|
|
صباح الورد والياسمين 
حبيت اخذ رايكم
شنو احلى هدية للعروس؟؟؟
واذا كانت العروس اختج او بنت خالتج او عمج شنو ممكن تهدينها؟؟؟
وهل الهدية لازم تكون متميزة ومافي منها؟؟
ولا عادي تكون شي متوفر بالاسواق ومو متميز ؟
ياليت اشوف مشاركاتكم
بس يعتمد على ميزانيتج.. اذا ميزانيتج راهيه روحي الفارس واشتري تراجي أو خاتم عليه القيمه..
واذا ميزانيتج نص ونص روحي دبنهامز واخذيلها جم عطرمع كريماته
واذا مافي ميزانيه اخذيلها قميص نوم
قميص نوم ..
و لا روحي lush موجود ببلازا السالميه اخذي لها جم شي
bubble bath و في صابونه حق المساج .. وايد اشياء حلوه و ما تلاقينها اي مكان
حبيبتي انا عندي مبدأ
هديه العروس لازم تكون ذهب لان هذي اهي المناسبه الوحيده اللي ما تتكرر بحياتها
واذا الميزانيه ما تسمح بذهب تحطين لها مبلغ زين طبعا تقدمينه لها بصندوق او علبه فيها فنتق
واذا مو حابه تعطين ذهب او فلوس
قميص نوم – او سيت كامل (العطر واللوشن والبودر) – روب الحمام ويكون طقم كامل مع نعاله تلقينهم ماركات عند انور بربري وايد حلو
تحياتي لج
اكثر شي ياني مثل ما قالت اختي حناين … ذهب.. تراجي و اطقم و قلوب
هذا اكثر شي
بعدين اطقم عطور
بعدين قمصان نوم
بس انا يتني قمصان نوم وايد بعد ولادتي!!! .. فاعتقد القمصان حق بعدين.
أما الفلوس.. فأكثر شي يتني بعد ولادتي!!.. عشان البكر!!
و اذكر بعد مرة اهديت رفيجتي الغالية مكياج من جفنشي… كل شي.. كريم اساس .. كومباكت .. شادو.. حمرة.. بودرة .. يعني سويت لها ست كامل و عجبها .
————————————
تبين شي مميز …؟!
بوكس مميز … تحطين فيه مثل ما قالت الاخت منتجات من lush عجيبه .. ريحتها تطير.. وتدرين العروس اهم شي بهالوقت الكريمات والعطورات… وتحطين معاه قلادة مميزة أو تراجي حجر طبيعي!!.. انا احب اللولو … !
الله يعطيج العافية ان شاء الله و ترى فيه افكار وايد … و فيه فناتق وايد بالكويت … منها الموبايلات المزخرفة و الاكسسوارات الروعة و الدراريع المطرزة اليديدة !
يعتمد.
بنات أحس فشــــــــــــــــله
أنا عرسي شهر 10 إن شاء الله
بس لو وحده أهدتني قميص نوم
أحس نفسي ماراح تتقبله؟؟؟
ما أدري يمكن عشان أنا استحي
؟؟
يعنـــــــــــــــــي عادي تهدين وحده قميص نوم؟؟
عذراااااااااااا طلعت برا الموضوع
انا يبت حق بنات خالي صندوق حطيت في وايد اشياء ، روب حمام ، فوط ، ملابس داخليه ، كريمات وشاور جل ،، عطر ،،مكياج
اما صديقاتي ، طقم كوفرات وشراشف ،، او جنطه ماركه ،، او سيت لوشنات وشاور جل و صوابين ،،
بس الحين انا متوهقه مرت اخوي شعطيها ؟؟؟
منها الكفر والمخاد والشراشف وكفر الكلينكس ويي معاه شرشف حق الطاولات … كاااااااامل كل شي فيه
وتلقينه بأشكال واااايد ووايد يستانسون عليه
|
المشاركة الأصلية كتبت بواسطة كويت 25
 بنات ويييين صاير فيكتوريا سيكرت؟؟؟؟
|
فكتوريا سيكرت مو محل بالكويت حبيبتي
هذا سايت تطلبين منه
الف شكر يالغاليات
|
المشاركة الأصلية كتبت بواسطة ChOcoLaTe ‘n MarShMaLlOw
احسن شي طلبيلها من فيكتوريا سيكريت
قميص نوم .. و لا روحي lush موجود ببلازا السالميه اخذي لها جم شي bubble bath و في صابونه حق المساج .. وايد اشياء حلوه و ما تلاقينها اي مكان |
حبيبتي اشلوون نطلب من فكتوريا سيكرت
ولاش حق شنو باضبط
عشان ماتشترين لها شغلات تكون اصلا موجوده عندها واهي محتاجه شغله ثانيه
إذا رفيجتي أو بعيدة في وايد أفكار ممكن خاتم – ساعة – قميص نوم – عطورات وبخور
|
المشاركة الأصلية كتبت بواسطة مركب الأمل
قمصــــــــــــان نوم؟؟؟؟
بنات أحس فشــــــــــــــــله أنا عرسي شهر 10 إن شاء الله بس لو وحده أهدتني قميص نوم أحس نفسي ماراح تتقبله؟؟؟ ما أدري يمكن عشان أنا استحي ؟؟ يعنـــــــــــــــــي عادي تهدين وحده قميص نوم؟؟ عذراااااااااااا طلعت برا الموضوع |
عادي مافيها شي بس طبعا يكون محترم ومعاه روب وراقي مو قصير ولا مفتح من كل صوب جذي بيكون فشلة خخخخخخخ