ياامعلماات اليوم داومنا بالروضة

يا هلا سيكريتس ..

عساج عالقوة حبيبتي

بصراحه .. راحتكم اهم شي … بس اذا الدوام الحين يخفف التعب برمضان … عفيه عليكم و قواكم الله

في عاملات ولا لا ؟؟

الله يجعلها سنه خير و جد و اجنهاد

بلا نظفت تالي نقفتني الناظره من الصف ما ينقال عليهم

من صجكم مداومين؟؟؟؟؟؟؟ظظظ

ي شي محيرني ليش مداومين ؟
الدوام يوم الاثنين الياي
شالسالفة انا حلمانة ؟؟؟؟؟؟

انزين أبلاتي اللحين انتي تداومين وتنظفين صف مو اكيد انتي بتقعدين فيه

فـ ليش اتعبين روحج ؟

واااااااااااااااااي لاحقين على التعب خيتي

بنااات ليش الاحباط

بالعكس شي حلو .. تنظفه و ترتاح احسن من البهدله يوم الدوام خاصة انه يصادف اول رمضان

يعني لو مو اول يوم رمضان جان قلت لها لاحقه و لا تاخذين من عطلتج للدوام …

بس هالشي ان شاء الله راح يريحها وايد ..

ان شاء تكون العماله بالمدارس بعد احسن من العام و ان شاء الله يكونون موجودين الحين و ضبطوها و خموها شوي ..

مشغوله ومحتاسه مو تثبيط معنويات

بس احتمال انه الفصل اللي بنظفه مو فصلي .. وبروح حق فصل ثاني الأبله مالمست فيه شي

انا جذي بكون منظفه فصلين بدال فصل واحد

من رأيي انطر الناظرة واشوف شلون توزعنا ووين تحطني بعدين اشمر ذراعي وانظف وانا الكشره من اهني لي اهني

اوكي حبيبتي تداومين لو الصف لج
لكن انا وضعي مختلف كلش
الطاقم بكبره تغير الادارة كاملة
والناظرة ماينقال عليها يمكن تسوي عمليات تدوير مو طبيعيه
مالي خلق انظف وانحببببببببط عقب
وشدعوة عاد يهمني
انا باقي لي اسبوع اجازة برتاااااااااااااح واتهنى فيه

قوااااااااج الله سيكرت وكل الابلات الي داومو وتعبووا

والله ودي اروح احسن من التعب بعدين والعطش برمضان

بس انا منتقله روضه يديده برووح بلقى كل شي جاهز

عاد انا انتقلت خلاص
وابي اروح اشيل اغراضي من الروضة
ما ادرى عادي اروح قبل الدوام ولا لا
ابي اليوم اللى بداوم فيه اقعد اسولف مع البنات
مو اقعد اشيل اغراضي

هذا دوام وزاري والا تطوعي ؟؟؟؟؟؟؟؟؟؟؟؟؟؟؟

واي اشفيكم بنات ليش لهالدرجة مستغربين!!

انا بعد رحت اليوم ودامت وخذيت خدمنا معاي وخلصت صفي الحمدلله حتى الألعاب غسلتهم ونشفوهم ورتبت كل شي بقى تناتيف بسيطة اكملها اول يوم ومثل ماقالت سيكرت الاسبوع الاول ما نظيعه بالترتيب والتظيف لأ نزهب حق استقبال اليهال…

صدقوني كلها يوم وتقزر ليش مكبرين الموضوع والناظرة استانست فينا مسكينة اداوم كل يوم صارلها اسبوعين خنت حيلي مظبطة الروضة لنا ماقصرت صراحة..

وابشركم يايبين اثاث يديد طاولات حلوة ومكتبين متعددين الاستخدامات ماعجبوني وايد بس حلو كتغير..

والله يهنينا بالدوام وتكون سنه حلوة للجميع…