|
|
السلام عليكم ورحمة الله وبركاته ..
قوه خواتي المتزوجات اتمنى لكم دووام السعاده والهناء في بيوتكم ومع ازواجكم ..
بنات اليوم سوية هدية و حركه بسيط جدا حق زوجي وتفاجأة بان استانس منها كثير
طبعا راح اذكر لكم سبب الهديه وهي شكر وحب مني له على كل شي سواه لي
انا حامل وبالشهر الخامس وطبعا حمالي متعب وايد فقررت اخذ اجازه من غير راتب 6 شهور بعد ما تبهدلة بالمجلس الطبي وطبعا انا عندي اقساط والتزامات بس قلت راحتي اهم وسويت اجازتي واستلمتها والامور مشت واقساطي جمدتهم او اجلتها وزوجتي دره وقال براحتج
وفاجاني زوجي بعد 4 ايام من اجازتي بانه ساحب لي مبلغ اقساطي والتزاماتي لمدة 6 شهور وقال لي روحي سددي ولا تاخرين وتراكمين عليج شي وبصراحه تفاجاة لان المبلغ العود وبصراحه ماهوا ملزوم بالتزاماتي .. جزاه الله كل خير وعوضه بإلي اكثر منهم وبراك له بخيره
فقلت له بس انا ماعني معاش لمدة 6 شهورعلشان اسدد ومبلغ عود فرد علي قالي هذول لج عطيه وماابي تدرينهم واي شي يلزمج انا حاضر
بصراحه اعجبتني حركته وطيبته معاي فقررت اهديه او اسويله حركه وشكره
وفكرت وفكرت وتالي تذكرت ان انا ماعندي معاش ومو معقوله باخذ منه فلوس هديته وتذكرت ان عندي 20 دينار بالبنك وقلت هذي الميزانيه ولازم ادور شي بهالحدود وفكرت بشي يفيده ومحتاجه وفجاة شفت داعية جليت للحلاقه وقلت يالله يبيله لان اهو محتاجها ولبست ورحة الجمعيه وشريت له هالهديه وقلفتها وحطيتها بصندوق حلو وداخله غش وورد مجفف
وبعدها رحت بياع الورد خذيت استكرزات ورد على الكفر الي حطيته كفري مشجر ورود وملون مو جديد قديم بس قلت الزق استكروات الود على الستاره والابجود يعني اسوي ديكور واضيف لمسة تجديد
وبعدها شريت ورد طبيعي
وكتبة الكرت على السريع لان كان تحت واصل وقاعدد يسفط السياره فزين طلع جذيه مع السرعه
وطبعا خلصت شغيل كل قبل ما يرجع من الدوام برقم قياسي وحطيتهم على السرير
والي فاجاني جدا جدا وادهشني ان اعجبته الهديه كثير كثير الله يخليه لنا ولا يحرمنى منه ما توقعت ان شي بسيط جذيه يبسعده
وانا الي قسما بالله ما اخليت ابواك ماركات واقلام ومداليات وكل ب700 و900 دينار
الا واشتريهم له تصدقون عاد كانت هالهدايه الغاليه عنده حلوه عاديه
بس تصدقون هذي الهديه ابسطته وفرحته اكثر بوايد من الهدايه الغاليه الي كنت اجيبها له
مادري شنو السر هل بساطة الهديه او لان محتاجها وله لان يستفيد منها وله لان من كثر ما قمنى نشتري هدايه غاليه وماركات صار عادي ماقامة تسعدهم فالبسيطه فرحته .. مادري بصراحه شنو السبب او السر
المهم استانس وايد وانا ستانست بعد وايد لوناسته وقلت خل اشارك خواتي بهالحركه والفكره البسيط
والله يسعدنا انا وياكم بزواجنا دوم ولا يفرقنا .. آمين
ملاحظه : الهديه والورد وكل كل كلفني 20 دينار بس
الهديه 13 دينار
الصندوق 1.500 دينار
الغش 100 فلس
الورد 3 دينار
الستكرز 1.500 دينار
التغليف انا غلفته
وسامحوني يابنات على التعديل اذا ما كان مضبوط لان هذا الي قدرت اعرفه وسويه لتصغير الصور
وارجوا من المشرفه تلغي الموضوع القديم مال الصور الكبير
وشكرا للجميع
بس الموضوع حيييل طالع كبير
انتى شاريه جيل الحلاقه + فرشاه الحلاقه
هذا جيل مايحتاج فرشه
بس وايد حلوه وعسى الله يهنيكم
وعسى ربي يسعدكم ويمتعكم بكل شي تملكونه وسخر لكم ازواجكم ويزيدكم محبه وموده ورحمه
ويرزقكم بالذريه الصالح ..
قال رسول الله صلى الله عليه وسلم " ما من عبد مسلم يدعوا لأخيه بظهر الغيب إلا قال الملك ولك بالمثل"
" اللهم إغفر لأخواتي المسلمات ذنبهم كله دقه وجله وأوله وأخره وعلانيته وسره وما يعلم وما لا يعلم "
آمين يارب العالمين
وانطروني بمواضيع جديده بس خل اتعلم وشوف سالفة الصور الكبيره
وشكرا لكم
الرجال معروف بسيط يسعدهم ، يكفي الكلام اللطيف والأسلوب الحنون يغنيهم حتى عن هدايا الدنيا
عسى الله يأجرك ويسعدك فيه ويخليكم أنت والبيبي القادم إن شاء الله
وأنت تستاهلين ، لو ما تستاهلين ما قدم لك هالمبلغ
لا تنسين أبداً طوال ما حييت هالموقف منه
بالتوفيق
ويخلكم حق بعض