله خير
الله يعنا ويعيني
جلاب تلاقينة عند العطار
سكر حسب الرغبة
رشاد من العطار
شوية زنجبيل
شوية مويه
شوية دهن
لومي مجفف اسود
الطريقة هي
شفشفي الطحين ونخليه
وحطيه فوق النار
وحطي فوقة السكر والماي وشوية دهن والجلاب والزنجبيل اللومي المجفف المكسرة والرشاد المنقوع ساعة وحركيع شوي لينه يصير غليظ وكثيف شوي وخليه يترسه ساعة على نار خفيفة وبالهنا والشـــــــــــــــــــفاء والاخبار الحلوة ان شاالله
أختي قلبي أبيض…
مشكورة وماقصرتي وإن شاءالله بسوي بحث بالمنتدى..
أختي لولو…
لا تشيلين هم والله يسهل عليج إن شاءالله … بالنسبة لأدوية النفاس من لهوم تمر وسفوف وغيره تقدرين تشترينهم من وحدة مضمونة وشغلها نظيف تسويهم لج/ عن تجربة شخصية في عضوة معانا بالمنتدى إسمها أم خالد(خبيرة أعشاب) تسوي أدويات النفاس وإذا حبيتي عندها كورس كامل ، الحق ينقال انا بصراحة خذيت منها قبل سنتين بولادتي الأولى وماشاءالله شغلها نظيف ومرتب وتعاملها راقي، وبإذن الله باخذ منها بولادتي هذي بعد … بس اللي محتارة فيه طريقة الحسو أمي ماتعرف اتسويه…
أختي ضيم الليالي…
يزاج الله خير ماقصرتي على طريقة الحسو… بس ولا عليج أمر شنو طحين الخباز؟ قصدج الطحين الأسمر أو العيينة اللي من الخباز؟؟
طريقته :
1/2 كوب ( حسو )مغسولة ومنقوعة بالماء لمدة 3 ساعات او اكثر
2 كوب حليب سائل ( ندى او كي دي دي )
2 ملعقة كبيرة طعام كسترد ( العلبه معروفه من الجمعيه )
1/2 1 ملعقة كبيرة سكر او حسب الرغبة
1 ملعقة صغير ماء الورد – شوي زعفران
الطريقة:
نضع الحسو منقوعة بالماء على النار
نضع الحليب مع السكر في القدر
على النار حتي يبدأ يغلى
ثم نذيب الكسترد في بقية الحليب
ونضيفه على الحليب المغلي مع التقليب جيدا
ثم نضيفه الحسو المنقوعة بالماء ونقلبه بسرعة بالخفاقة اليدوية
ثم ضيفي ماء الورد بالزعفران وحركيه ثم طفي النار
ونحطه في الاكواب او البيالات.. زينيه بالقرفة المطحونة
يزاج الله خير على طريقة الحسو شكلها لذيذ تسلم ايدج…
بس عندي سؤال ولا عليج أمر الحسو آنا اللي أعرفه يكون مطحون مثل البهارات هذا قصدج ؟؟
وإلا نوع ثاني يكون مو مطحون ومن وين أييبه ؟؟ ومشكورة وماقصرتي…
ولا عليج أمر بغيت الرقم …
امي علمتني ان الحسو يتكون من هالادويه
حسو تقريبا فنجان-رشاد فنجان-سويده-حلبه-بيضه وحده- طحين مذوب ماي عشان تغلظ الحسو وملح وسكر وبس يا طويلات السلامة
والحسو ضروري اول ايام النفاس عالريج مع كوب حليب حلبه دافيء
وبصراحة انا اموت بالحسو حتى ابوي واخواني يحبونه وكل ما يشوفوني اتريقه يتريقون معاي
وصج صج يقوي المرة وينظف ارحامها
الادويه مقاديرها بالفنجان الواحد وتغسلينهم عدل بمشخال
والماي حوالي اربع غلاصات او حسب الكميه الي تبينها والطحين من ثلاث الى اربع قفاش عشان تغلظينه بس ولا تنسين تحطين لومي اسود وفنجان سكر وقفشة ملح وبس يا قلبي
وانا احبه يكون حالي يعني فيه سكر وايد
وترى عادي تاكل اللي مسويه قيصريه بس بعد اسبوعين على الاقل
واهي فايدتها تنظف الرحم وتمشي البطن وتطلع الهوا