هذا مسك الطهاره الاصلي مو القرشي وطقته

اشلونكم خواتي ……..

انا من زمااااان تقريا اكثر من 7 سنوات شفته بمجمع الصالحيه مادري الحين موجود ولالا واستغربت شكله وكان حاطينه داخل زجاج قلت شنو هالشيء شكله فريد من نوعه او حيوان غريب هذا اللي طرا علي بالي زوجي يضحك علي بمجمع كله ماركات ويحطون حيوانات هههههههههه وسبحان الله ما عرفته الا هالسنه عن طريق وحده بالمنتديات ما اذكر اسمها واكتشفت هذا الاصلي فعلا لانه مثل ما يقولون يطلع من سرة الغزال وبعد فتره يتخلص منها ويكون داخلها المسك الاصلي ..وهذي الصور



وهذا من الداخل


وطبعا هالبودره السودة تذوب بماي يعني نتفه من البودره لانه قوي وريحته مركزه ويستخدم ويقولون سعره بالسعوديه 30دينار والكويت ب200دينار

اللي شايفته باي مكان غير الصالحيه ياليت تبلغني

خبري المسك مال الطهارة سائل اسود

ان شاء الله البنات بيفيدونج

يسلمو

بس اخاف ريحته قويه مانقدر نتحمله؟

والله اول مره اشوفه انا اللي اعرفه مثل ما قالو البنات لونه عنابي مايل للاسود بس هذا ما ادري ان شاالله البنات يفيدونج

والله مادري بس جان زين صج

انا استخدم حق القرشي لي الحين 4 سنواات والحمد الله الاموور كلها تمام التماااام

انا من زمان استخدم مال القرشي مسك العروس <<بس اكثر العشابين يقولون الاصلي اللي موجود بالصوره ويقولون ريحته روووووووعه

هذا اول مرة اشوفة العادة استعمل الي بالقرشي

هذا شكله غريب حيل
تصدقين اول مره اشوف جذيه
انااستخدم الاصلي الاسود من القرشي اللي ب 65واقول غالي هع
طلع في ب 200 بعد ما تسوى احطه في اللي خبري خبرج هع

مشكوره

اقرشي عنده ثلاث انواع اسود وابيض
والمكعبات له استعمال ثاني
انا عندي الابيض ريحته رووعه وكلها زينه
انا وحده من صديقاتي له خمس سنين ماحملت استعملت المسك الاسود العام حملت بعد اربع شهور وجابت بنت..
وفيه ناس يقولون الاصلي هو الاسود ,,وسلامتكم

أنا عن نفسي أستخدم المسك الأبيض نفس اللي عند القرشي بس أثقل من السعوديه وريحته عجييييبه

انا هذا شايفته من زمان عند يدتي الله يرحمها كانت تشتري حق الطيب و البخور من السعوديه ولامارات

صح هذا هو النوع الاصلي

لان المسك اصلا ثلاث انواع
نوع حيواني اللي انتي حاطه صورته ويكون لونه اسود
نوع نباتي يستخلص من النباتات لونه ابيض
ونوع صناعي

اتذكر مرة قالي زوجي انه لقى واحد في سوق الحمام يبيع نفس اللي انتي حاطة صورته
ورحنا ثاني يوم ندوره ما لقيناه