|
|
اشلونكم يابنات انا توني قاعده اتناقش مع صديقاتي بالداوم عن موضوع العيال هل انت من مؤيدي ان المتزوجين ايبون عيال وايد خمسه او فوق او اثنين وثلاث كافي وليش وهل برايكم انه العيال يربطون الريال ولا لا يلا شاركوني باراءكم اتمنى انكم ما تنطنشوني عشان اقول لكم رايي بس بعد ما اسمع اراءكم
علشان جذي انا أأيد المرة اتييب من 3 الى 5 ويكون بينهم فجة بالعمر مو ورا بعض جذي اهيه تهتم بروحها وبريلها وتعطي كل ياهل حقه تقدر تدرسهم وتهتم فيهم وما أأيد نظرية ييبيهم ورا بعض لأن التعب واحد لا والله مو واحد كل ياهل يبيله مجابل وتدريس واهتمام بروحه ..
واترك المايك للي بعدي
و ودي يصير عندي يهال وايد
و تكون عايلتي كبيره
بس بهالزمن ما تقدرين توفرين لهم اللي يبونه
يعني اليهال هالايام يبون اشياء وايد
و طلباتهم تزيد
و اذا ما يبتي لهم اللي يبونه
يحسسونج انج مقصره بحقهم
فكل شي باعتدال زين
يعني 4 او 5 او حتى 6
للي يقدر يربيهم
يكون
وايد وايد زين
الله يعينا على تربيتهم وتعليمهم
اذا انت مفكره تربين تربيه صحيحه 4 خير ونعمه
اما اللي (الله يسلم الشغاله) لا جيبي لما خلاص ما تقدرين
الحلو
بزمنا هذا اليهال صاروا ما يربطون الريال
وأنا مع كلام رفرف
كلامه صح وعدل 100%
ونعمه إذا ربي رزقني بطفل واحد
صج لحد الحين ماع عندي يهال
بس الواحد يقول الحمد الله علي العافيه
اليهال لج انتي باجر يقومون فيج ويلتمون حولج بزوارتهم ودخلتهم عليج ولا الريال ذهب مع الريح
فانا من هالمنطلق ودي عيالي يصيرون وايد
ومن ناحية ثانية مو من ياب من ربى
يعني لازم كل ياهل ياخذ حقة بالتربية والاهتمام
حرام فوقه فوقه
الام تتعب وتتهردق والياهل ينظلم وحوسة ولوية
حلاته الشي معتدل
انا رايي كل 3سنين ونص ياهل تمام
عاد كثر ماتقدرون ييبوا بس عالاقل الفجة بينهم حلوة تكون
الحين كل المسؤولية على الام
انا ودي ب 6 
3 صبيان و 3 بنات
يارب تضبط
انا براي يكونون 4 زين اذا 5 الحمدالله بس صراحه التربيه صعبه وهذولي امانه يعني 2 اول العمر و2 تالي العمر حلو جذيه
و اللي يقول ان العيال يربطون الريال اعتقد هذا الكلام صح اول مو الحين
و الريال بروحه يبيله مجابل و تهتمين فيه .. لان رياييل هالوقت اذا نسيتيهم و جابلتي عيالج بيتزوج عليج
و مثل ما قالوا البنات مو حلو واحد او اثنين يصير صخة بالبيت
و في نقطة ثانية ان هالايام كل شي غالي و المصاريف اكثر من قبل
3-4 و بينهم مدة زين تقدرين تربينهم عدل و ما تقصرين عليهم بشي
وله لو على العيال لالا طل … انا يبت 2 بينهم سنه وشهرين عاد لما يصيرون رياييل على الاقل 2024 احمل اخرها واولد 2024 وعقب هم اييب 2 ورا بعض علشان كل دفعه يصيرون كبر بعض و ربع … والله يرزقني الدفعه الثانيه بنات …. وبخلي رقم حق ان يتني غلطه عقب سنين على الاقل خمسه انا ما احب الشويه البيت يصير صخه اذا صارو 4 واحد يسد عن الثاني
يعني حتا 10 حلو
يازينهم ياحلاتهم لي كبرو وصارو عزوه بلعض
يازين العيله الكبيره
بس هالزمن صعب
من ناحيه التربيه
والخرعات <<< والجرايم واللزي منو
والتغييرات
والمصرف
منو يقدر اييب وايد
يعني 4-5 ويالله تعطينهم حققههههههم
واي جنكم حاسين فيني انا امس اناقش ريلي بالموضوع اقوله جم تشوف ان العدد كافي؟ ولين اي عمر تقدر تييب عيال
يقولي انا ريال مايضرني لين قبل لا اموت اييب عيال انتي المره اللي يضرج
وابي عيال قد مالله يفدرني قلتله لا مو بس تكود يعني في سن معين عقبه ماتقدر اتربي يصير فرق عمري يعني تخيل ولدك عمره 15 -12 عز المراهقه ويبي اشراف ومتابعه ويشلع القلب وانت عمرك 65 70 شلون بتجابل او تربي يقوولي مايضر اخوانه يربونه مثل ماربيته
والمصرف يقص الظهر قققققققص
انا عندي اسمالله عليهم بنتين وتعالي شوفيني بالشتا موسم المرض
انسي شي اسمه توفير انسي شي اسمه مناسبه
واي ينقص ظهرنا علي المستشفيات والاستشارييين والمراكض
وباجر بتيي مدارس
ومصاريف
ويبون لبس
ويبون بيت
ويبون سياره
ويبون ويبون ويبون ويبون
يعني مو بس تكود وبس
شخباري ايام اول الشارع ايربي ويكودون ولو ان في ناس ماشيه وياهم جذي لي الحين وعاااااااادي وعيالهم ماشاللللله تمره مايضرها للاحوس واحنا عيالنا حطيه بالشمس خمس دقايق شب حساسيه
وهذولاك يهليلون بعز القايله ولاضرهم