نصيحة حــق كل وحده عيالها يعانون من حساسيه الصدر او الي فيهم لحميه

السلام عليكم خواتي

اول شي بقولكم تجربتي مع ولدي بجري حبيبي يبته بشهر واحد أو
من عمره شهر تعادى فلوزنزا من امي او عطوه كمام او كانوا بيسدحونه بالمستشفى
بس العبوا فينا الاطبا …المواساة قالو دخول ..وديته الاميري قلت اتأ:د قالت الدكتوره الله يسامحها مايحتاج او بس عطيه كمام بانتظام

المهم من عمره شهر كنت اعطيه الكمام تقريبا كل اسبوعين بعض المرات كل اسبوع او كل كورس كمام يرتاح يومين ثلاث او يرد صدره
مأســـــــــــــــاة الحمدالله رب العالمين

مابقى احد ماراجعت عنده صج صج العبو فيه او كل العلاج الي قبل ياخذه والادويه والبخاخ مال الخشم كلهم يزيدون حساسيه الصدر

بعدها من عمره 9 شهور لي سنه الحمدالله ما اخذ ولا كورس كمام
بس من كمل سنه امبيه كورس الكمام مو اسبوع اسبوعين لا 3 اسابيع او مايطيب الا بالغصب او تكرمون البلغم حتى تحاميل او الدوا الي مع الكمام مايفيد فيه تعبت من شهر واحد لي اخر 2 او اهوه يوم يطيب او يرد اسبوعين 3 اسابيع

كنت أسمع من زمان عن الدكتوره ( عــــفــــاف الـــرومـــــي ) او كنت بيني او بين نفسي اقول كلهم جذابين تعبت مابقى احد ماراجعته كلهم نفس العلاج

لين اليوم الي تعبت فيه او امي قالتلي وديه شخسرانه …… الحمدالله الحمدالله الحمدالله اني وديته

ولا اكتشتف انه فيه لحميه بخشمه اهيا الي اتسبب له النشله او النشله اتصب لي ورا ماتطلع لي جدام او تنزل على الصدر

او كل الادويه الي استعمتلها لأ كلها غلط بغلط :-

شنو فادتني فيه الدكتوره الي انصح الكل يجربها :-

اولا : عطتني جدول غذائي حق ولدي ايهبل او فيه ارقام المواد الخطره على اليهال بالمنتجات الغذائية

ثانيا : لسته بكل انواع الادويه الممنوعه لنوع مرضه ( حساسيه الصدر والربو )

ثالثا : عطتني دوا للكمام و الفنتولين دوا الماني موسع للشعب الهوائية الماني او ينباع بس عندها او تستخدمينه عن طريق النقط على وزه الياهل وزنه 8 يعني 8 نقط + دوا يطلع تكرمون البلغم هم نقط بالكمام
+ ايريوس + بخاخ للخشم مدة شهر مرتين باليوم او اذا نشله قويه 3 مرات مو اكثر او يذوب اللحميه
او الدوا الي بدل الفنتولين الالماني مايسبب تعب ولا رقعه بالقلب للياهل وايد مريح حتى ولدي يتقبله قبل الفنتولين يبجي لما احطه له
مــــــاشـــاء اللـــــــــــــــــــــــه الحمــــدالله ولدي طاب بخلال 4 ايام بس مع انه كان حده متنك او عطتهاوكسجين حته لون ويها تغير

او بعدها عطتني حقه دوا وقايه عجيب مو مال المواساة ولا الحكومه الي يلوع الجبد اعطيه اياه خلال شهر 3 مرات يطيح علي

دوا عباره عن علاج لمده 3 شهور

كبسولات كل شهر 10 ايام بس
دوا زيداتين اول اسبوعين مره وحده او بعدها 3 شهور مرتين

عجيب ماشاءالله الحمدالله ولدي ارتاح حيل
او حتى تقول لو اتييه نوبة ربو حدها يومين ثلاث ايام
او ممكن يروح منه بنسبه 90%

انصحكم فيها بنات جربوها
عيادتها بالجابريه يم ماكدونالدز
او بليز لا تطلبون مني اسامي الادويه لان ممكن من طفل لي طفل تفرق

مشكوره ياقلبي

الله يحفظ ولدج يارب

مشكوره حياتي نفس المشكله

مشكوره انا توني رايحه حق د.فهد المخيزيم يمها
ان ما نفع بروحلها

الله يشافي عيالكم يارب
او نصيحه نصيحه مو دعايه الله العالم ما اعرفها معرفه شخصيه بس خدومه او تعطيج رقم موبايلها اتدزيلها مسج اي استفسار تبينه اتجاوبج عليه على طول
او مو ماديه كلش
فتره النقاهه اتقولج لا اتييبينه عندي كلش اي شي يصير دزيلي مسج بحالته او وزنه او اقولج شنو اتسوين

دواها الي بدال الفنتولين ماشاءالله عجيب روعه روعه روعه حتى ريحته مو مزعجه او يهدي البيبي

او النقط الي احطها بالكمام الي اتذوب البلغم تكرمون بعد كل كمام لازم يسويها ولدي او اتشوفونه مثل الاسهار مكرمين او اتشوفين بلغم بلغم واااايد حتى لي غسلتيه اتحسين فيه عدل

يعطيج العافية

جزاك الله خير ياعمري …والله يشافي عيالنا اهل الصدور انا نفسج تعبت بس الحمدلله …الله ثم هالوقائي يخفف شوي …

بس ما عليج كلافه بغيت تحطين لنا جدول الاغذية والادوية الممنوعه عن اهل الصدر عشان نستفيد …وجزاك الله خير

مشكورة حبيبتي

يعطيج العافيه حبيبتي
انا ولدي نفس الحاله واوديه عند دكتور احمد اغا اللي بالسلام عطاني نف الادويه الوقائيه اللي تقولين عنها مدتها 3 شهور بس ساعات يضيف كورتزون بالكمام ولدي بعد ساعه من ياخذ الكمام يصير زين بس انا ما ارتاح للكورتيزون وبسألش هذي الدكتوره عطت ولدج كورتزون بالكمام ؟؟

اذا ما تعطي بجربها عشان انا واااايد اخاف من الكورتزون

تسلمين

لا نصيحه ودي ولدج عندها لا كورتيزون ولا بالميكورت ولا مضادات
او بخاخ الانف اسمه ليفستون اعتقد ! مو ذاكره اسمه عدل بس عنونو او لون الليبل اصفر

او ماتعطيه فانتولين بالكمام جربي اخذي الي اهيا اتبيعه مو موجود بولا صيديله الا بعيادتها او سعره على فكره عادي مو غالي حسنا حوس بالصيدليات قالو ماكو اهيا دراستها كلها بألمانيا او تقول بألمانيا ممنوع الفنتولين
او بذمتج شنو احسن ادويه بالعالم مو الالمانية؟؟ او مو مكتوب على الدولا شي غير بالالماني

الدوا عجيب او قتلها بروح المانيا قالتلي قبل ماتروحين قوليلي اعطيج وين تحصلين الدوا او اشياء مفيده حق ولدج اهناك

الوقائي ماله عباره عن كبسولات نصهم ابيض او نص ازرق نفس ملوتج ؟؟ او العلبه اتصير نص ابيض نص ازرق
هذا 10 ايام من كل شهر
او ايروي بس احسن انه منشول اعطيه على طول لانه بعد ينشف اللحمية

او لمده 3 شهور بعد زيداتين اول اسبوعين مره باليوم او بعدها مرتين نفس الادويه؟
او اذا الكورتيزون البالميكورت لا تخافين مايأثر على ولدج ان شاء الله لان مو بالدب بس نصيحه مو خسرانه شي وديه مره او شوفوا الفرق

اي حبيبتي الادويه الوقائيه كلها نفس ملوتج والكبسوله انا افرغها بالعصير واخليه يشربها بس انا عندي زياده دوا وقائي اسمه سنجل اير اهو عباره عن شياس داخلها بودر اتخلطينه ويا الاكل وياخذه كل يوم لمدة 3 شهور

بس انا انشاء الله بروحلها لأن صراحه انا كنت اعالجه عند الدكتور محمد سعيد وما كان يعطيه كمام كان يعطيه ابرة مضاض والولد ياخذها من اهني ويصحصح من اهني شنه مو مريض بصراحه انا استغربت من الابره ولمي سألت عنها اطلعت اقوي مضاض حيوي ينعطي للأنسان يعني اذا صار ويا الولد اي مرض قوي مثل التهاب الشعب الهوائيه ويحتاج مضاض وجسمه كان متعود علي هذا المضاض القوي ما راح ينفع معاه اي دوا

علي جان شذي غيرت الدكتور

امبيه وايد 3 ادويه وقائيه يمكن تختلف على حسب الحاله
انا الاميري او المواساه كانو معطيني سنجل اير حقه او كان ياخذه خلال شهر حاشته اكثر من نوبه ربو او قتلها قالت وقفيه على طول او استخدم الي قالت عنهم
بس الكبسولات انا لازم اعطيه على الريج مع 10 ملي ماي بس ماشاءالله تبارك الرحمن مفعولهم حلو صح؟؟

جربيها مو خسرانه شي او ديري بالج من الابر
انا الاميري مره حاشته ازمه قويه قالتلي لازم ياخذ ابره او الابره فيها كورتيزون مارضيت
قالتلي عفاف الحمدالله انج مارضيتي بهالعمر اليبيبي ماعنده مناعه قويه او بهالسوالف اتضعفينها زياده

الله يشافي ولدج ان شاءالله

حمدلله على سلامتج ولدج والله يبلغج فيه يارب ..

ذكرتيني فيها ودي اودي عيالي مراجعه