|
احم حدي كشخه اخر شهر واخلص التربية العملية ..
سلالالام قبل كل هذا
اسمعوووا يابنات احم اقصد اقروووا
انا دشيت التربية العملية من غير نصايح وابتلشت .. لأن ماعندي احد من عايلتي رياض وماعلموني
بكتب نصايح لبنات التربية العملية بالمستقبل .. والي عندها تكتب حرام لايغلطوون اغلاطي واغلاط رفيجاتي ..
#خلج بشوووشه .. مبتسمه بوجه الكل .
# صيري مرنه .. واغلب وقتج رسمية .. لاتقولين بطيح الميانه مع احد .. انتي اللي بتخسرين
# شغلج لاتطلعينه الا بوقته ولاتقولين بسوي وبسوي .. بيطبقونه قبلج
وانتي الي تطلعين مقلدتهم .. وسارقة الافكار .
# الابلة اللي معااج حطي حدود بينج وبينها .. لأنها راح تستغلج .. انا اللي معاي سوي وسوي
سويت مره ومرتين ولما شافتني مطراش كدشتني لما صرت اعطيهااا طاف اقول زين .. وكله ناسية وماذكر
# لاتاخذين حتى ورقة من الابلات .. لأن ان اخذتي شي سيرتج بتصير بالمدرسة ان فلانه تاخذ وسائلها مني
وهي كلها جم ورقة ..
# ان سمعتيهم يحشووون قومي .. وان جت وحده تحش لج قولي الله يهديكم .. ياكثر نقالات الحجي .
# المشرفة اي شي تقوله قولي ان شاء الله .. وتكلمي معاها باسلوب معلمة لمعلمة اكبر منهااا ولاتناديها الا ابلة فلانه
وحاولي تبينين ان هي اللي علمتج وفهمتج وانها صح وانتي الغلط منج بعد شنسوي لازم نتحايلهم
#ان كنتي جامعة الكويت بيقولون لج 10 حصص في الاسبوع الواحد .. لحد يكدشج اكثر من جذي ..
# بيكدشوونج احتياطااات اخذي وانتي ساااكته .. انا مكدشيني احتياطين ورى بعض ..
وفالحين بس سوري تعبناااج ..
وفي ابلات عاهات تكونين ماخذه مثلا فترة الاركان احتياط وعليها اللاصفي يبدااا 11 وربع تجي 11 وثلث
لو اني ابلة لاحذفهم اروووح .. اخليها تعرف ربها عدل .. وتجي تمخطر بالعه جاي وقهوة وتقول اووف ماعندي ساعه
بي رايت باك
الله يعينكم والله يا الطالبات تكسرون خاطري
بس والله انتم اشطر منا عرفتم حقوقكم عدل ولكم توجيه يدافع عنكم
احنا قبببببببل اخييييييييه نكسر الخاطر
خدامة مسترجعة واجد علينا
عجبني كلامج كله
برافو عليج تعلمتي من اول كورس
بس للحين ما شفتي شي
والله احنا مدرستنا عارفين حدودهم عدل
بس مساااكين بنات التربية الاساسية امبيه شي موطبيعي
حتى الشهادات اهم اللي يختمونها شكو
احنا مدلعينا اشوي واحتياط بس واحد
شكو احتياطين واذا عطوج احتياطين قولي
انا اللي اعرفه ناخذ بس احتياط عشان يدرون انج تدرين شنو لج وشنو عليج
خووووش نصااايح
حلوه نصايحج وبالصميم
فعلا خلج بشوشه بس بحدود
ونصيحه اي كلمه تقطينها عن اي احد ترى بتوصله فلاا تحشوون باي احد حتى الفراشه,,,
واهم شي علاقتج مع الاطفال اذا نجحتي بالتعامل معاهم فراح تعيشين بهنا وبعز بالوظيفه طوووووول عمرج اما اذا كرهوج وكرهتيهم بتعيشين بجحيم
وراعوا الله قبل تراعون المشرفه او موجهه
شغلج سويه لوجه الله مو لوجه احد راح ترتاحين نفسيا وكل شي بينعكس عليج
ياماا ابلات اشتغلو وشالو وحطو وسوو وسائل وماخذو الامتياز ليييييييش؟؟
لانها من تطلع المشرفه او الموجهه كفخت عيالها ولعنت ابو خيرهم وماخلت حجوه مو زينه الا قطتها عليهم
على بالها ربها مو موجود؟؟
ترى المشرفاات والناظرات لا تقولين مو موجودين لااااا يدرون بكل شي صاير بالروضه والتعامل اهو المحك الرئيسي للتقويم
اصلا يبين على اليهال اذا ابلتهم زينه وياهم والا العكس
ولاتنسين يا ابله انج قبل اتكونين ابله لهاليهال المساكين انتي ام لهم
ترى حراااام توهم طالعين من حضن دافي من دفى البيت والعاب البيت وحاسين بغربه يالله لو انحس اهم بشنو حاسين بنمووت بجي
تقبليهم بقلب ام وصيري لهم امهم وابلتهم واختهم ورفيجتهم بيحبونج وبيرضى عليج رب العالمين وساعتهاا غصبن عالاداره بيحطون لج تقدير زيين
والسلام مسك الختام
وفعلا يابلات الضمير الضمير
وكل الي قلتوه حلوو
بس نسيتوو انها داخل صف
ومعاها معلمات .. حلو تتعاون معاهم .. وتحط ايدها بيدهم
لاتمشين وتحذفين وبنت الناس تخم وتلقط وراج .. ولا تاخذين وماتردين شغل الناس يحوس بالصف اسبوع مايدرون من شغله
ولا تنسين انج محاسبة بكل شي داخل الصف .. حرصي على الصف مثل حرص ابلته
مو تدشين تعفسين اليهال والاركان وتطلعين ..
ويا حلو من زار وخفف
انتي شكلج مقروصة
اللي تناقشوو بهالموضوع والله كل كلامكم صح
كل واحد له حق وكل واحد له واجبات
و في بنات عملي ينحطون عــ الجرح يبرى
و في تاخذ حقها غصبن ع الكل
اما عن المدرسات والله النص على راسي والله يوفقهم
اما النص الباقي لاحول ولاقوة الا بالله ..الله يعينهم على نفسهم
تضحك بوجهج ومن ورا ظهرج شي ثااني !!!!!!!!!!!!؟ ليش ياناس مو حرام
تقولين شي يفسرونه على كيفهم
وعلى بالهم كل اي خطوه او كلمه تسوينها بتكون ضدهم !!!؟
شنو هالعقل !!؟ حتى الجاهل عقله اكبر منهم !!؟
حسبي الله على كل ظالم كان وبيكون بحياتنا..
والله يوفق كل شخص ساعدنا واستاهل وقدر مساعدتنا له..الله يوفقهم دنيا واخره..
اهم شي الضمير راعي ربج وماعليج من احد هذا عملج همج تقدمينة بصورة حلوة عشان ربي يبارك فيج وبحياتج وبمعاشج مو ارضاء لفلان وعلان وربي بيسرها لكم
وفي شي الافكار صاجة اسكتي وسوي شغلج بسكات احسن
وموفقة
السنة الجاية تعالي عندي خخخخخخخخ بترتاحين ما اكدش ابد خخخ
ومشكورة على هالموضووع
بس بيني لمشرفتج انها هي الكل بالكل
وحياكم