|
|
السلام ,,
خنقولكم السالفه ..
ولدي عمره سنتين و7 شهور وصارله 3 شهور بالحضانه والله يا بنات ان يوميا لما اوديه يبجي بجي مادري هالشي طبيعي ! ومو بجي عادي لا يبجي حيييل ويصارخ ويمسكني .. مع ان مو هذاك التعلق فيني, بالبيت كله يزفني :/
مرات ماقدر اوديه يبجي من قبل لا نطلع من البيت لدرجة ان نغصبه كلنا نشيله نوديه السيارة وهو ميت بجي ويرافس مايبي يروح .. ومن نوصل اضطر اشيله وادخله ويمسكونه المدرسات عشان اقدر انحاش 
وطبعا يقعد 5 دقايق يبجي وبعدين يسكت ..
المشكله اني اشوفهم زينين معاه عاد مادري فيه شي وراي الله اعلم بس انا الي اشوفه زينين .. ويقولولي ان يلعب طول الوقت .. حتى لما اخذه واساله يقولي شنو سوا ومستانس.. بس ليش يبجي مادري ..
انا الي مخليني احاتي لان اهو الوحيد بالحضانه الي للحين يبجي .. ماشالله باجي الياهال بس اول اسبوعين والحين اهلهم يمسكون ايدهم ويدخلونهم عادي مستانسين .. الا انا شايلته ويرافس !
جم مره اقوله السكول حلوه ووناسه يقولي انزين بس ماكو فايده ..
انا زهقت والي مضايقني ان المدرسات شكلهم زهقوا !
3 شهور ويوميا يبجي و اخاف اوديه حضانه ثانيه نفس الشي يبجي ويطلع كله دلع ! برايكم شنو الحل ؟
حتى مديرة الحضانه كلمتني وكانو حيل مهتمين
الحين كله تبيهم وتشتاق لهم
فانتي شوفي اشلون وضعهم مع ولدج
حني عليهم
والله انا حضانه بنتي طلعت عيونهم وحرام يجاوببوني بصدر رحب
اخره اليوم
انتي ساليهم شنو الاسباب
هذي عن تجربه من الواقع حياتي الي اشوفه من هل اليهال كل صبح
احس وايد غريبه مادري بس احس ولدج يدلع عليكم عشان يغصبكم ماتودونه الحضانه
الله يعينج ممكن الياهل يطول كلش كلش ابوعين ثلاثه بس 3 شهور وايد
ترا عادي
انا ولدي هم 3 شهور بجي نفسيتي تعععبت وكنت ابجي ليما اوديه واشوفه يبجي
بس الحين ماشالللله تعالي شوفيه
يحب الحضانه وشخصيته تغيرت وتعلم وايد شغلات قلت الحمدالله اني ماطلعته
كان بس دلوع
وهم كان يسكت بعد 5 دقايق
وليما يرجع يقول حلوه المدرسه بس يصير الليل يقول اذا قعدت وين اروح ؟اذا قتله المدرسه يبدي البجي من اللليل
سووري طولت علبج
) بس حبيت افيدج يعني بسنه يحتاج ينام 10 ساعات متواصله على الاقل
جربي تخلينه ينام
الله يعينج
او يمكن جم مره بجا و انتي ما وديتي الحضانه.
اليوم لما رحت اخذه كلمتهم وقالولي ان زين وكلهم يحبونه وقتلهم ليش يبجي الصبح لما اييبه قالولي يمكن اهو يبي يقعد عندج بالبيت لان كله يقول اسمج
الله يعينا ..
آنا ما أعرف ظروفج أكيد أنتي مضطرة بس اللي أعرفه وعن تجربة الطفل قبل الثلاث سنوات ونص أو على الأقل ثلاث سنوات يحتاج القعدة بالبيت ومايحب الإنفصال عن أمه أو الناس اللي متعود عليهم يعني حتى لو تداومين وتطلعين عنه المهم أنه ينام كفاية بالنهار ويقعد بالمكان اللي متعود عليه مع الخدامة لو تسوين له جو بالبيت أفلام يحبها وألعاب وقصص أفضل من الحضانة بهالعمر وطبعا فيه فروق فردية بين الأطفال منهم يتأقلم مع المدرسة من عمر صغير ومنهم ما يتقبل الإنفصال عن البيت حتى عمر متأخر 4 سنين وطالع
اللي قاعد يمر فيه ولدج طبيعي وكل طفل وشخصيته أعتقد ولدج ما تناسبه المدرسة بهالعمر
آنا عيالي كل واحد غير عن الثاني : اللي حب المدرسة بو ثلاث سنين وتعود عليها بسرعة واللي ما تقبل الفكرة بالمرة وخليته بالبيت لي الروضة
سامحيني مرة ثانية ما أحب أضيق خلق أحد خصوصا الأم مسكينة أدري تحاتين
الله يعينج إن شاء الله
والله اعلم
|
المشاركة الأصلية كتبت بواسطة زينة الزين
 سامحيني حبيبتي ما ودي أضيق خلقج بس ترى ولدج صغير على الحضانة
آنا ما أعرف ظروفج أكيد أنتي مضطرة بس اللي أعرفه وعن تجربة الطفل قبل الثلاث سنوات ونص أو على الأقل ثلاث سنوات يحتاج القعدة بالبيت ومايحب الإنفصال عن أمه أو الناس اللي متعود عليهم يعني حتى لو تداومين وتطلعين عنه المهم أنه ينام كفاية بالنهار ويقعد بالمكان اللي متعود عليه مع الخدامة لو تسوين له جو بالبيت أفلام يحبها وألعاب وقصص أفضل من الحضانة بهالعمر وطبعا فيه فروق فردية بين الأطفال منهم يتأقلم مع المدرسة من عمر صغير ومنهم ما يتقبل الإنفصال عن البيت حتى عمر متأخر 4 سنين وطالع اللي قاعد يمر فيه ولدج طبيعي وكل طفل وشخصيته أعتقد ولدج ما تناسبه المدرسة بهالعمر آنا عيالي كل واحد غير عن الثاني : اللي حب المدرسة بو ثلاث سنين وتعود عليها بسرعة واللي ما تقبل الفكرة بالمرة وخليته بالبيت لي الروضة سامحيني مرة ثانية ما أحب أضيق خلق أحد خصوصا الأم مسكينة أدري تحاتين |
عدل كلامج شخصية الأطفال تختلف ودرجة تعلقهم هم تختلف والله لما أطلع بنتي من الروضة أشوف
يهال يروحون حق أمهاتهم من غير لم أو بوس أو حتى سلام كأنهم أغراب ماكأنها أم وضناهاا
وانا بنتي من تشوفني تحذف روحهاا علي جنا صاير لها 5 سنين مو شايفتني