|
|
[COLOR="Magenta"]بنات النجدة ولدي عصل حده و يكسر خاطري مل من الاكل اللي احطه له و ماقام يجيس ولا عود منه ومسكين دوامه طويييييل دورت بالنت و خذيت افكار مثل ميني بيرغر و جكن ناقتس و سباغيتي مالت امس مثلا هالفكره من مواقع اجنبيه او سندويش دياي
مال امس مفضل وجذبي فانا مو متعوده أحطله لحوم ولا حتى بيض فاللي منكم تحط لعيالها هالسوالف حق المدرسه ياريت تقولي شلون تحطهم بحيث مايختربون مع العلم ان الفرصه الثانيه تكون الساعه 11 والاكل بينحط بالجنطه من الست ونص!COLOR]
انا صراحه من حرصي انه ما اييووع خصوصا انه الوقت اطويل اشتريله مثلا ساندوش بطاط وبيديان من المطعم واحطها مع جبس وعصير زياده .. ومطاره الماي واعطيه فلوس للمقصف اذا اشتهي شي ..
ويردها مثل ما اهي .. قمت اقوله اذا ما اشتهيت عط ربعك اللى ماعندهم اكل .. حرام ينقط بالزباله ..
انتي اذا ولدج يبي اكل البيت اشتري حافظات الطعام الصغيره .. انا شاريتهم واحط له فاكهه فيهم اقصصها وتكون زاهبه بس يبطل الكونتينر ياكلهم وخصوصا الحين الجو بارد ما تخرب هالسوالف .
عن نفسي احط الاكل لما يبرد شوي بجيس الي يتسكر او بعلبه صغيره بحيث يظل محافظ على شكله وما ينعفس
دروبك يالسهر اللله يعافيج ذكرتيني بحليب الموز مغذي و يمتن شوي و ولدي يحبه
ام كوثر و حجيه هيونه لا مايعطونه اكل بالمدرسه اصلا ابلته اول السنه دازه لنا ورقه ان لازم نحطله اكل كافي حق فرصتين عشان جذي فكرت للفرصه الثانيه خصوصا انه حتى لما يرجع البيت مااااااله خلق ياكل بس لاهي بالللعب اني احطله اكل دسم شوي مثل بيرغر بيض ناغتس باستا بس ماني عارفه هل يختربون شلون الطريقه بس كونتينر وخلاص والا لازم الجنطه مبطنه بقصدير ولها مواصفات معينه
فبليز اللي تحط لعيالها هالسوالف حق المدرسه تقولي شلون مايختربون
هالايام الجو بارد ممكن تحطين سندويتش بيض – مرتديللا – اجبان -ت
قدرين تحببينه بالكل لما تقطعين التوست بقطاعة البسكوت او التوست اللي على اشكال قلوب وfunu face
ممكن تسوين سباجيتي بصلصة طماط من غير لحوم
معكرونه بخلطة اجبان سايحة
اذا يحب الخضاروالفواكه جزر ميني -خيار – موز
جنطة الاكل المعروفة وايد زينه بس اشتري البوكسات النايلون مثل ماركة glade شفاف وغطاته زرقه
في منه احجام اخذي كذا حجم
وفي نوع مقسم 3 اقسام تحطين فيه سندويشه وفاكهة مع ونوع حلو كيكه او ككاو
وينحط داخل اللنش بوكس مع عصير او حليب ككاو او فراولة اللي يحب
حبوبة التنويع ضروري للياهل
خلي لج جدول عالثلاجة تمشين عليه كل يوم شنو تحطين له
عشان تجهزينه من الليل وتسوين السندويشه الصبح
حطيله كورن فليكس بالعلب الشفافه وحطي حليب اذا يبي يحطه عالكورن وياكل
ذره تسلقينها بالبيت وتملحينها وتحطينه بالعلب الشفافة يموتون فيها الصغار
سلطة فواكه او حبات عنب وكرز وفراوله او خضار مقطعه بطريقه حلوه
بسكوت دايجستف بالكاكاو
بسكوت مالح
طبعاً هالشغلات تصلح للفرصه الثانيه لانها ماتخترب
والساندويج بأنواعه خليه للفرصه الاولى
هذا اللي في بالي الحين
عاد رحت للابله وكلمتها قلت لها ذكريها بالاكل تقول انا اذكرها بس اهي تقول ما ابي
جان افكر بفكره وصرت اطبقها و نجحت قلت لها الابله عندها رقم تلفوني وكل يوم تدق علي وتقول انج ما كليتي وانا لازم ما اييب لج هديه
عاد صارت يوميا ترد بالجنطه فاضيه وتييبها لي تقول ماما شوفي كليت الاكل كلللللللللله هههه
انتي اتبعي نظام المكافأه ترا احس هالاسلوب اهو اللي يمشي هالايام