ياويل قلبي الشايب مطنقر ويعة يدي ههههه

صبحكم الله بالخير يابناتي شخباركم وشعلومكم عسااكم بخير دام كتبت الموضوع هذا انتهز الفرصه اعايدكم كلن بنكها عساكم من عواده يااابعد شبدي هههههههه

ادري فيكم بلاغين شف تبون السالفه بتعرفون علامه الشيبه ليش مطنقر صح هههههههههههه

السالفه ومافيها يامحفوظات السلاااااامه انه الشايب ضاربه فيوزاته له جم يوم صاير حنان ورناااااااان وماعنده غير الطلايب واناااا مثل مانتوا عارفيني الضحك عنواني ماعرف ازعل والله مو استهتار ولاااااا رعونه ههههههههههه بس مالي خلق المشاكل ماحب النكد احب الضحك والغشمره وهالشيبه مستخف يادافع البلا صاير يحاسبني علي ضحكتي يقول انا احترق مقهور وانتي تضحكين ياربيييييييي شسوي بعمري قلت له ياريال ادحر ابليس والدنيا هذى زايله اشماخذين منها يقوول لي ايييييييييييييي تبين موتي علشان تارثيني قلت اشعندك ياخلااااااااااااف لايكون سطرة العماير بالبدع لك وانا مادري واضحك اهو شبت عنده الحمررررررره قال صج انج منتي كفوووو نعمه هههههههه
قالها بالفم الملياااااااااان قلت خير ياخلف طوايفي ماني كفو نعمه تمون ليما اهني السالفه خوش خوش سكت عنه ورحت الجمعيه ورديت هالحجي كان المس المغرب"

يوم رديت من الجمعيه والا الحلووووو يتحلطم وكاسر خاطري والله قاعد ياكل بعمره علي اشياء تافهه مالها قيمه ابد هههههههههه المهممممممممم يبت الخبز الايراني والرهش وحطيت الحليبه والدرابيل وقلت اتعشا معاه قال لي مابي عشااج" قلت ليش بس ماعاش من يزعلك يانظر عيني قال ماني زعلان انا شبعان " قلت غيرت اسمك عساه اسمن مبارك هههههه عصب قال ليش تتطنزين بقلبي قلت ويييييييي شهالعيشه صاير جبريت من حرك بلششش"

المهمممم دق ولدي وقال يمه ترا غدانا باجر عندج قلت حياكم الله ان ماشالكم البيت تشيلكم عيوني واهو قاعد يسمع سديت التلفون انا ودقيت علي ولدي الثاني قلت له ترا اخوك العود باجر غداه عندنا ونت بعد ييب مرتك وتعال ودقيت علي عيالي اللي بالبر قلت لهم غداكم باجر عندي يعني بالعربي يمعت العيال علي اساس غداهم اليوم عندي ههههههههههه واهو قاعد يتصووخ ويسمع يوم خلصت من التلفونات قال لي خير اشعندج مسويه عزيمه قلت موعزيمه بس العيال مشتهين يتغدون عندنا باجر قال وانتي باي حق تعزمينهم قلت بققت عيني مومصدقه كلامه قلت ياريال اشفيك اسم الله عليك وقعدت اقرا عليه صرخ بويهي قال انا مافيني شى ماني خبل تقرين علي شكوووووو عازمه عيالج قلت له عيالي عيالك ودهم يتغدون ومو اول مره اشفيك مستشيط علينا اليوم يادافع البلا " قال مابيهم يتيمعون باجر قلت ولايهمك الحين ادق واقول لهم لاتيوون بس لاتحر عمرك ولاتعور قلبك
قال ايييييييييي بتدقين وتقولين ابوكم قال لاتيوون قلت لا بقول لهم انا معزومه ونسيت اقولكم واصرفهم اهم شى رضاك ياازعلان"

قال لاتعتذرين لهم ولاشى خليهم ايوون بس"
قعدي مع عيالج واستانسي وكل شوي قال عيالج وعيالج وانا فيني ضحكه قامتتها مومتخيلييييييين شكله واهو معصب والله جنه برتقاله مزنووطه شوي وتنبط هههههههه
المهممممممم قعدت انا اليوم من الصبح رزيت الللحمه عالنار وركبت الدياي وسويت الحشووو زهبته والدقوس والمعبوج والا هالمليح قاعد من النوم يضحك ولاجنه معصب امس قال لي شالغدا ومتي ايوون عيالي لايبطون وراحت طناقير الشايب عساها مااترد"
لاهو راعي طلعات ولاروحات ولاييات اللهم بالشهر مره يروح دوانية عيال عمه بس وماني مقصره معاه بشي والله يابنات مسويته يادهينه لاتنكتين بس مادري اشفيه يطنقر بدون سبب ويرضا بدون سبب هههههههههههههه تهقون كل الشيااب جذي لاصكووو فوق الخمسين يخلطون بانزين وزيت ويخربطون ههههههههه
مشكلتي عندي اكتفاء ذااتي من المشاكل وصلت لدرجه البلاده ماحب ادش بنقاش لاي مشكله ولااحب اعرف اسبابها ومسبباتها مريحه راسي بس اللي مطلع لي قرون ومشيب راااسي اني عرضت عليه سفر وشاليه وطلعات ومطاعم وكل شي يقووول لي مابي اطلع من البيت مايحب يطلع وصاير نجري ويداحر والله يابنات ان مالقااا شى ينتقده يوقف جداااااام المنظره يقول جني ضعفان اشوي اكيد بموت ههههههههههههههه

مادري شقول هم يضحك وهم يبكي ههههههههههههههههه

العمر له احكام ههههههههههههههههه عاد ريلي بالعشرينات احس فيه 90% من ريلج

ضحكتيني يالغاليه ردج فعلج حلوه ياريت اخذ من برودج شوي

عليكم بالعافيه الغدا مطرح مايسري يمري

مومتخيلييييييين شكله واهو معصب والله
جنه برتقاله مزنووطه شوي وتنبط ههههه
اسمحيلي التشبيه عجيييييييب لوووووول

يبا يتدلع شيبوبج والله وانتي عارفتله
مدية الدنيا طناش يعني، كلهم جذي
ترا مو عرة شياب بس، حتى زين الشباب
اللي عندي، من يحسون انج مشغولة عنهم
أو اهتمامج قل تطلع ينانوتهم وهات يا دلع
وتلزق ونجرة على كل كبيرة وصغيرة عادي
عادي طنشي وشفتيه كاهو رد يضحك بروحه
والله لا يحرمكم من بعض، ونصيحة من اخت ..
كثري من الريش والحركات لوووووووووووووول
ترا الريش الأبيض ينفع في اليوم الأسود

هلا والله بالغاليه

انتي وينج مده غطيتي عن المنتدى بصراحه فقدناج

ووحده من البنات حطت موضوع اتدور عليج

اتقول وينج يالغاليه نونو

وقالت لو احد يعرف رقمها دقوا طمنونا عليها

بس مع الاسف طلع محد يعرف رقمج

المهم الحمد لله على سلامتج

ونورتي المنتدى

ادري طلعت عن النص هههههههههههههههههههههههه

بس شسوي من غلاتج حبيت ابين لج ان مهتمين فيج

المهم الله يعينج على شيبوبج

بس الحين المفروض اتكونين تعودتي عليه لاص

ما شاء الله اهو عشرت عمر

وحسه بالدنيه

الله يخليه لكم بركة البيت ويطول بعمره

ولا يحرمكم منه

هههههههههههههههههههههههههههههههههههههههههههههههههه هههههههههههههه

و الله اني طول ما انا اقرا الموضوع و انا بموت من الضحك

اللي فطسني من الضحك سالفة اذا وقف جدام المنظرة عجييييييييييييييبة

يا حبيبتي هذا شي عادي كل الناس اللي بهالعمر جذيه و بعدين يلا حركة بالبيت على الاقل تلاقين احد يرد عليج الصوت

عسى الله يخليكم حق بعض

يالغاليه كلنا مرات تجينا حالات ونطنقر منى والطريج سبحان الله هالنفسيه مرات اب مرات داون مو بس شايبج عسى الله يخليه لج وانتي ماشالله عليج حكيمه هونتيها وهانت لو معاندته جان ما نسى زعله وتم ليما الحين زعلان
عسى الله يخليكم لبعض

الله يطول باعماركم يارب

جم عمرج << سؤال مووووووووشي صح ؟

لابس حسيت انه فيج شي بالاربعينات صح ؟

زين والله انا عبالي انا عجوز المنتدى

مع العلم انه السن كل ماتكبرين يزيد حلاتج من داخل وبرا

انا فريزر مااااااااااعطي طناقيره اهميه بيني وبينج يضحكني والله لاعصب شكله اتوماتيكيااااااااااااااا يتحول شى ثاني مادري اشلون يصيرغير نمونه اقمت الضحكه واقول يالله استر علي لاااااااااتنقلب ضحكتي نكد ههههههههه متعوووووووووداااااااااااااااااااااااااه دااااااااااااااااااايماااااااااااااااا شايبي وخابزته وعاااينته محد يعرف له غيري طاح بجبدي شسوي بعد"

والله ياقلبي انا عوده وعمري صح بالاربعينات العمر كله لي ولج ولبنات المنتدي ماكوووو عيوز بالمنتدي غيري انتي توج بعز شبابج بس انا ماتشوفيني متمسكه بالشايب ادري لي هدني وراح بعنسسس ومحد يطالع ويهي عقبه ههههههههههههههههههههههه ظل شايب ولااااااااااااظل شماته هههههههه

صاجه والله الحلا والسنع كله يزيد بالكبر مادري ليش ياربيييييييييييييييي فديتج رفعتي معنوياتي ههههههههههههههههه

لالالالاااااااااا لا ماااعانده الله يصلح حاله مااافيه شدة عناد الطبيب قايل لي لاتزعلووونه دلوعنا هالشيبه ههههههههههههههههه بس اهو مصرقع يمكن يبي يحسسنا انه قوي ليما الحين خنت حيلي عقب مااصار فيه القلب تعقد المسكين هههههههههه اللهم لاشماته

دلع شياب ينقال لج الريال لي كبر اشوي يجرب طناقيره بيشووف غلاته تزيد والاتقل اعرررررفله زين تربيتي هذااا بس ماكو شى يخليه يزعل كاسر خاطري والله يعصب بدون سبب هههههههه

ضحكتي من سرج بلاااااااااااااضحكتي من سرج بالعفو والعافيه ههههههههههههههههههههه

عيل هاج السالفه الثانيه يديده توهاااااااا طاازه من الصاله للمنتدي ههههههههه قاعد يمشي وعثرت ريله بواير التلفوووووون جان يحمق يقول العن ابوو وزاره المواصلات اللي حطت لنا خط وايره مليون متر هههههههههههههه بذمتج شتقولين موتمسكين بطنج تموتين من الضحك رحت المطبخ ضحكت ليمااااااااا دمعت عيني من الضحك شكوووووووو ابوو الوزاره هههههههههههههههههههههههههههههههههههه

تالي يتلفت يوم ماشاف احد جندس وشال التلفون ولف الواير بسكااااااااات وقعد يغني وطلع بالحوش

ياربي والله خايفه عليه لايصير خبل تالي عمره ينادوني بعدين مرت المينون ههههههههههههههه اسسسسسم الله عليه شيبتي ياييييييييمه اشقد احبنه <<<<< تأثرت بالوافدين العراقيين بالديره هههههههههههه

والله يا زينج ويا زين سواليفج

ويا هني هالشيبة فيج

ونااااااااسة جده ماسكه لابتوب وتشارك بمنتدى

عفية عليج

انتي جده 2024 وانا الحين انطر امي تخلص من الصلاة واقرا لها موضوعج واشوف شنو الحل عندها

بس تدرين مافي حل سوى اللسان الحلو لان الشياب يصيرون مثل الجهال يبون يسمعون الكلمة الحلوه ومالهم مقاقة للنقاش والحوار

واعتقد انتي قدها وباين من طريقتك عارفة تحلين مشكلتك ولو اني اشوف مافي مشكله سوى انه يتدلع عليج

وخلي قلبج خضر مثلي

عسى الله يطول بعمركم ويخليكم حق بعض يا رب

ضحكتيني عسى الله يسعد ايامج انشالله .. والله الطناقير شي لا بد منها عند كل ريال عاد انا ابو الشباب اذا طنجر يخيم علي صمت قاطع لان على قولتج من كثر ما شفت بحياتي على الرغم من صغر سنس صارت ردود الفعل عندي عكسية يعني تمسحت مشتقة من تمساح لوووووووووووووول

وتلاقيني عقب شوي قمت اتحرش فيه واكسر الشر وبصراحه ما اقعد ادقق منو الغلطان فيني لان على قولتج الدنيا زايلة وماتستاهل الزعل

لا تقاطعين يا الغالية نونو ترى وحشتينا او وحشتنا سوالفج.

لوووووووووووووووووووول توني اقرى ردج مال وزارة المواصلات – قاعده بالدوام وآكل تفاح زين ما شرقت من الضحك – اهم شي بالموضوع وزارة المواصلات لووووووووووول

هههههههههههههههههههههههههه

واي يهبل صج صج يهبل يا حبيبتي عادي يعني انتي اسم الله عليج تقولين ان عمرج بالاربيعينيات و تبيني انا ام 26 اعطيج حل

كبري عقلج و وسعي صدرج و ترى اللي بالعمر بالمحايل و امساحل يسمعون الكلام

بس و الله قطاته فلته على قولتج سالفة الوزارة

عسى الله يخليه لج و لا يحرمج منه