نبي تصويت : يخلون قسم الحياة الزوجيه قسم خاص ماتقدر تدخله أي عضوه !

جان زين يخلون هالقسم خاص ..يعني ما تدخله إلا العضوه اللي تعدت مشاركاتها 300 مشاركه ! شرايكم ؟؟
نبي تصويييت .
احنا نبي العضوات يدخلون بس ما نبي المتطفلين والشباب يدخلون وهذول في الغالب ماراح يكون عندهم صبر يشاركون وينطرون 300 مشاركه عشان يسببون ازعاج .. ما تسوى عندهم النطره يبون يزعجون الناس بطريقه أسهل .. وللا شرايكم ؟

بنات هذي اضافه توني حاطتها لأن البعض ما يدري شالموضوع : أمس نص الليل دخل ريال وكتب مواضيييع سيئه .. وحط مشاركات وردود على مواضيع لعضوات أخريات .. وهذي ما تنمسح لأن مو مسجله باسمه .. وطول الليل وهو يكتب بلاوي ويهدد يقووول بفضحكم بالإيميلات بالنك مالكم وراح أوريكم !!
منو مشرفه طول الليل وكل ليله بتكون قادره تسهر وتشرف ؟؟؟
الأخ أخذ راحته واذا ما نوقف أمثاله عند حدهم معناته ماكو فايده !!
لا تفهموني غلط .. آنا مابي أمنع خواتي بالمنتدى من الاستفاده والمشاركه بس لازم أكو حل !! ومشاركتكم بموضوعي هذا راح نستخلص لنا منها حلول ان شالله.

تنبيه من الاداره قبل لاتتفضل اي عضوه بوضع اي رد علي الموضوع او الافتاء ارجو قراءه الروابط التاليه اختصارا لوقتك ووقتنا
مشرفه القسم علي الرابط التالي
https://www.q8yat.net/showpost.php?p=…2&postcount=38
https://www.q8yat.net/showthread.php?…=1#post6191718

واكرر شكري لاخت صاحبه الموضوع علي اهتمامها وحرصها علي مصلحه المنتدي

اختك – كوين

وهذا الصوت الأول .. موافقــــه !!

مافهمت ليش تبينه خاص ؟ ماتبين كل البنات يدشون ؟

والله ياليت لان اصحاب النفوس الضعيفه ماعندهم صبر
يسجلون بالمنتدى ويحطون مواضيع بساعتها

امممم مادري احس ماكو فايده في وايد عضوات راح يكتبون مشاركات مامنها فايده بس عشان يوصلون 300 ويدخللون القسم يعني ما انحلت المشكله

جوري الحلوه .. أمس دخلت عضوه جديده … أو ( عضو ) وكتب ما لا يسر .. وللأسف أيضا دخل على مواضيع وكتب ردود غير لائقه ..
طبعا تم إيقاف العضو (وه ) .. وألغيت مواضيعه بس ما انغت مشاركاته بالمواضيع الأخرى اللي كاتبينها العضوات الأخريات .. وروحي شوفي بنفسج واخذي جوله … كاتب كلام سيء وما انمسح لأن الموضوع مو مسجل باسمه

ماادري

ميخالف احنا نبي العضوات يدخلون بس ما نبي المتطفلين والشباب يدخلون وهذول في الغالب ماراح يكون عندهم صبر يشاركون وينطرون 300 مشاركه عشان يسببون ازعاج .. ما تسوى عندهم النطره يبون يزعجون الناس بطريقه أسهل .. وللا شرايكم ؟

أب أب أب
للرفع ..

وانا موافقه , نبي خصوصه وحتى في بعض المنتديات ماتقدرين اتشوفين من بره شي وبعد لازم اتسجلين وانا افضل هذا الشي

انا اقترح ان يقسمونه قسمين في قسم حق النقاشات العامة مشاكل الزواج والعيال والحمولة هذي عادي اي احد يشوفها عشان نعرف ونتفهم باجر لي تزوجنا شنو ممكن المشاكل اللي تواجهنا ونتعلم من خواتنا شلون حلو مشالكهم
وقسم ثاني حق الليالي الحمراء والصفراء والزرقاء… اللي تخص المتزوجات فقط هذا القسم ما يدخله غير المتزوجات
بس انا ارد واذكركم ان احنا يالبنات العزوبيات قاعد نستفيد من قسمكم بأن نشوف الزواج بصورة واقعية بعيد عن صورة الفارس والحصان الابيض وان الزواج مو بس ضحك وطلعة ووناسة
يالله وينكم يالعزوبيات انضمو معاي لبقاء هذا القسم مفتوح للجميع
ويعطيج العافية

ايييييييييييييييه فهمت عيل صح كلامج لازم نصوت

وانا بعد وياكم

لا ضد هالفكرة
لان ما نحل مشكلة بخلق مشكلة
وبعدين في عضوات وقدم ويكتبون مواضيع قليلة ادب
يعني ماانحلت
والقسم فيه مواضيع تفيد الجميع متزوجة وغير متزوجة
خل ندور حل ثاني