واخييييرا ولدت الحمدلله رب العالمين

بسم الله الرحمن الرحيم

الحمدلله رب العالمييين و بفضل من الله سبحانه ولدت بالسلاااامه بتاريخ 10-6-2011
بالاسبوع 35 من الحمل.. بعد صبر 9 شهووووووووووووور و تعب و ثقل و نساااة الف الحمدلله
و دشيت بقولكم قصة ولادتي والله مادري من وين ابدي لانها صج ملحممممممممممة و رحلة شاااقه و الحمدلله وصلت لبر الامان
انا من تجمع موالدي شهر 7 2024 و ما انسى بنات تجمعي حبيباتي اللي وقفوووو معاااي بكل ظرووووفي بحملي و ساعدوني و رفعو من معنويااااتي و بنات قسم الحمل على ردودهم على اسالتي حبيباتي ربي يوفقكم دنيا و اخره
قصه حملي كان حملي صج صج صعب حيييل كانت نساتي ترجييع ليل نهااار و تعب و لا اكل ولا نوم بس ترجيييع صج صج كانت ايام صعبة و الحمدلله عدت و خفت نساتي اول الشهر الخامس
و لما راحت نساتي بديت احس بالم و عوار جهة كليتي اليمين و تاذيت من دكاترة النسا من دكتور لي دكتور ما لقولي حل قالولي ضغط الجنين على الكلى و يخف قالولي التهاب و عطوني مضاد و يخف و للاسف ظليت اعاني شهر كامل عوااااااااااااااااار الكلى و الله لا يوريكم العوار و يبعده عنكم صج بحياتي ما تالمت جذي كثر عوار كليتي حتى بولادتي ما كان العوار جذييي

و تخيلو الدكاتره ما عرفو شنو فيني و رحت طوارئ العدان مره و كنت ب الاسبوع 24 جان يدخلوني ولاده وانا ما فيني طلق بس عوار بكليتي و قالولي لا ولاده و كانو بيولدوني غصب و محد راضي يفهم شنو عواري و دقيت على دكتورتي جان تقول خل يولدونج سوي اللي يقوولولج عليه و سكرته بويهي !! وقعت على مسووليتي و طلعت من العداان و رحت دكتور مسالك بوليه و قعدت ابجي ابجي من العوار ما اقدر امشي خييير شر واي الله لا يعود هالعوار ياربي
يوم دشيت قالي سونار سيده حق الكلى و لما شاف !! قالي لازم عمليه الحين ولا يصير فيج فشل كلوي!! قلتله ليش؟؟ شنو في؟ قالي فيج 4 حصواااااات في الكلى و الحالب مسكر مع الحمل بسبب ضغط البيبي و البول تكرمون محبوس داخل الكلى و مسبب تضخم و ضغط عليها و شغلها موقف و خطر عليج لازم عمليه احطلج دعامه بالحالب بس ليما تولدين و بعدين اشيل الحصوات او اذا ما قدرت احطها راح احطلج جيس بره جهة كليتج يصرف البول تكرمون و يشتغل مكان الكلى لي الولاده انا انهرت من العوار و ابيه يروووح ماني قادره اتحمله و بنفس الوقت البيبي !!! شنو مصيره!! و قالي انا اكلم دكتورتج لازم عمليه لازم وانا ابجي خايفه على ولدي و مابي هالعواااار ماكو شي كان يخدره الا 3 4 ابر ياااااالله يخف ! و يخف ساعه و يرد يشب علي مره ثااانيه
عطيته رقم دكتورتي و الله يسامحها حقرت و ما ردت و دق عليها و دق على العياده و على الموبايل و دز مسجات ما ردت.. و ما راح انسى اللي سوته فيني الله يسامحها ..
و نادالي دكتوره من المواساة و قالتلي لازم تسوين هالعمليه ضرووووري بحاول كثر ما اقدر احافظ على الحمل بعطيج ابر مثبت و ان شاء الله ما يصير شي و و قعت و دشيت العمليات و انا ابجي و ادعي ربي يحفظ البيبي
والحمدلله عدت هالعمليه على خييير و قدر يحطلي الدعامه لين ما اولد عشان البول يطلع من كليتي و بعدين ورا الولاده اسوي عملية ثانيه اشيل فيها الحصوات و كانت صج اياام عصيبه الله لا يعودها و كنت بالشهر السادس..
عدا هالشهر الحمدلله بصعوووبه و ظليت ورا العمليه اعاني من عوار الدعااامه بس الحمدلله بالسابع شوي بدا يخف بس ما راح كلش
و خلصت من مشكلة كليتي و يوم دشيت الثامن الحمدللللللللللله رحت مراجعتي جان يقولي الدكتور الماي اللي حوالين البيبي شويه حييييييييييييل !! الوضع خطر شويه تعاليلي بعد اشبوع و تابعي حركة البيبي و لو حسيتي قلة على طول تعاليلي سوي تخطيط و سونار و صج هني حسيت الدنيا صكت بويهي و دعيت ربي الله يحفظ هالبيبي لي و يخليه لي و نظرت اسبوع عقب هالمراجعه وانا على قلبي ابجي ليل نهار ولما رحت قالي الحمدلله الماي زاد شويه بس مو وايد يعني اقدر انطر عليج عالاقل اسبوع زياده او اسبوعين بالكثير بس حاولي تاكلين عدل و هني الحمدلله ارتححححت شويه و رديت البيت و قعدت اكل و اشرب موز بالحليب و ادعي ربي ان هالحمل يتم على خير و لا يضيع التعب .. بعدها بلشت فيني طلوووووق عوااار يذبح يعووور بطني و ظهري و ريولي ما اقدر امشي و رحت المستشفى سويت تخطيط و يطلع طللللللللق حااامي بس لما فحصوني مو مفتوحه ولا سانتي طلع هالطلق من الكلى لان المسالك البوليه تسبب طلق مبكر و ظليت اخذ مسكنات حق عوار هالطلق لي اسبوع زياده .. و لما رحت مراجعتي عقبها باسبوع قالي خلاص الاسبوع الياي ولاااااده ظلي على اكلج و اكلي عدل و تحملي بس هالاسبوع و عطاني ابر تخفف الطلق و مسكنات و عطاني اوراق الدخووول و قزوني ابرة الرئه.. هني الحمدلله حسيت الفرج صار قريب و ظليت على امل يمر هالاسبوع على خير و كنت ابجي من عوار الطلق و الدكتور صج صججج ما قصر كان يقولي انا اقدر اولدج الحين و افكج من هالعوار بس انا ابي احافظ على الام و البيبي كثر ما اقدر مابي البيبي يقعد بالشيشه و اذا قعد مابيه يقعد وايد تحملي عشانه وصج حسيته كان يعطيني قوه بكلامه الله يجزاه الف خير اهو اللي وقف معاي و ساعدني
و عدا هالاسبووووووع على خير و الحمدلله دشيت المستشفى و كانت الولاده قيصريه لان مبجر و الماي شويه و الحصوات و مليون شي بس الحمدلله على كل حال
دخلن المستشفى وانا على امل اني راح اشوف البيبي قرييييييب و ظليت اصبر نفسي مع اني كنت خايفه حيل من العمليه.. و يومها قلت دام اني داشه ولاده و مشتهيه ميييد صارلي قرن خل اطلبلي مييد و دقيت على بهار مال الماكولات البحريه و طلبتلي كيلو ميد مشوي ههههههه و قلتله اهم شي مابيه متبل من داخل ابيه بالزفررررررره خخخخ و دبيته دبببببب لما خلصت من الميد لبست و خذيت اغراضي و طلعت مع زوجي و امي و اختي و رحناااااااا الى الولااااااااااااااااااااااده
دخلت المستشفى الساعه 6 المغرب وما كنت صايمه خخخخخ و قعدوني لي الساعه 9 بالغرفه و لبسوني لبس الميانين الاخضر خخخخخ و قعدت ادعي و اقرا قران و كنت خايفه حييل بس اختي و امي و ريلي يحاولون يهدووني و يضحكوووني و ما بقى شي ما سووه عشان اضحك حبايبي الله يخليهم لي .. و صارت 9 و يو سدحوني على الفراش و ودوني غرفة العمليات وانا ابجي بالطريج و ريلي يقولي خلج قويه لا تخافين و احنا كلنا بنطون ناطرينج برررره و خلي قلبج قوي
و الحمدلله دشيت و يت دكتورة التخدير اي صج نسيت اقولكم عمليتي كانت بابرة ظهر مو بنج كامل لان الدكتور قالي احسن و عقب العمليه اخليها لج يوم كامل عشان ما تحسين بعوار العمليه و الاهم انج تشوفين البيبي اول ما يطلع احسن من البنج عقب العمليه اييلج عوار قوي و لازم مسكنات كل شوي و فوق هذا الكحه و الترجيع و اللويه و توكلت على الله و خيتها بس قلتله انت اختارلي دكتور تخدير زين لان مكان حساس و انا خايفه و قالي لا تخافين و صج اختارلي دكتوره روسيه عيووز مادري شسمها بس شكلها شاطره و الحمدلله قزيتها اول شي حسيت فيه قزة ابرة بظهري بعدين ما حسيت بشي اهم شي انج تاخذين نفس و ما تتحركين.. و تخدرت ريووولي و انسدحت و يه الدكتور و يوم حطو الستاره بيني و بينهم صرخت قلت لا لا خلاص ابي انام عطوني كمام ينومني طبعا اهوا مو بنج بس كمام يخدر خخخ و صج حطولي الكمام و تشهدت و عقبها لقيت نفسي بغرفة الافاقه فزيت اقولهم وين البيبي انا ولدت وين البيبي بشووووفه ويينه اهوا بخير اهوا زييين حطيتو بالشيشه مليون سؤال بوقت واحد هههههههههه جان تقولي السستر مدام بيبي زيين و ما يحط داخل شيشه و الحمدلله موجود داخل غرفه مال بيبي انتي روح غرفه بعدين شوف بيبي و حمدت ربي اللي سهلها و الحمدلله عدت هالشهوووور كلهاااااا و انتهت هالملحمه و يبت احلا خلوووودي ادعولي ربي يحفظه لي و يخليه لي و لابوووه يااااااارب و عسى ربي يحفظلكم عيالكم و ازواجكم

و بالنسبة لولادتي : مستشفى دار الشفا ( احسن مستشفى بكل معنى الكلمة)
دكتوري الله يوفقه دنيا و اخره : مصطفى تومسو
ولادتي : قيصريه
و بس سلاااااامتكم و اللي تبي اي سؤال عن اي شي انا حاضره بس تدزلي على الخاص عشان اخاف انسى ادش هني هههههههه
و بالختام صج بقول حق رفيجاتي بنات تجمع شهر 7 احبببببببببببببببببببببببكم و الله لا يحرمني مننننكم :**

الحمدالله على السلامه ياقلبي ..

واجر وعافيه ..

والف الف مبروووك وعقباال ماتشووفينه معرررس يااااارب …

الحمدالله علي سلامتج وسلامة البيبي
اجر وعافيه بأذن الله

الف مبروووك والحمد لله على سلامتج

ننور مع اني اعرف سالفتج بس هم قلبي عورني وعيوني دمعت الحمدالله على سلامتج حبيبتي وحسبي والله ونعم الوكيل باللي اذاج
وقرت عينج بشوفة خلود حبيبي الله يخليه لكم وتشوفونه معرس ياااااااااااااااااااااااااااااارب

الحمد لله على السلامه

الف مبروووك والف الحمدالله على سلامتج

الحمدلله على سلامتج حبيبتي
قلبي والله عورني عليج وخنقتني العبره
ان شاء الله احتسبي الاجر و كله في ميزان حسناتج
وقرت عينج بشوفه البيبي
الف الف مبرووووك

احلا مووون – نودااا- ضحكة طفل – حلا البيت – شجونه-ليدي فوشيا الله يسلمكم من كل الشرررررررررررررررر و يخليلكم عياالكم يااارب ما قصرتووو
ام خدوود فديت قلبج يا بنت تجمعي و يلا شدي حيلج عشان نكثر بتجمع النفاس فدييت قلبج

دمعت عيووووني 

الف الحمدلله ع سلامتج الله يخليلج ولدج يآرب
ومآجوره إن شاءالله ..

ذكرتيني بنفسي سبحان الله نساة + حصوات قبل وبالحمل بس رحمه من ربي الحمدلله ينزلون
+ (( نقص ماي البيبي)) وناطريني للاسبوع
٣٤ ويولدوووني .. الله كريم ويعوضنا خير إن شاالله *

حياااتي ناناااااز اي والله الحمدلله عدت على خييييييير وسهالات من الله والله لما شفت ولدي نسيت كل شي و كل التعب عسى ربي يخليه لي يااارب
انتي هذي قصتج الحين ولا قبل؟ يعين الحين ناطرين يولدونج بالاسبوع 34؟

الف الف الحمدلله على سلامتج
انتي نفس قصة رفيجتي
ولدوها بسابع بسبب حصوه بالمراره
والحين شالت الحصوات وارتاحت

قصتنا قصه ههههههه

انا الاسبوع جاي اكمل 34 اسبوع ويولدوني ..؟ بس الدكاتره يقولون طلق صناعي وطبيعي
لان في شوية ماي تساعد ع الولاده الطبيعيه .. وانا ودي قيصريه خايفه ع البيبي .. الله يسهل ان شاءالله*

الله يسلمج من كل شر بخااري
كاواي قيرل اي والله صج تعب بس الحمدلله البني ادم المؤمن يلقى نتيجة صبره و صج كله محسوب عند الله