ولدي بيكمل السنة وللحين مايسوي حركات

السلام عليكم ورحمة الله وبركاته

خواتي ولدي اسم الله عليه مابقى شي ويكمل سنة ان شاء الله

الحمدلله طلعلة كم سن ويزحف ويمشي اذا كان ماسك بشي ويقول ماما وبابا

واذا اناديله يجي .. بس المشكلة للحين مايصفق ولا يسوي باي باي بايده

خايفة لا يكون في شي شلون اعلمه يسوي هالحركات اذا اصفق يضحك بس مايقلد

خايفة لان انا مغتربه ودائما انا وهو بالبيت مايشوف احد بس انا وابوه

شسوي خواتي عطوني تجاربكم وهل وضع ولدي طبيعي؟

ايه حبيبتي طبيعي وانا بعد ولدي الشهر الجاي بيكمل سنه ان شاء الله
ويسوي نفس حركات ولدج بالضبط
هو يصفق بيده بس بمزاجه مب الى قلت له ههههههههه

عادي ماشوف فيها شي وبسمله عليه زين يقول ماما بابا واحد من عيال اهل زوجي سنه ونص مايقول ماما ولا بابا

ان شاء الله مافيه الا العافيه ويمكن فيه نقص كالسيوم طلعيه بالشمس

تسلمون خواتي ماقصرتوا

ولدي الحمدلله يتحكم بايده يعني يقدر ياخذ الشغلات الصغيره بالارض

ويقدر اذا عطيته قفشه فيها اكل يوصلها لحلقه

بس هالحركات ان يصفق او يسوي باي بايده مايرضى يتعلم

حتى دخلت موقع اجنبي قريت عن تطور البيبي بهالعمر كله ولدي الحمدلله ماشي فيه

بس هالشغلتين بعد في شي ولدي صاير وايد عصبي ويصرخ

مادري شلون اعوده يترك هالاسلوب

يودي ايده خليه ايصفق علميه يسوي باي باي انة بنتي اسوي لها جذي ماشاء الله اتسوي

ماشاء الله عليها الله يحفظها

وعقبال ولدي يتعلم يارب

ان شاء الله ماعليه شر
بس ترا لازم تطلعينه يشوف ناس لو بالحديقه ترا الياهل يعرف