نزول الدم من الأنف ؟؟؟؟

السلام عليكم بنات

بنات ليش ينزل من الخشم دم انا صارلي يومين ينزل من خشمي دم شنو السبب ؟؟؟
ناطره ردودكم

اول شي سلامتج وماتشوفين شر

وبالنسبه للدم انتي فيج ضغط ؟؟ اذا راسج يعورج ونزل دم معناته وياج ضغط

اول فيج مرض ماعرف اسمه يمكن الرعاف اعتقد جذي اسمه اللي كله ينزل دم من الخشم

بس لاتخافين راجعي الطبيب المستوصف وشوفي اذا تم ينزل عليج يوميا وساعات

تري يكون الوضع طبيعي واحتياط روحي الطبيب احسن

بنات انا بنتي دايم ينزل دم من خشمهاا شسويلهاا عمرهاا 6 سنين

عاقده النونه مشكوره وماتقصرين على الرد بس انا من عطلت وقمت اسهر وقمت اطول بالنوم احس راسي في ضغط لما انام بس انا مافيني ضغط وصدف اليومين الي طافوا كان ينزل من خشمي دم

انا اخوي من كان صغير لين كبر وهو ينزل من خشمه دم شال اللوز وسوا كي لخشمه كم مرة ما في فايدة

انا نفسج من كثر مافكر ولا انام وان نمت انام ساعة او ساعتين عشان جذي

عاادي حبيبتي مع الصيف تكثر والحراره حاولي تنامين بجو بارد ولاتتعرضين للشمس
ويمكن شريان بالانف مفتوح وعلاجه الكوي بس ممكن يرجع انا ولدي اربع مرات كويناه لانه شريان مفتوح ولااستفاد شي
واكثر شي يقولون وراااااثي
ماتشوفين شر يالغاليه طمنينا عليك

اذا ضغطي مرتفع ينزل دم من خشمي
وهذى رحمه من رب العالمين عشان ما تصير فيني جلطه
الحمد لله على كل حال

انا يوم كنت حامل كان ينزل من خشمي دم , و قالي الدكتور عادي بسبب تغير الهرمونات

اذا ينزل الدم من الأنف يعني الضغط عندج مرتفع وطبعا يصاحبه صداع

اكلي شئ فيه سكر اما اذا ضغطج نازل يعني هبوط فاكلي شئ مالـح

ولى دايما ينزل من خشمه دم ويقولون من الحر والشمس

وااااااااااي ذكرتيني ابنتييييييييييييييي من صغرها وهيا كله دم واديها المستشفى يسون لها كوي وماكو فايده كل يومن كل يومن اخر شي وديتها للمستوصف وقالت لي الدكتوره لا تسوين كوي وايد لانه مو زين يفتح هذا المنخر على الثاني قلت والعمل قالت من ينزل من خشمها دم امسكي خشمها حيل من فوق من عند العيون العضم الي عند العيون انزين امسكييييه لمده خمس دقاااااايق وبعدين راح يوقف ومن يوقف عطيها على طووووووول ليموون خففيه لها بلماي وعطيها وصج مشيت على هلحال والحمد لله بنتي من كثر منا ينزل من خشمها دم صار تحت اعيونها ااسوود وهي توها عمره 6 سنين بس الحي نالحمد لله والشكر لله