موظفات المالية ابي مساعدتكم

السلام عليكم شلونكم وشخباركم

عفيه ابي مساعده صغيرونه منكم انا الحين ادرس وتخصصي تكنلوجيا التعليم بالتربيه الاساسيه انا سمعت ان يقبلوني بوزارة المالية يعني يبون هالتخصص
اللي ابي اعرفه هل احتاج واسطه قويه حيييل ؟
وجم معاشي باجر يصير انا راح اتوظف على الدرجة الرابعه
عفيه ابي ردودكم وتفاعلكم لاتبخلون علي,,,,,,

الله يوفقج ويسر امورج انشالله انا بسألج واشوف لان ما عندي فكره عنها بالضبط بس فعلا لازم تسألين قبل
وانشالله البنات يساعدونج بعد

بعد قلبي اشكرج على مرورج والله يوفق الجميع يارب
مشكووره حبيبتي

جم معاشج بالظبط مااقدر افتي فيها لكن وزارة الماليه فيها كادر

لكن تحتاجين واسطه قويه قويه قويه قويـــــــــه عشان تتوظفين هناك

موفقه انشالله

مشكوووره ازهار ويعطيج العافيه
وينكم يابنات الماليه منو تقدر تفيدني انا على الدرجه الرابعه جم يصير باجر معاشي

ممم يبيلج واسطه قووووويه و انتي و حظج
و راتبج 875 تعيين يديد.

هلا أم فواز

مو شرط واسطه .. شكثر عندنا مقدمين بدون واسطه
أول شي كانوا ندب عقب صاروا نقل

والدرجة الرابعه أعتقد 870 لأني للحين ماوصلت لها توني جديده
عقبال ما اوصلها

))

والدوام من 7 و46 لـ 2 و20

وأي سؤال انا حاضرة

اممم والله ماعندي واسطه بس املي بالله كبير صارت صارت ماصارت ماعليه والله يسهل للجميع
ومشكووره حبيبتي

شلون يعني ندب؟؟؟

ياطويلة العمر يعني تسوين كتاب تخاطبين فيه الجهه اللي بتنتدبين لها
ويكون الندب ( عملج في الوزاره ( مثلا المالية ..لمده معينه ) يعني تجربين طبيعة عملهم وإذا عجبج تقدمين نقل
وإذا ماعجبج إنتي أولردي بتردين وزارتج بعد ماتنتهي فترة الندب
وغالبا تكون مابين 3 إلى 6 أشهر

والله اعلم!

اها لا انا ابي علطووول من اتخرج اروح هناك لا ندب ولا شي ابي الديوان علطول يحطني بالماليه

ومشكوووره حبيبتي ويعطيج الف عافيه

اهاا يعني إنتي للحين ماتوظفتي!!
دام من الديوان إن شاءالله بيقبلونج .. انا لا واسطه ولا شي بس توكلي على الله
واللي كاتبه لج أكيد فيه الخيره

اي ماتوظفت ادرس بالتربية الاساسيه والسنه اليايه اتخرج وراسمه على المالية لان من اهلي وايد اهناك ويمدحون الدوام والمعاش فابي وبقدم وبتوكل على الله
مشكوووره حبيبتي على تفاعلج معاي