يا عرايس كويتيات تبون كوشات وبدل عرس فرصتكم بمعرض رواج بالعديلية .

السلام عليكم

عرايس كويتيات حبيت أخبركم إن معرض رواج بالعديليه بيفتح اليوم وأم عبدالله مشاركة فيه وهى مصممة كوشات وبدل عرس واااااايد تصاميمها حلوه ومو مكرره والزين فيها على حسب ميزانيتج تسويلج كل إلى تبينه وتصاميمها حلوه وفنتق .

بنت خالى تجهز حق عرسها علشان جذيه عرفت قلت خل أقولكم عن المعرض أنا يمكن أسويلى دراريع فنتك حق رمضان حقى وحق بنتى .

العنوان ما عليج أمر و شنو فيه المعرض

والله ما أدرى شنو بالمعرض لأنى مارحتله بس إلى أعرفه إنه معرض صغير كله حق بنات صغار مو كبار وبعد أم عبدالله المصممة موجوده إيه حتى ورد الكوشه على قولتهم جنه جاهز أبد وأحلى وفيه كتاب طبخ تونه نازل 2024 وإسمه طبخ بيت وأنا كنت أدوره وإن شاء الله بروحله لأن أبى أفصل حق رمضان دراريع أبى فناتق هذا كل إلى أعرفه ومثل ما قلتلج مارحتله بس إن شاء الله بروحله اليوم العصر .
والعنوان عاد لقيتى إلى تعرف تدلى المهم إلى أعرفه إنه بالعديلية برابطة هئة التدريس أو شغله جذيه .

بلييييييييييييز نبي العنوان ضرووووووووووري

والكتاب مال الطبخ مال عبير الراشد؟

لا مو مال عبير الراشد مال وحده يديده إسمها بنت عبدالله وإسم كتابها طبخ بيت وعنوانها تونى أخذته بالضبط العديليه رابطة هيئة التدريس التطبيقى بجانب حديقة العديليه مع نادى كاظمة هذا العنوان بالضبط تونى أخذته

و المدة جم يوم قاعدين؟

جنه بإعلانهم كاتبين 3 أيام بس مانى مأكده وبعدين أنا ما أدرى شنو يبيعون بعد بس إلى أعرفه أم عبدالله المصممه راح تكون موجوده

اوكي مشكوووورة

عاد إذا رحتو وشريتو شى قولوى علشان أشوفه أشوه إنه المعرض يمنا مو بعيد

srabeel

مشكوره

والله رحتله أمس بس عاد ما عجبنى كلش صغير وصج عارضين بضايع بس الناس أذواق مو مثل ما توقعت عادى والبضاعه من الهند وبره بس عاد ما عجبنى شى لا وبعد كانت نور الجاسم موجوده بس ما شريت ولا شى ما عجبنى شى كلشششششششش

srabeel

نور الجاسم شنو عنده غير

أكسسوارات الموبايلات

ومتي أخلص

يا ليت تردين ودي أمره باجر

تفضلى هذا بروشورها وعلى ما أعتقد خمس أيام يعنى باقيلهم 3 أيام بس ناس يقولون 3 أيام واليوم أهو اليوم الأخير بس والله ما أدرى عاد من إى صاج

مشكوره

سرابيل

وهذي اللي اسمها نور كله رازة وجهها بكل مكان .. ولا لي بغيتي تتعاملين معاها ما تعرف اصول التعامل مع الناس

تدقين عليها ما ترد التاجرة الكبيرة … بعرف ليش حاطة رقمها بالنت ؟؟؟ اللي يشتغل بالتجارة المفروض يكسب زباين مو ينحشهم؟؟ انا كنت بسوي تلفوني عندها بس هونت لأن اسلوبها ما عجبني ولا شغلها يسوى …