|
بنات هذي ثالث ولادة لي وما تخيطت فيها وصار لي 20 يوم من ولدت والله يا بنات ماني قادرة الهم اللهوم كل ما خذيته ارجع الحين وانا اذكرة جبدي تقلب والله نفسي عايفته من صج مو حابه ولا ني قادرة الهمه شربت كل شي وحاسه المكان مو ذاك الزود وبولادتى الثانيه ما تخيطت بس ما كان الوضع جذيه وهالمره حتى الدم اسبوعين نزل و وقف الله يخليكم قولوا لي شنو اقدر اشرب علشان احس اني تنظفت و امي تقول لي المكان بروحه راح يضيج ولاني مصدقتها انتوا اشرايكم اسوى تجميل ولا ما اسويها شنو تنصحوني اشرب ولا اكل
لازم حبيبتي حاولي تلهمينه واكلي دويات حيلج فيهم لاتفشلين بعدين حطي الدواء بالحليب واشربيه واشربي دارسين وزعتر وغسلي بمرة
مادري انا احس لازم اتخيطين وخصوصا هذي ثالث ولاده لج ماشاء الله
وعلى الاشياء اللي تضيج والله ماعندي فكره
كليتي حسو؟
يعني اذا الوحدة بتنقص وتخيط بكل مرة شيبقى من لحمهاا
انا سويت تجميلي بولادتي الثالثة ولما ولدت الرابع مااارضى
الجاهل يطلع لولا رحمة الله جان اختنق ولا صار فيه شي ,,
راسه كبير والمكان ضييج
لكن دامج مر عليج وقت فما ادري والله الحين سئلي الدكاترة
والخياط الصراحة مهم
يلم المكان شوي
اما الدم اسبوعين ووقف طبيعي ترى خاصه ان مو اول ولادة
اهو اصلا النفاس مو 40 يوم نزيف لا
اسبوعين ويبدي يخف ويرد ينزل عقب مثل الدورة
وترى عموما الرحم سبحان الله بروحه يلفظ بقايا الدم والوصخ ويرد مكانه حيلج بالرضاعه
وتحت بعد النظافه رقم واحد وبروحه راح يضبط عقب الاربعين
اما اللهوم انا مو مع الادويات اصلا ولعلمج ترى مالها شغل بالرحم
عموما اذا تبين خلطي اللهوم مع تمر مثل الكور واكليه احلى
او مع حليب وشربيه
خصوصا هاذي ثالث مره لج
اصلا شلون تفكرين تقعدين بدون خياط
لاتقولين امهاتنا اول ومادري شنو!!
احنا نستفيد من الشغلات الصح اللي كانو يسونها امهاتنا
وبنفس الوقت نستفيد من الطب الحديث والدكاتره ونصايحهم
تدرين امهاتنا اول كان عندهم ممنوع شرب الماي وقت النفاس
واثبتت الدراسات ان شرب الماي وقت الدوره والنفاس ينظف المبايض ويمسح التكيسات..
الله يعينج .. انا لو منج اروح اسوي تجميلي بدون تفكير *
وبالنسبه للخياط انا اقول خيطي احسن عشان ماتفرقين على زوجج