هل الدم من اعراض الطلق

انا باواخر التاسع وكنت اعاني من عوار الظهر من اسبوع بس امس نزل شوية دم
وعوار كأنه طلق بس فترات متباعدة تقريبا بينهم ساعة طول الليل

والحين ماحس بشي !!

هل اروح او انطر يحمى الطلق ؟

حبيبتي الدم من اعراض الطلق .. انا نزل معاي دم و كان فيه عوار

اي يا قلبي الدم والافرازات اللي تكون ثقيله حيل ولونها شوي بني من أعراض الطلق
لأن هالأشياء اللي تنزل تكون ساده عنق الرحم وعنق الرحم بدا يفتح عشان جذي تنزل عليج الافرازات

والطلق اذا ياج في فترات متباعده وبعدها اختفى راح يرجع لج بس انتي حاولي تمشين وتشربين حلبه
وان شاء الله ربي يهون عليج وتولدين بالسلامه

اختي روحي شناطرة
الدم من اعراض الولادة
الله يسهل امورج

والله انه حالتج مثل حالتي قبل جم يوم نزل دم احمر جم نقطه وخلاص راح ماكو شي قبلها كان ظهري طول الليل يعورني هذا الحجي قبل جم يوم

امس نزل نقط بنيه علي و عوار بالظهر يروح و يرجع والحين الصبح وقف لادم بني ولا عوار ظهر يااربي ما ادري شالسالفه وانا باخر التاسع مثلج بعد

اي حبيبتي هذا طلق بس اذا مو وايد نطري يمكن السالفة بس سم او 2 سم نطري لما الطلق ييلج على فترات متفاربة حيل بعدين روحي لا يلعبون فيج

انا بعد نزل علي مثل خيط دم ومن عقبها ياني العوار قوي روحي الطبيبي احسن

الله يسهل عليج

روحي حبيبتي الطبيب احسن والله يسهل عليج الولاده انشالله

شوفي حبيبتي الدم مو من اعراض الطلق والولاده هذا على كلام دكتورتي وانا نزل علي دم مرتين وانا بالتاسع … الي من اعراض الولاده : اول شي العوار بالبطن او الظهر والي يتكرر ( هني لازم تحسبين الوقت بين طلقة والثانية ) او اذا نزل الماي …
هني روحي المستشفى بس بهالحالات علشان لا يلعبون بحسبتج ..

والله يقومج بالسلامه يارب ولاتنسينا بالدعاء

صح انا مع ام علي انا في بجري نزل علي دم رحت افحصت الدكتورة ولا مفتوحه واحد سانتي عادي وانطرت علي اسبوع عادي

شكرا بنات ولدت بالسلامة وجبت بنوتة

عقبال الحوامل يارب تسهل ولادتهم

الحمد الله على السلامه ومبروك البنوته

شكرا نجمة ربي يسعدك ويرزقك بولادة سهلة هينة طبيعية

ونفرح بسلامتك انت ومولودك