ياريت المعلمة تخاف الله عقب الكادر

مرحبا
اتمنى ان المعلمات يخافون الله ويردون يدرسون بضمير والافضل ما دام خذوا الكادر يداومون بالصيف يعطون دروس تقوية بدال الفلوس اللي تنقط على الدروس الخصوصيه وما اقول الا ان الزيادة حرام وظلم خصوصا للاداريات اللي ما لهم كادر

ثمني كلامج يا حلوه

شنو يعني يخافون الله شتقصدين يعني

قبل الكادر ما نخاف من الله مثلا..!

وبعدين لا يكون بس نشتغل عندج

عشان نداوم بالصيف .؟

ماتبين بعد نييلج البيت ندرس عيالج

نص دوام…!

حبووبه الكادر خذيناه لان نستاهل وشغلنا كراف بكراف

الاداريات شعندكم تبون كادر علي شنو

بدل حب وسوالف مثلا..!

والحمدلله ان الكادر مو بيدج ولامن جيبج

والمعلم معلم والاداري اداري ماكو مقارنه

ولا مساواه

واذا خاطبهم الجاهلون قالوا سلاما

لو تخافون الله صج جان ما نقط فلوس على الدروس الخصوصيه ومعاهد التقويه

حبيبتي ليش تقطون فلوس علي دروس خصوصيه ؟ ليش ما ادرسون عيالكم وتعاونون المدرسه ؟

علي فكره انا ماني مدرسه ولا ادرس ولا شي .. بس ترا مو كل الاعتماد علي المدرسات .. الاهل بعد لهم دور كبير بتاسيس عيالهم من البدايه عشان ترتاحون بعدين ..

عسى ا لله يعين ان شاءالله .. وعليهم بالعافيه الكادر لا تنسين هذيل بنات الديره بعد .. ومن حقهم مو عيب ولا حرام ..

يستااهلووون المعلمات شغلهم متعب

مبرووووووووووووووووك وألف مليون مبرووووووووووووووووك

والله ان المدرسين والمدرسات الكويتيات يستاهلون كل خير وأنهم يدرسون عيالنا

من قلبهم والله العظيم أنا عيالي اللي يدرسهم كويتي عمري ما حطيت له مدرس

خصوصي بالعكس يكون فاهم كل شي ويحب مدرسه ودايم يذكره بالخير

عليكم بألعافيييييييييييييييييييييييييية

وان شاء الله كل سنه تجيكم زيادات

تستاهلووووووووووووووووووووووووووووووووووون

واحنا نتمنى من الامهات يبطلون حش وقرقه بالتلفوون ونوم لي العصاري ويربون عيالهم ويدرسووونهم

وعلى طاري الصيف شرايج يتطعون الامهات ويدرسون عيالهم بدال ماتخيش نوووم لي المغرب!!

هههههههههههههههه

للعلم انا إدارية بالمنطقة التعليمية وخماشيل المدرسات عندنا الله يصلحهم والكادر مو حلال والله

كل وحدة تنصح نفسها وتجابل شغلها عشان الله يرزقها..
مو تقعد تطالع رزق غيييرها…
الكادر ماخذنااه الا واحنا نستاهله وتعبنا عشانه

شوفي أختي

تنتقدين من حقج

تهاجمين المعلمات الي مقصرين بأداء وظيفتهم واهم قلة بينا احنا الكويتيات هم من حقج

بس توجهين كلام لاذع تهاجمين فيه كل المعلمات وتتهمينهم بعدم الخوف من رب العالمين وتفتين ان زيادتهم حرام

أقولج ستووووب ومو من حقج

كل كلمة قلتيها راح تتحاسبين عليها

وأنا كمعلمة شملتيني بكلامج أقولج أنا مو محللتج لي يوم الدين

انتي وكل واحد يقول نفس كلامج ويعممه على جميع المعلمين والمعلمات

وبعدين شدخل الإداريات بالمعلمات

اهمه وين واحنا وين

مافي مجال للمقارنة كلش بينا وبينهم من جميع الجوانب

بعدين بخصوص الدروس الخصوصية

الطالب الي بحضر المدرسة بهدف الدراسة وتحقيق النجاح ويركز بحصته ويهتم بدروسه ما يحتاج دروس خصوصيه

بس الي يروح المدرسه بهدف اللعب والشطانة وعشان يسكت أمه أبوه وطول الحصه سوالف ولعب وما يدري عن المدرس شيقول.. هذا الي يطلب دروس خصوصيه واذا سئلوه اهله ليش.. أسهل جواب المدرسة ما تعرف تشرح والأهل الله خير يصدقون

مو احنا المعلمات كنا 4 سنين بالجامعه نلعب

وبالحصه بدل ما نشرح نقعد نسولف مع اليهال ونلعب معاهم اكس أوو

صح ؟

اتقوا الله يالمعلمات

اللي تقول ان احنا مانخاف الله لاتحطها بذمتها لو مو احنا جان ولدج ماعرف يكتب ولا صار بالدنيا اي شخص شي من غيرنا عقب ماكبرتوا واستويتوا مهندسين ولا محاميين ولا اين كان تقولون احنا مانستاهل احنا نقعد مع عيالكم نص اليوم اكثر منكم كل وحده فيكم ماتذكر ابله امسحت دمعتها اذا انتو يالامهات بالبيت عندج بس 5 يهال بالاكثر وحايسه بعمرج فتخيلي المدرسه بالصف الواحد عندها 30 طالب وشوفي جم صف ادرس مو اقل من 100 طالب تتعامل معاهم يوميا اتحفظ هذا واتسمع حق هذا واتوكل هذا وتمسح دمعت هذا غير ان طووول الوقت انراقبهم عشان لايصير فيهم شي حتى مستشفيات انودي فياريت انتو اللي تخافون ربكم فينا واللي تقول تشتغل بالمنطقه وعارفه سوالف المدرسات اقووول استريحي انتي قاعده هناك بالبراد واعصابج مرتاحه تشربين جاي وقهوه وتتكلمين عنا احنا اللي طول الوقت نتحرك مثل النحله واذا رفيجاتج مايدرسون فلا تعمين واللي اتقول تعبنا دروس خصوصيه مو مشكلة الابله اذاا ولدج ما يفهم كافي اتفهم 100 طالب بنفس اليوم

حاسدينا وبفلوسنا قاعدين انسوي وساائل بس عشان عيالكم يفهمون وهم نعطي هدايا حق عيالكم
تستااااااااااااااااااااااااااااااااهل الكادر واكثر بعد