هديت الحبوب بس ماحملت!! شالحل؟؟

صباح الخير بنات شلووونكم

انا متزوجه صارلي سنتين وعندي ولد الحمدالله وحملت فيه على طول ماتاخرت وعقب ماولدت قمت استعمل حبوب جنيرا خذيتهم 8شهور بس المشكله اني الحين هديتهم من 3شهوور بس ماحملت هل هالشي طبيعي؟؟ مع اني في ولدي ماتاخرت بالحمال حملت من اول شهر!!! وانا الحين علي الدوره هذي ثالث مره تييني شسوي

؟؟؟؟ اذا عنكم حل ساعدوووني

ومشكورين يالغاليات

عادي ياعمري المانع يكسل الرحم شويه لان الفتره الي طافت الحبوب تقوم بدوره إنشالله تحملين قريب لانج ما طولتي فيهم زين سويتي
الله يرزقج عاجل غير آجل يارب

اي عادي

ممكن يظل تأثير حبوب منع الحمل لمده 6 شهور بعد الانقطاع

بس اذا طولتي اكثر من 6 شهور وما حملتي اهني شوفي السبب وانتي ماخذة جنيرا يعني حبوب منع تعتبر قوية

نفس الحاله بس انا صار لي 4 سنين متزوجه وولدي عمره اسم الله عليه 3 سنين وهادتهم صار لي 6 شهور وما كو حمل الحمدلله علا كل حال مع ان في بجري حملت علا طول بس كل تاخيره فيها خيره

والله يا وخيتى انتى مثل حالتى انا كنت اكل حبوب ياسمين لمده 3 سنين ونص والحين هادتهم من7 شهوور وماكو شى راجعت الطبيب قالت عندج تكيس والحين عطتنى حبوب تنظم الدوووره وان شالله ربى يوفقنى ويكتب لى الحمدل الطيب المبارك وياج وويا الخوات ان شالله … اذا ما يتنى برد اروح الطبيب الله كريم ربى يوفقنا ويكتب لنا الحمدل الطيب المبااارك ..

حبيبتي الحبوب لها تأثير لازم تنطرين لي 6 شهور وبعدها راجعي الطبيب اذا شفتي تأخر الحمل

أنا كنت نفسك والحمد لله من كليت العشبه شالت ترسبات الحبوب إلي بالرحم ومن ثاني شهر ماشاء الله حملت

شنو العشبة اللي كليتيها عشان نستفيد؟؟

وشكرا

عادي حبيبتي انتي هادتهم 3شهور,,,بس لاتفكرين وايد وانتي تحملين
وحكي فاضي الحبوب تسوي مناعه انا اكلهم 5سنوات والحمدلله ساعات تييني عقب الحبوب مره اومرتين…كله يرجع علي النفسيه واذا مافي مشاكل صحيه عندج
وعلي فكره حبوبي كنت اخذهم جنيرا,,,لمده5سوات,,,وحملت عادي والحين هم ست سنوات ااخذت جنيرا واخر سنتين ياسمين,,والحين متأخره علي الدوره يمكن حامل