|
|
السلام عليكم
خواتي انا شهادتي بكالريوس خدمه اجتماعيه و اشتغل حاليا اخصائيه بمدرسه وسمعت عن المواد الجديده هالسنه ( تربية حياتيه ووطنيه وفي ماده ثالثه اذا ماني غلطانه بس نسيتها ) يقولون ان الوزاره وزعوا نشره طالبين اخصائيات وباحثات اجتماعيات عشان يدرسون هالمواد لان في نقص مدرسات … مادري اذا صج ولا لا . .. واذا صج وين اروح عشان اغير من اخصائيه لمدرسه ….و يحولوني بسرعه قبل بداية الدراسه او انطر الكورس الجاي ؟
انا مليت من وظيفتي مو عاجبتني وودي احول مدرسه عالاقل افتك من اولياء الامور و النجره معاهم وتصير عندي عالاقل حصص فاضيه اتريق و ارتاح واسولف واستانس مو نفس الاخصائيه اي حزه يطبون عليج واولياء الامور واقفين على راسج من الطابور لنهاية الدوام
اللي عندها فكره عن النشره و هالمواد جم حصه بالاسبوع وحق اي مرحله تقولي
| يقولون ان الوزاره وزعوا نشره طالبين اخصائيات وباحثات اجتماعيات عشان يدرسون هالمواد لان في نقص مدرسات … مادري اذا صج ولا لا . .. |
إي الوزارة طالبه بس جني قريت بالجرايد انهم ما راح يطبقون هالسنه لان المناهج والكتب ما خلصت عموما روحي للوزاره عشان تتاكدين اكثر
كتب المهارات الحياتيه خالصه اما التربيه الوطنيه بعدها وهالاخيرة دسمه بالنسبه للصف الخامس
الهه المستعان
واظن مو مادة اساسية ويمكن حصة وحدة لكل صف بالاسبوع بس انا افضل تراجعين الوزارة وتسألين عن التفاصيل
وحده ذاك اليوم تسولف تقول حولت الى مدرسه اهي اخصائيه بالشؤون
والحين حولوها وبدت دورتهم يوم السبت الي طاف
وين ما ادري بس روحي سألي بالوزاره احسن لج
وفعلا المدرسه وايد ارحم من الأخصائيه
وزارتنا الحلوه طبقو التربيه الحياتيه بدون ما يخططون
والحين انا سامعه انهم ضافوها للجدول من غير دراسه
ويقولون ان ما سوو المنهج وما فيه مدرسين كفايه
علشان جذي راح ينزلونها احتياط السنه هذي
ويخلون دوام الأبتدائي الى الساعه وحده وثلث
على الفاضي حق الطق والمطاقق
تحضير ووسائل وأوراق عمل ومعارض ومسابقات واشراف اداري ولا تربيه صف لا يغرج هالحصتين الفاضيه بجداولنا كل يوم نصحح الامتحانات ولا نسوي الدرجات ولا بالأخير يقولولج ماشفنا منج أي عمل متميز على مستوي المنطقه
حبيبتي كافي انج تطلعين الحصه الأخيره قبل المدرسات ولا تحضيرولاعلامات مآخذتهم معاج البيت
وردة الجـوري
مافكرت اصير مدرسه تعبببب
ومسؤوليه
مو بس في المدرسه
هم في البيت تحضير
وعلامات وتصحيح
الوحده تبي الشغل
اللي يريحها ابرك
من الكرررف
بعدين يوم بيحطون تربيه حياتيه ووطنيه
جان يشيلون الموسيقى
عالفاضي
مامنها فايده
ومدرسين من برى لي الراس
عشان الموسيقى بسسس
والله حاله
بيصلحون شي
وينسون شي
..
زين اختي ظلال القران شلون رفيجتج صارت مدرسه واهي خدمه نفسي !! والله هالوزاره موصاحين…اخاف هاللي ساالتها ما تفهم شي وعلى عماها
الله يستر شكلي سألت وحده امسبهه