ولدي و المصاصة

هاي بنات اشلونكم ,بنات انا ماني عارفة شسوي مع ولدي هو عمره سنه وسبع شهور صارلي قاطعة المصاصة عنه5ايام و هو صاير حيل مستعسر بس يحن و يبجي حيل تغير و امي قلبها يعورها عليه تقول ردي عطيه و انا اقول لا بنطر اخرتها راح ينسى بس هو كل يوم لازم يطلبها مني و انا اقوله ماما انته قطيتها بالزباله تكرمون وصاير عسر معاي حتى مايبيني امسكه كله على لسانه كلمة لا و بس يبجي ما ادري شسوي

شووفي
فيه دوا بالصيدليه مر سألي الصيدلاني عنه بس مايضر للبيبي حطيه بالمصاصه يوم يومين راح يكره المصاصه من نفسه

انا عيالي من سنه اقطعها .. بس اذا بجى اعطيه حليب .. يرضع بدال المص اللي على الفاضي .. واذا تنح يبيها غصب .. حطي بالمصاصه مره مطحونه او اي شي حامض يلوع الجبد عشان يكرها

اي والله حبيبتي حتى انا بعد ابي اقطع بنتي عن المصاصة اللي ما لها فايدة
و لازم تمصمص فيها قبل النوم واذا ما عطيتها تستعسر و تبجي
ما ادري شسوي ابي اقطع المصاصة عنها

100% معاها
وصبري زيادة حبيبتي أسبوع،، في يهال يطولون شوي،، ولا يكسر خاطرج وتعطينه مرة ثانية ترى ما راح تقدرين تقطعينها كلش لأن ولدج راح يعرف نقطة ضعفج
آنا ولدي خذاله 10 أيام تقريبا على ما قطعها،، وحطيت له الدوا المر من الصيدلية والحمد الله إفتكيت من المصاصة وبلاويها

الله يعينج انا مااقطعها الا لمه يكمل البيبي سنتين
وبس اعطيه اياه وقت النوم مو طول الوقت
مادري شقولج نطري بعد جم يوم دام صارلج 5 ايام مره بينساها

انا قطعت المصاصه عن ولدي عمره 5 شهور تأذيت معاه بس يومين

انا قطعت المصاصه عن ولدي عمره ٥ شهور تأذيت معاه بس يومين

مشكورين حبيباتي انشاء الله بروح اشتري الدوا من الصيدلية و اجرب
عاد اليوم رحت بيت امي و طبعا اهو استنفار بس يحن على ايشي امي عصبت و راحت يابتله المصاصه اخذها منها وحطها بحلجه شوي اقل من دقيقه و ردعطاها حق امي و قعد طول الوقت يلعب و مستانس و ما طلبها كلش الا قبل لا ينام طلبها و قلتله انا ما عندي سكت و اخذ رضعته

هههههه ياحليله ربي يحفظه يارب
أنا نفس حالتج ولدي عمره سنه و شهرين بلشت بالمصاصه معاه وعمره 5 شهور وبالغصب علمته عليها لا تسئلوني ليش علمتيه عليها لأن جوابي محرج لي
وحاليا مو مفكره أقطع المصاصه عنه شكله عجبني فيها ههههه
وان شاءالله أستفيد من تجاربكم

وااااااااي حالتي نفس حالتكم
ولدي عبودي ربي يحفظه عمره سنتين وشهرين حاولت اقطع عنه المصاصه بس ماكووو فايده حنه وبجي وماكوو نوم

خلاص بروح اشتري الدوا المر من الصيدليه عشان يقطعها ولا هالحنه معاه طووول الليل _03ba:

عقبال ولدي عمره 4 سنوات

مو من صجكم انا ٦ شهور اقطها وبنتي هذي حبيبتي من ٣ شهور قطعتها سمعيني حبيبتي هاتي المصاصه وقصي نصها بمقص وعطي اياها راح يستغرب ويبجي قولي هذي المصاصه مو انت تبيها صدقيني يومين وبيقطها من نفسه والله يعينج حبيبتي وبعدين حرام لا يطولون بالمصاصه تاذي الاسنان ببداية نموها

ولدي عمره سنة وشهر وابياقطعها اخاف تخرب سنونه خصوصا اللي فوق متفرقة