هالسوالف فيها كرامة ولا لا اشرايكم ؟

السلام عليكم …

هالسؤال طرالي لانه وحده اعرفها قالت لي شغله وانا ماعرفت شلون انصحها .. باختصار السالفة ومافيها ان ريلها يعطيها مبلغ كل شهر لها ولعيالها بس يحسسها انه وايد عليها ..

مثلا :

بروحج انتي تاخذين هالمبلغ

وانا حده حده

انتي ماعندج مصاريف وانا عندي

انتي تشترين حق عيالج مساكين من هالمبلغ ولا شنو

المهم هالحرمة حز بخاطرها وقالتلي ودي اقوله مابي ولا فلس منك واهي على قولتها خاشه مبلغ جدا بسيط تقول تستخدمه لحد ما تتوظف او تلقى لها مصدر رزق … ونقزت قالت له تبي تقلله عادي

انا قلتلها حقري طنشي خخخخخخخ … واهي راكبة راسها تقول مابي مذله انسان ..عنده مايكفيه ويحسسها انه منتف وقاعد يدفع وايد لها !

اشرايكم ؟؟؟؟

وييييييييه عادي أغلب الرياييل منانين …… خل تطنشه ولاتزيد الطلبات عليه

والله اهي اخبر بريلها ومعاشه وظروفه

اذا معاشه زين واهو يتمنن خل تطنشه وتاخذ منه لانه ملزوم فيها

اما اذا فعلا مايلحق المره لازم تقدر ريلها وماتعسره

اي شي

اكيد تطلب وجنه العيد حتى لوتشتغل المره عادي ريلها يعطيها لان باختصار حقها والحق مافي ذل خل يقول الي يقوله هذا حقها وحق عيالها
خل تقوله تبي تشوف مره سنعه ترتب نفسها وترتب عيالها عطني الي يكفيني يعني اذا ماتطلب منه تطلب من الغريب اهو ريال البيت واهو سندها

تقوله كلمه وحده هذا حقي وواجبك
وبس
وانا برايي تكلمه بالتفاهم احسن تقوله حبيبي ماتبي تشوف مره سنعه تترتبلك وتكشخلك وتلبس عيالك وتهتم فيهم كل هذا يرجع على اسمك
لاتتمنن علي دامك جذي ولا جذي بتعطيني خل احس فيها واصرفها وانا مرتاحه وادعيلك الله يوفقك ويزيدك وباجر لا اشتغلت ماني ضاغطه عليك كثر الحين بس الحين مالي غيرك

الريال ملزوم يصرف على مرته
خل تاخذ منه وتطنش .. اكيد كلامه يأثر بس من وين تييب اذا المره ما تشتغل
ومصاريف الرياييل ما تيي 20% من مصاريف المره وعيالها

تاخذ منه وتفهمه انه ملزوووووم يدفع لها وحق عيالها …

اصلا كرامتها بأنه يقدرها ويصرف عليها وين الكرامة اذا اهيه بتقوم بكل ادوار الزوجة وفوقهم بتصرف على روحها وعيالها ؟؟؟

بلاعوار راس بلا بطيخ
تبي الريال يسكت ومايفتح هالموضوع نهائياااااااااااااا وعمره مايقولها هالحجي ولا يتمنن عليها؟
لي قالتله هااااااااااااات ومصرف الشهر وشغل الاسطوانه
تقوله حبيبي عمري انت ادري متضايق وانا مقدره ظروفك وعارفه ان الميزانيه اللي انت حاطها مو ماشيه معاك ، تبي اساعدك انا حاظر من عيوني الثنتين
عطني معاشك الثلاث الاشهر اليايه انا اضبطلك الميزانيه كاااااااااااااااااااااامله وشرط اسويلك سيفنغ فوقهم ، جم تحتاج مصرف ايدك؟؟؟

اهني الريال مو بيكع بريك مو بتسكر بويهه الا راح يعصب ويصارخ وانا اعرف ادبر وانا وانا عاد اهي لاتسوء فيها وايد خل تقوله براحتك انا حبيت اساعدك لان قلبي يعورني عليك كل شهر لي قلتلك ابي المصرف وقعدت ياعمري تقول هالحجي انا ابي اساعدك بس
وشرط مايفتح هالموضوع وياها مره ثانيه

طبعا تاخذ منه هذي مو سالفه كرامه هذي مسؤوليته لما تزوج خلاص صار اهو المسؤؤل عنها وملزوم يدفعلها ويعيشها بعد بنفس المستوى الي قريناتها عايشين فيه اذا كان مستطيع طبعا وهذا حق والحق ماينزعل منه والله يعينها

الله يعينن

وااااااااااااااااااااااااااااي ذبحونا الرياييل يبا اذا مو قد الزواج ومسؤولياته ليش تتزوجون

المهم حبوبه اغلب الرجال جذي الا من رحمه الله وكان رجل قول وفعل وهالشي قليل
بس انا انصحها ان تبينله ان هذي مو منه لكن من واجباته وحتى لو هي غنيه او معاشها فوق الالف واجبه الشرعي انه يصرف عليها والا ينثبر بالبيت وماله اي حكم عليها
قويه هاااااااااااااااااااااااا
كلمه تستحي منها بدها

الريال غصبن عليه يصرف على مرته بكل الاحوال ودامها ماتشتغل فلااااااااااازم و طبعااااااااا و حتمااااااااااااا بيصرف عليها عيل شتسوي المره!

اهوه بالاول والاخير ملزوم انه يصرف عليها ويعطيها

بس اهيه خل اتييله بالسياسه وتتفاهم معاه تقوله انه الفلوس مصرف حقها وحق اعيالها وانشالله لما اشتغل راح يقل المبلغ لانه الحين اذا ما خذيت من حبيبي من اخذ منه ..خل اتييله بالمساحل واهوه شوي شوي راح يسكت وما يفتح الموضوع مره ثانيه

اهوه يبيها تقولة ما بي ولة قليل المبلغ او يمكن اهية امبينتلة انها تخش جزء من المبلغ عشان جذي اقولها وايد عليج بس اهية لاتقولة انها تخش شي وخل اتبينلة انة المصروف حدة قدة ولا تقولة ما بي ترا اهوة يبيها تطفر عشان اصير منها مو منا هالحركات ماتمر علينا يعني اهوة لازم يصرف حتى لو كانت غنية اهوه ملزم فيها

خل اتطنشه
اهو مكلوف فيهم يبون يتزوجون ابلاش

مشكورين على التفاعل ……