هدام البيوت خراب طلاق جدام عيوني اللي صار تعالو بسررررررررررعه

ثاني يوم وحده من بنات هالشله كانت قاعده وقتها معانا كانت تتشكى من خطيبها انه باط جبدها شكوك 24 ساعه مالها خلقه ويلوع الجبد وملييق
ولا الاخت ام خالد تقول لها شرايج ازوجج رفيج ريلي وعنده خير وعمارات وفلوس احسن من هالحريم اللي قاصين عليه وناهبينه شرايج اليوم اعزمج عالعشى واكون مع ريلي وادق عليه وتعرفي عليه واذا عجبتو بعض تطلقي من فلان خليه يوللي وحمست البنت وخلتها متشجعه والله العظيم وانا مستغربه اقول في حريم جذي

ثالث يوم هم وحده من هالبنات اللي بالشله بعد يايه ضايق خلقها متهاوشه ويا زوجها وتتشكى مايصرف عالبيت ومن هالموال اللي انتو عارفينه ولا تقول لها الاخت ام خالد شوفي عشان ريلج يتسنع وقت اللي يبيج غرفة النوم و انتو عارفين قولي له بشرط ما اعطيك واسويللك هالشغله الا تعطيني 50 دينار وشوفي ساعتها غصب عنه بيدفع لج عشان حاجته واقنعتها

رابع يوم هم وحده من هالشله يايه متهاوشه مع ريلها وقعدت تتشكى من ريلها وتقول حتى البقاله يطالبني ماعندي ادفع له من سوالفها ولا تقول ان في واحد كليوم عارف حزت طلعتها من شقتها ينطرها ويتم لاحقها لين توصل النادي وتقول انه يبي يتعرف عليها وهي مو معطيته مجال ولا تقول لها الاخت ام خالد تعرفي عليه يالخبله خليه يصرف عليج ويشتري لج دام الحمار اللي عندج مو داري عنج وهم تمت تقنع فيها

هني انا وقتها كنت مخطوبه ومستغربه من اللي اسمعه منهم وهذي اللي قاعده تشجعهم على هدم بيوتهم وعلى الفساد لالا مو صج وقتها كان خطيبي اللي هو زوجي بياخذني من النادي ولا قعدت اقوله صارلي جم يوم اقعد مع بنات وجذي وجذي صار ومن يومها حلف اني ماطب هالنادي و اي نادي بعد وبعد كنت مجدده اشتراكي وراح علي وقتها