|
|
مرحبا بنات
حبيت انصح الي متزوجين وحابين يروحون فندق حاولت ادور وايد عن تجربه احد بفندق الرايه مالقيت قبل ما اروحله
المهم ان تجربتي بفندق الرايه وضحتلي ان الاسم وايد يلعب دور ويكون مجرد اسم وماكو شي
مادري شقول بس اغبى من الموظفين الي هناك ماشفت
اول شي كنا حاجزين كيكه وشغلات ماوصلت هذي اول دقره يعني مختارين وتعبانين عالتفاصيل اخر شي ماكو شيييي
ابسط شي العشا
الطلب كان تشيز برجر في ابسط من جذي همبرغر بالجبن طبعا بعد نطره معتبره جان اييبون صمونه الهمبرجر داخلها بس قطعه الجبنه الصفرا بدون لحم اي شي
قلنالهم يعدلون ىالطلب وفهمناهم جان اييبون قطعتين همبرجر بينهم قطعه ديايه واااااااااي
شعور موحلو لما تيوعون والطلب يتاخر وفوق هذا غلط مرتين
المهم طبعا كان الحجز بسويت موغرفه عاديه عيل العاديه مادري شلون المعامله
من ضمن الحجز سله فاكهه كبيره الصدمه حاطين صحن قد جف الايد مقلقصين فيه برتقاله وموزه وتفاحه وياريت مستويين الموزه ماتتبطل
والتخلف التلفزيون لازم اروح اجباله والزق فيه عشان يغير القنوات حطو ال سي دي شي راقي شخباري شكبره تقول كرتون
المهم من الصبح نفزع من صوت تلفزيون الغرفه الي يمنا حشا موطوفه ورقه بينا وبينهم
والابداع مستمر
الحين حجز سويت وشخصين ومتوصين بالريوق ان لشخصين واهو اساسا مجانا مع الغرفه يابو ريوق لشخص واحد عصبنااااااا قال الحين نييب ثاني ويدق واحد تلفون يقول انت حجزك لشخص واحد وانا شنو يني ؟
لاعت جبدنا وانسدت نفسنا لا من عشا ولاريوق
طبها اهمه نظامهم يغيرون الشراشف كل 3 ايام وصاخه
اخر شي ماكو احد ينزل الجناط طبعا نزلنا واشتكينا عند المدير اجنبي ولايقول لاتزعلون وانا بعطيكم عشا مجانا بطعمنا او ليله اضافيه مانبي طبعا من حلات الخدمه عاد اخر شي لزم يدز دعوه قاله بدزها ايميل ولادز شي مااااااالت عالمدير
بس انا حطيت اكس عالفندق وحبيت اقول لاي وحده مفكره عشان مايخترب يومها 
خصوصا اذا قاطه مبلغ يعني ليله ب 130 دينار سيئه قهر صراحه
والله يعوضكم خير …
مالت عليهم صراحه شنو هذا !!
كلش خوووش دقره وعليه
مادري ليش موجود مدير إذا مايدري عن شي
بس يبون معاش لا ويبونهم من قلعة وادرين حق جذي
بس شنو احلى فندق احجزفيه حق بعلي العزيز
ويالله خيرها بغيرها
واللهيعوضج انشالله بالفلوس الي قطيتيها
فندق الراية رحت له ولا أفكر ارجع أحجز فيه ، لأنه مستوى ثلاث نجوم
لكن أنا جربت شاليهات الموفنبيك وودي اجرب غرفة الناحية الشرقية اللي تطل على البحر ، أتوقع المنظر رهيب هناك
عسى ربي يعوضكم خير، والحياة تجارب
ربع ريلي يعني مسويله مفاجـأه و حاجزين لنا سويت هناك
و كل اللي قلتيه و الله بالضبط صارلنا
لا كيكه و لا شي
و الخدمه زفت … و حراااااااااااااااام ال 130 دينار فيهم
مشكوره حبيبتي على التنبيه
بس قهر عالفلوس اللي راحت بس تتعوض انشالله
مشكورة عالتنبيه
بس إلي اعرفة فندق الراية اربع نجوم مو خمسة