ولدي والمصاصة ومشكلة ضروسه

السلام عليكم بنات وامهات

بنات انا ولدي عمره الحين سنتين وعشر اشهر وللحين يستعمل المصاصة تعبت معاه وحاولت اني اشيلها منه مو راضي لدرجة انه فيوم من الايام قعد من النوم ما لقاها بحلجه قام يمص الطوفة والله العظيم

المشكلة الحين مو بالمصاصة المشكلة بضروسه الفك العلوي لاسنانه طلع لبرا وولد رفيجتي عنده نفس المشكلة من ودوه الطبيب قالو لهم عملية واللي اهي كسر الفك وترتيبه مرة ثانية وانا طبعا سمعت ها الحجي مت من الخرعة خايفة لا كبر يصير معاه ها الشي بنات طمنوني منو صار مع ولدها جذي وشلون ضروسه لما كبر

وبشنو تنصحوني اروح اوديه طبيب ولا شلون والله امية سؤال يطري علي خايفة يكبر واظل ضروسه جذي طالعة لبرا بنات طمنوني وبشنو تنصحوني الله يحفظ عيالكم

معقولة ولا رد؟؟ ع الاقل رفع بنات

كرهيه بالمصاصه باي طريقه حطيله عليها مره او أي شي ينوكل ما يستسيقه او قطيها بملح او خل

في كذا طريقه
وخليها هو يقطها بنفسه عشان ماايذيج بالبجي
يعني حاولي
انكم طالعين مشوار وفهميه انه هو الكبير والمصاصه حق اليهال وخليه يقطها بالزباله تكرمين
ولا اربطيها في بالون وخليه يطيرها بنفسه
يعني خليه هو اللي يكرهها ويقطها مو انتي عشان مايبجي
وبس

والله مافاد لبنتي الا لمن خطيت لها فلفل واقطعتها
يويتلها كل شي مره ماح قطعتها حذفتها من الدريشه مانفع

الاااا الفلفل صج كرهتها عافتها ..قطعتها وهي عمرها سنتين و٤شهوووور

والحمدلله ارتحت نفسيااا كانت ادمااااام عليهااااا

شوفي انا طريقتي مع اعيالي بس اكملون سنتين اخذ المصاصه واقصها من جدام اشيل جزء منها بعدين اهم يحذفونها

اختي ماله شغل العمليه مو من المميه يمكن رفيجتج ولدها فيه مشكله

انا خالتي لي عمر ٣ سنوات مصاصه والحمدالله

مع ان انا مو مع المصاصه كلش اللهم فتره الاربعين وانا من وجهة نظري احس المصاصه دليل للبيبي على الغيره والحره

سويي مثل انوقه حطي فلفل او ليمون عصري فيها عشان اهيا من نفسها تكرها

ايه قصيها لهم قولي خربانه

حطي عليها مره بيكرها

يسلمو بنات

والله قصيتها وعطيته اياها شنو كان رده

ماما اشتليلي ودة ثانية = اشتريلي وحدة ثانية

يعرف كل شي اسم الله عليه المشكل مو بالمصاصة الحين المشكلة عندي بضروسه الفك العلوي طلع لجدام شوية لمن يصك حلجه مو سيدا وياةضروسه اللي تحت مجدمين شوية لجدام فخفت لا كبر وغير ضروسه شلون شكلهم بيصير

الله يحفظه لج من كل مكروه