هل تأخرت عليكم الدورة بعد عملية التحوير

بنات انا سويت عملية تحوير من شهر تقريبا وكانت فيني الدورة والحين تاخرت علي
هل انتو تاخرت عليكم الدورة بعد العملية ولا العملية ما لها علاقة
علما اني انا دورتي كانت منتظمة كل 25او 26 يوم بس والحين متاخرة 3 ايام
ردو علي بليز

عادي حبوبة انا تاخرت على شهر كامل وبعدين انتظمت

اي انا رفيجاتي يقولون تتاخر عليهم

ااااااااااااب اااااااااااااااب

شكرا للبنات اللي ردو بس انا اسال هل حد منكم تاخرت عليه اول دورة بعد العملية لانها لازالت متاخرة وانا احاتي
ارجوكم طمنوني

شنو يعني عمليه التحوير؟

انا اختي جذي لمن سوتها قامت تاخر عليها

كل اللي اعرفهم وسووا العمليه يقولون تلخبطت عندهم ناس جدمت وناس تاخرت عليهم
بس ماادري شنو السبب بليز اللي تعرف تفيدنا اشدخل العمليه بالدوره

طمنتوني الله يطمنكم و جزاكم الله الف خير

التحوير مو اهو التحويل المسار ؟
وين سويتيها وجم نزلتي عيها وعند منو معلش داشه عرض بس اسال
ابي اتطمن

ايه اختي التحوير هي نفسها تحويل المسار
سويتها عند دكتور خالد جودت و نزلت في شهر عشرة كيلو تقريبا الحمدلله

الله يتمعيج يارب
ابي اسالج انتي تاكلين كاكاوانا ذبحني الكاكاو كله بسبة الحلقه ماكنت احب الكاكاو ولما سويت الحلقه لجات للكاكاو وادمنت عيه والعمليه فشلت والحين وزني زاد وانا الحين بانتظار موعد بالعسكري وسالت الدكتور قالي ماراح تقدرين تاكلين الكاكاو لانه راح يسببلج دوخه فراح تقطعينه غصبن عنج انا سؤالي الحين انتي ماتشتهينالاكل صج ولا مبتعده عنه خوف وشنو تالاكل الي تاكلينه يقولون انه اول شهر سوائل والثاني عادي اكلينبس راح تكونشغلات خفيفه الي ابي اعرفه بعد اكلج عادي ولا نفس الحلقه مهروس اهو الي يدش ولا تاكلين عادي بس ش بسيط ؟
اسفه طولت عليج
بس نفس مايقولون اسال مجرب ولا تسال طبيب

انا الحين ما اقدر اكل كاكاو والسكر ممنوعه منه لين سنه بس ممكن سكرين
و اخاف اقرب من الحلى عشان ما ادنبق
وممنوعة من اللحم والبرتقال لمدة شهرين بعد الجراحة
اللحم المفروم ممكن بعد شهر
وممنوعه من منتوجات الالبان لمدة سنه بس ممكن جبن قريش قد صبعين فقط
الاكل اول اسبوعين عصاير بدون سكر و شوربات سادة شفافة يعني لحم او دجاج او خضار مسلوق نصفي الماء و نشربه
ثاني اسبوعين تخلط الشوربات السابقة الماء مع الدجاج او الخضار يعني تكون شوربه ثقيلة
بعدين اكل مهروس ولازم يمضغ جيدا ويكون مطبوخ زين زين
بس بعد الاسبوعين الاولين امنع العصير الطبيعي و ابتدي في بيبسي او سفن اب دايت ما ادري ليش
الرز والمعكرونة والخبز والبطاطس ممكن مرة في الاسبوع
و التين و المنجى و العنب ممنوع من الفواكه
طبعا بالاظافة لادوية للمعده في البدايه
وبعد الاسبوعين فيتامينات شراب او مضغ
وبعد الشهر فيتامينات حبوب
—————–
على فكرة بنات الحمدلله الدورة الله يكرمكم نزلت اليوم تاخرت ست ايام تقريبا

عفوا غلطت ممنوعه من منتوجات الالبان لمدة سته اشهر بس

عادي بالعكس انا انتظمت عندي الدوره ومرات اتجدم بس يومين ثلاث عادي مامنهم مظره
ومو شرط الحلوو والكاكاو يسوي دوخه ودامبق انا كليت كاكاو وحلووما سوالي ولا شي عادي الاكل الدهن يسوي فيني بس الكاكاو والحلوو عادي سهالات والحليب البيض الفواكه عااااادي منو قاال لا ومايسوون شي جربتهم
بس الحليب الدكتور اهو الي يحدد متا بس مو ست شهور ممنوووع وتاكلين كل شي ماكو شي ممنوع لان علا طبيعة الجسم كل واحد غييييييير
وديروو ببالكم مع الضعف السريع نزول الوزن البويضات تنشط والحمل يلقط بسرعه فاخذوو احتياطكم اعرف 2 احملوو من رفيجاتي وماكملوو 7 شهور من العمليه