وللى يعافيكم العلاج بالخارج وين ؟؟؟؟؟؟؟؟

الحين و قفو العلاج بالخارج و فاتحين العلاج بالداخل فقط واتقدمين على العلاج بالداخل بنفس مكان ادارة العلاج بالخارج

و بالتوفيق،،،

الناس الي قاعده اتروح الحين هذيل يا قبل القرار يا رايحين على حسابهم

انا زوجي كان مار على ادارة العلاج بالخارج علشان صديقه و قالوله بس مافي وقفنا نهائيا علاج العقم بالخارج.

اختي اذا حالتج انتي وزوجج مو صعبه حيل يعني ممكن تتعالجون بالكويت قدمو على العلاج بالداخل افضلكم

انا اقولج هالكلام عن تجربه انا سبق اني رحت بلجيكا و الي شفته ان العلاج اهني افضل من بلجيكا من ناحية الاهتمام والمعاملة والمواعيد و كل شيء و الي قريته بالمنتديات عن بلجيكا شي والي شفته شي ثاني. واهني اريح نفسيا لأنج بتكونين بين اهلج و ناسج.

هلا فيج ضوى شمعه الله يوفقج وترجعين وانتي حامل

و صاجه الادويه الي عطونا اياها فيتامين سي و فيتامينات و ناس يعطونهم اياها وناس لأ وقالو عادي اخذتوهم والا لأ المهم فولك اسد و يعطون تحاميل للتثبيت و حبة تثبيت لونها ازرق هم هاذي ناس يعطونهم وناس لأ يقولون انها مو مهمه
الابر عطونا بيرقون وناس عطوهم جونال اف وناس انواع ثانيه نفس الي يعطونا اياهم اهني

عملية الحقن المجهري وحده اهني والا اهناك مافي فرق الفرق ان اهني طبيب واحد اهو الي راح يتابعج واهو الي راح يسويلج العمليه وكل شي وتقدرين تسئلينه تستفسرين منه ابأي وقت اهناك لا 10 اطبه راح يشتغلون فيج هههه السونار كلمره واحد غير السحب دكتور غير الترجيع دكتور غير تبين تسئلين عن شي طلبي موعد من الطبيب والمواعيد بعيده

عمليات المنظار من غير بنج و هات يا صراخ و يا ألم والله اغلبية البنات انصدمو بغرفة العمليات ما توقعو ان عملية منظار من غير بنج!

لي رحتي الطواريء مافي طبيب عيل ليش مسمينه طواريء لاااااااااااا نطري على ما ايي الدكتور والله العظيم اعرف اكثر من وحده حاشهم نزيف قوي و راحو الطواريء و خلوهم ينطرون وحده انزفت لين اغمى عليها وطاحت و الدكتور ما وصل يقولون نطرو نص ساعه و ساعه!

الحين لو وحده يصيرلها هالموقف بالكويت و راحت أي مستشفى حكومي مو خاص و بفلوس بعد اشراح يسوونلها مو راح يطيرون فيها و يركضون فيها وينقلونلها دم والا درب اهما لاااااا ما نحط شي لا درب ولا شي بس نامي وبس.

عندي كلام وايد لو بقوله ما بخلص بس شنسوي احنا رحنا حق حاجتنا و من الي سمعناه من مدح و من مواضيع ترس المنتديات بس شقول غير الشكوى لله والله يرزقنا ولا يحوجنا لأحد.

اختي يعني اشلون الدكاتره هني مو هالكثر اصلا الدكاتره الي عندنا اغلبيتهم متخرجين من بره و كلهم يتبعون نفس الخطوات والاجراءات بالعلاج والعالم الي قاعده اتعالج اهني وتحمل يعني بفهم اشلون احملت؟ ماشاء الله اشكثر عالم قاعده اتعالج اهني وتحمل بس سبحان الله الواحد من كثر ما يقرى ابهالمنتديات يحسب ان الي اتسافر بره ما ترجع الا و اهي حامل لا والله يا اختي بالعكس مو شرط و الي ربج كاتبه يصير و في وايد ناس راحت ورجعت وما حملت لأن الله مو كاتب و انا اعرف ناس والله ما بقى ديره ما راحو و آخر شي الله رزقهم اهني و اهم شي الواحد يتوكل على ربه ويلجأله بالدعاء و لا يتعلق قلبه بهذا و هذاك "واعلم أن الأمة لواجتمعت على أن ينفعوك بشيء لم ينفعوك إلا بشيء قد كتبه الله لك "

عدد المحاولات

اهني يخلونج اتسوين محاولتين على حساب وزارة الصحه و انتي تختارين المستشفى الي تبينه و المفروض يعطون محاولات اكثر محاولتين مو كفايه الصراحه