|
|
اشلونكم بنات وامهات عساكم على القوة . الموضوع تعطين ولدج جهاز خاص فيه اللى هو الكمبيوتر ,
بس تدرين شنو اللى قاعد يسويه وايش المواقع اللى يدخلها ؟؟؟؟؟؟؟؟؟
ترى مايصير الولد او البنت امانه برقابنا. انا قاعدة اسمع ان وايد صايرا موضه فى الكويت الياهل بو 7 سنوات شايله لاب توب 
المصيبه التكنلوجيا مثل الحلقة شى مرتبط بشى ثانى متشربكين
———–
طبعا الحين الموضوع هل تراقبين العيال وهل طلبتيهم اليوزر نيم والباسووورد ورفضوااا؟؟؟؟
عيل لازم من اليوم اتسوين حذيه انا وابوهم صارلنا شهر من اخذنا الباسوورد واليوزر نيم عشان نعرف ايش قاعد يصير خل اقول كم ايش صار مع ولدى فى سابع وماعندا فى البيت جاهز خاص له
بس من خلال المدرسه لهم ساعه لاب كمبوتر على اسا س يخلصون البروجكت اللى عندهم وهالسوالف لكن اللى صار :
يانا قالى ان فى واحد اللى هو رفيجه معاه فى السكول وهالرفيج يبى يتعرف على ولدى من خلال النت
طبعا الحين ولدى قاعد يقولون بدايه السالفه واشلون صارت , تالى ولدى راح من غير مايقولنا ان بقابل هالولد اللى على النت فى مدرسته , المهم صار شى جان يقول رفيج ولدى حقه ان الولد الثالث يقول it did not work out ؟؟؟؟؟ هذى كلمه ماطمن يعنى الشى اللى كان الولد للى على النت مخطط له فشل اهنى ولدى حس ان كان بصير شى ويالنا . طبعا نزل زوجى بلغ الادارة على طول شغلوا red flags
يعنى فى شى خطر قاعد يصير وقالوا ان كلمة الولد ماطمن شنو كان ناوى عليه ؟؟؟ , ويابوا الصبيان وعملوا تحقيق وبلغوا الشرطى " مو سيكيورتى " اللى واقف عند باب المدرسه اذا شاف حركه مو طبيعيه ولا شى لان صايرا سالفة الولد اللى على النت . وجود الشرطى هذا صج مقلل المصايب اللى صير بين الصبيان مايطلع الابعد ما كل اللى فى المدرسه يطلعون ومافى مشاكل صايرا .
يابنات تحذروا من النت الفيس بوك وماادراك مالفيس بوك لان هذا اللى دخل ولدى السالفه اللى قتلكم عنها , غير الصور الخلاعيه اللى ممكن تطلع للطفل وهو بطبعه فضولى بالتالى راح يكون متعه له اكتشاف عالم النت بكل مميزاته وعيوبه .
الرقابه ثم الرقابه . اذا تقدرون حطوا سوفت وير اسمه https://www.netnanny.com/ يمنع الصوروالكلمات الجنسيه حتى لو تطلع بالغلط
روحوا على البرواز brows وشيكوا history هذا لو ايش يصير ماينمسح ويبن لج وين راح الطفل على اى موقع يتردد؟
فى عيال جدا اذكياء ممكن يضبطون الكمبوتير يخلون الhistory بس يوم واحد يظل يعنى ماراح تلقين شى باجر ….اهنى مسكى الولد او البنت وكلميها انها او ان مايغير التضبيط مال الجهاز .
الله يوفقكم واللى تبى سؤال على هالسوالف من عيونى انشاء الله نفيد بعض ونقدر نقلل الاخطار على عيالنا 
عاد صج العيال هالأيام يحبون هالكمبيوتر ولازم نحتاط من البلاوي اللي تطلع منه
بعد الكويت مافيها قوانين النت ولاتنظيم ولا شرطة نت بالتالى كل واحد مسؤل عن رعيته ان شاء الله
ولكم تحياتى على المشاركه
والله الواحد مايدري شيسوي بهالزمن
ويعطيج الف عافيه
عمرى اللى سالت عن السوفت وير حق الرقابه اللى على الموقع فيج اجربينه او تشترينه بس بعد فى مواقع مجانيه واذاتشوفين محلات الكمبيوترات اتوقع عندهم كوبى بس تاكديى شغال زين بحاول اشوفلج شى مجانى وارسلج ولا يهمج عمرى وراح احط بعد على العام
ماتقصرون يا امهاتنا العزيزات
https://www1.k9webprotection.com/
يعني احنا كمبيوتر البيت مو بالدار يعني بره الغرفه جدامنا كلنا